من اجمل قصائد النصيحة والحكمة

من اجمل قصائد النصيحة والحكمة

من اجمل قصائد النصيحة والحكمة

من أجمل قصائد النصيحه والحكمه

أترككم مع جمال وروعة الأبيات

لا تفرح إن الوقـت أسعدك واعطاك
... لابد مـا سود الليالي تبكيك

دنــــــيا تقلـــب علــها مـــا تــولاك
... تمسي عزيز وتصبح من الصعاليك
إلا اقبلت تخفي عيوبك عن أعداك
.... وإلا ادبرت تظهـر عيوبك لاهاليـك
اغنم من صروف الدهر كانه امداك
... قبل اللحد عن ظاهر الارض يخفيك
وترى التشكّي للمخاليق يشــــــنـاك
... يحط من قدرك ويفـرح مـعــاديـك
وكـثر التـشرّه يجعـل الناس تجـفاك
.... ولا عاد تلقى بيـنهـم من يخاويك
ولا تمادى في زعل من ترضـّـــاك
... مادام جاء عاني على شأن يرضيك
ولا تخــاوي من على أبوه بـــــداك
... هذاك وان طال الزمان يغدر فيك
والـجـاهل احـذر لاتجـادلـه يـبلاك
... في كـلـمة بين الـمخاليـق تعميك
والهرجه العوجى لو أنه تنصــــاك
... حـاول تجاهلهـا وخله تـعديك
ولاتخـيـب هـقـوة اللي تـهـقـــواك
.... مادام جاء بين المخاليق ناصيـك
واحـذر تـهـزأ يـافـتـى بخلق مولاك
...تـشـوفـها باقرب قـريـبٍ يوالـيـك
ولا تفرح بزودٍ على الحق وان جاك
... زودك ترى نقصٍ على حق ذوليك
وخل القناعه ميزةٍ من مزايـــــــاك
... مع الـقناعه كل شيٍ يكفّيك
وان جت لك الدنيا على غير مشهاك
... اصبر ترى بالصبر تدرك أمانيك
لا تامـن الدنيــا تـرى الوقـت فتــاك
... لا جا القدر كثر الحذر ما ينجّيـك
سؤال من القائل؟؟؟
من يجيب

المصدر: منتديات مجالس الحمادين

lk h[lg rwhz] hgkwdpm ,hgp;lm