حلق القرناس من فعـل الدويلـه
والحمام من الطرب غنـى هديلـه
والخيول من الفخر تلعـب تحايـا
العبيـه والحمدانـى والكحيـلـه
وطبت الخفرات بالميـدان تلعـب
قامت الارقـاب تومـى بالجديلـه
ورزفت حمرا مطير بفعـل ربعـي
صفقتلـه كامـل رجـال القبيلـه
والسيوف من الفخر تبرق وتلمـع
انثنـة منـه وقامـت تنحنيـلـه
والرياح الهوج بالاغصان تصـرخ
والذياب المعـط تقنـب وتعويلـه
ماتباهـا الفخـر قـام يتبـاهـا
جر مـوال القصيـره والطويلـه
في حمادين(ن)حميديـن السجايـا
كلن يحصل من اسمه له حصيلـه
وافييـن وكاملين(ن)بالخصـايـل
الحرار اللـي مكاسبهـا جزيلـه
كم بنو من شامخ الامجاد مجد(ن)
ساطع(ن) كنه سهيل لمن يخيلـه
وارثينه ورث مـن كابـر لكابـر
ويارثه منـا بعـد جيل(ن)يجيلـه
ردننا اللى مثل هملـول السحابـه
يستـوي لنـا وحنـا نستويلـه
صبي الفنجـال يابنـت الاصايـل
اشقر(ن)يعـج بـه بنـه وهيلـه
قدميـه بلطـف وليامـن شربنـا
ابشري بالمعجـزات المستحيلـه
وغمضي في عينك الحورا ونامى
ارقدي في ظـل حاميـن الدبيلـه
كم مشينا في بيـارق كـم طحنـا
كم شيخن طاح راسه في شليلـه
متعبين الخيل واحفينـا المطايـا
والمهنـد مـن يدينـا ذاق ويلـه
وترجع البل لا لحقنا فـي طلبهـا
ولا كسبناهـا طلبهـا عزتيـلـه
ويامـن الدخيـل لا لاذ بحمـانـا
في ذرانا سنه مـع ستيـن ليلـه
مدخلينه عق ماهـو حـق حنـا
محتمينه لو يجيلـه مـن يجيلـه
والدويلـه قالهـا فينـا الجنـازه
يوم جانا في جموع(ن)كالمخيلـه
يـوم دارت معركتنـا وانتخيـنـا
انتصرنا رغـم حضرتنـا قليلـه
طاح سبعه بين حامد والحميـدي
ومسلط الحبشان وش سوى بخيله
كل ما ميل على الصابـور مالـت
وادبرت والدم فيها سـال سيلـه
وانتصرنا فـي نهـار الحرمليـه
سربتين وقدمنا جموع(ن) مهيلـه
وصفنا فيها مثل وصف العساكـر
خيل(ن)وفرسان وسيوف(ن)صقيله
ويوم صك الريع عنا في حريقـه
فاتحين الريـع لمطيـر الاصيلـه
فاتحه صدعان وعقـوب المظفـر
يوم ثار الهيج مـن راس الفتيلـه
ويوم ولد الربع وقف في نحرنـا
راح ولد الربـع تنعـاه الحليلـه
صوبه غازي وجابه من ظهرهـا
ثم جاه حمـود واشفابـه غليلـه
ويوم ولد المسندى حـول بنايـف
اعتزى فاضـي وحولبـه مثيلـه
وصالح البراك له شيخه وفـارس
جاه صالح نادر(ن)مثلـه بجيلـه
يوم كلن هاب راح وجاب راسـه
ناطحه بالوجه مـا يذبـح بغيلـه
وكسبنا بجـراب ثمانيـن حافـر
فعلنا مع راعي الحكـم وسليلـه
وكم كون(ن) معه بالتوحيد خضنا
لين جم البيـر فـاح بسلسبيلـه
ورجهنت تحت حكم اخوان نـوره
حكم عدل وخير ما نرضى بديلـه
وعصرنا الحاظر ربوعي ما توانو
كل صرح(ن)حاز بعمال(ن) جليله
لا فعل منا الرجل فعلـن ينومـس
قيل حميداني ويحـري بالجميلـه
ما يفيد الرجل قول ابـوي سـوى
كان ما عنده من فعول(ن)تشيلـه
وكل فخرن تفتخـر فيـه القبايـل
عندنـا مثلـه بحجمـه وبمكيلـه
وكل ما قلته تحت توقيـع ربعـي
شاهـده جنبـه ويبرالـه دليلـه
والصلاه ختامهـا علـى محمـد
سيد(ن) ما قلـت البيـدا مثيلـه
lgplm hgplh]dk hgjhvdodi
