عزيت نفسي/ قصيدة رثاء بالشيخ / مليح الحميداني
قصيدة / رثاء بالمغفور له إن شاء الله الشيخ/مليح بن محمد الحميداني
مع التحيه إلى الشيخ /جاسي بن محمد الحميداني
عزيت نفسي
[poem=font="Simplified Arabic,5,white,normal,normal" bkcolor="black" bkimage="" border="solid,5,gray" type=2 line=0 align=center use=ex num="0,black"]
عـــزيــت نـفــسي قـــبل أعـزيك بمليح = وأخـــذتلي وقــت ٍ وأنا أقول مامات
نـشــدت أبـي مـن نــاقـل العلم تصحيح = وأورد كــــلام ٍ مــأيــجي فيه شكات
وأيــقـنـت عـقــب وجـيه كـظم ٍ مكاليح =تــعــطيـك نظرتهم عــلوم ٍ وكيـدات
وســلـمت لــلمقـســوم كــل المـفـاتـيح = مـــؤمن بـدبرة والي العرش لاجات
مــرحــوم يــانسل الشـيوخ الـزحازيح= كــســابة الأمجاد في عوب الأوقات
مــقـدم ربــوع ٍ يــكسرون المــناطـيح =ليا طوح ٍ شقـر الذوايب بالأصوات
في ســـوق جدع الروس دايم روابيح = هــذا لهم فـي ماضي الوقت عادات
فـزعة طريدن يزعج الصوت ويصيح= الــيا أعتلوا للهوش قـب الأصيلات
كــم حـــد قفر ٍ مـــاتجــيه الســواريح =رعــوه في عـوج الرقاب السهيفات
تـقطف عـطايا الله زهور الصحاصيح =صـفــر ٍ ثنـوا من دونها بالقصيرات
وإن صاح صايح جوه مثل المشافـيح = ركــبـوا من الغيظه مكاظيم وسكات
ركــبــوا عــلى صـم الحوافر مـلاويح=فــي ساعة ٍ تــدني حـياض المنيات
مـن فعلهم كــم راس شيخ ٍ يـبا يطيح= يقــعــد تعـشاه النـسـور المجـيـعات
كــم سربة ٍ منهــم نــكــوف ٍ مقـاميح= يــبــون دون الكسب بس السلامات
يـــالله يــاعــلام يــــادايــــر الــريــح= يــارافــع ٍ بــالعــز سبــع السماوات
تجــعــل لأبـو متعب جنـان ٍ مفـاسيح=وعـن نفح نارك بالحصون الذريات
حــيـثــه قبال ٍ يبهـج الصدر ويــريح = منهــو عليه هموم صدره شطينات
ربــيــع ربــع ٍ مــن سفـرهم مكـاليح= بــوجـيهم من لاهب القيض شارات
............
الشاعر/ سليمان بن ناصر القصيم الحميداني[/poem]
رد: عزيت نفسي ... لسليمان الحميداني
حيثه قبال ٍ يبهـج الصدر ويريح= منهو عليه هموم صـدره شطينات
ربيع ربع ٍ مـن سفرهـم مكاليح = بوجيهم من لاعب القيض شارات
ياسلام على الكلام لاصار مقرون بالفعل .
لله درك ياسلمان على هذه المرثية الجزلة يالجزل قصيدة تستحق القراءة مرات
في شيخ وفقيدة يستحق الرثاء والمدح الله يرحمه ويسكنه جنات النعيم .
عزالله انه ماكذب في ماقال بمليح الله يرحمه .
شكرا للقصيم مرة ثانية . ولك جزيل الشكر ياتاج الفخر على النقل تسلم يمينك ماقصرت .
تحياااااااااااااتي
..
رد: عزيت نفسي ... لسليمان الحميداني
[bor=#FF00FF][bor=#FF0000] الله لايهينك اخوي تاج الفخر على النقل وتسلم يمينك يالطيب
رحم الله ابو متعب واسكنه فسيح جناته قولوا امين000000
ويسلم لسان اخوي سليمان الحميداني تعبير وافي ويستحق الاشاده
وشاكرين لك ومقدرين ياتاج راسي الله يسلمك ولايهينك0
تحياتي من الاعماق لك
اخوك برق الوسم[/bor][/bor]
رد: عزيت نفسي ... لسليمان الحميداني
رحم الله ابو متعب واسكنه فسيح جناته
لاهنت اخوي تاج الفخر على النقل ويسلم اخوي سليمان على الابيات الرائعه
تحياتي
رد: عزيت نفسي ... لسليمان الحميداني
تاج الفخر
اشكرك على النقل
وصح لسان الشاعر
سليمان ناصر
الله يوفق يابو ناصر
قصيده متعوب عليها
ابو متعب الله فقيده على الجميع نسال الله ان يغفر له ولجميع المسلمين
اكرر شكري لتاج الفخر
رد: عزيت نفسي ... لسليمان الحميداني
[motfrk][align=center]صح لسانك
ويعطيك الف عافيه
تحياتي[/align][/motfrk]
رد: عزيت نفسي/ قصيدة رثاء بالشيخ / مليح الحميداني
السلام عليكم :
صح السانك طال عمرك وجزاك اله خير على القصيدة .
مع تحيات :
محمد ابن سعدون .................................................. ....
[email protected]
رد: عزيت نفسي/ قصيدة رثاء بالشيخ / مليح الحميداني
[align=center] رحم الله ابو مــتــعــب
انشهد انه فقيده على الناس الى يعرفونه كلهم
رحم الله ابو متعب
صح السانك اخوي على القصيده الرئعه وبيض الله وجهك[/align]
رد: عزيت نفسي/ قصيدة رثاء بالشيخ / مليح الحميداني
الأخ العزي والوالد أبو نادر
شكرا على مرورك الجميل
وعلى كلامك الصادق
ولاهنت
تاج الفخر
رد: عزيت نفسي/ قصيدة رثاء بالشيخ / مليح الحميداني
برق الوسم
شكرا لمرورك العذب
والإطراء لرائع
لاهنت اخوي برق الوسم
رد: عزيت نفسي/ قصيدة رثاء بالشيخ / مليح الحميداني
الناس ماهم دب الايام حيين = الموت اخذ الانبيا والصحابه
ماينفقد كود الرجال الثقيلين = والردي لامات محدن درابه
الله يرحم اموات المسلمين جميعن
رد: عزيت نفسي/ قصيدة رثاء بالشيخ / مليح الحميداني
صح لسان الشاعر سليمان القصيم
ومشكور على النقل الرائع