-
علي بن مسمار الحميداني
علي بن مسمار الحميداني
بسم الله الرحمن الرحيم
هاذي القصيد من الشاعر ماطر العليم
ويحكي به عن القهوووة وفعل الطيب والكرم
ويوووووصف هااذا الشي
في ابو سعد """ علي بن مسمار الحميداني
ياحلو شبتها علـى طلعـت النـور
لاحافها قرم (ن) مثل علي مسمـار
وجهز معاميل (ن) لها فعل مشهور
وحمس من البن اليماني على النـار
ويوم استوى بالنجر حطه على الفور
ودنه بصوت(ن) دنته تصحي الجار
وصله على صفرا كما نور بيجـور
ثم صب معه الماء على قيس وعيار
ولامنها فاحت وقامـت بـه تفـور
ميل عليهـا حـب هيـل ومسمـار
وردع بها فنجال من شغـل دكتـور
لين استوت به خنـة البـن وبهـار
ثم ساق فنجال علـى كـل منعـور
ربع (ن)على بيته يحبـون مسيـار
حيثه كريم ودايم الوجـه مسـرور
ويعرف ماجوب المسيـر وخطـار
ثم سولفوا عن طيبين(ن) لهـم دور
اللي يسوقون الدبش يـم الاخطـار
يم الرشيد وعنـه مانقبـل الشـور
عاداتنا عنـد اللقـاء ناخـذ الثـار
عاداتنـا بالمعركـه مالنـا ســور
اليا اعتلينا فـوق زينـات الامهـار
واهل الكرم في كل الازمان مذكور
ماهي بديعه من قديم(ن) لنـا كـار
نار الحميدانـي والآ نيـرة السـور
تضرب بها الامثال في كل الاقطـار
تاريخنا بالمجـد والعـز مسطـور
دايـم يذيعونـه بنشـرات الاخبـار
ويابو جديل فـوق الامتـان منثـور
والخد بـراق سـرا يشعـل انـوار
لاتاخذين اللي بـه البخـل مخبـور
شومي لكل مجرب(ن) يشعم النـار
ugd fk lslhv hgpld]hkd
