من القاب الحمادين (ذعرة الملاّ) ومواقف مشرفه

من القاب الحمادين (ذعرة الملاّ) ومواقف مشرفه

من القاب الحمادين المشهوره اضافه الى لقب (الدويله)

لقـب (ذعرة المـلاّ) ومعنى ذعرة المـلاّ فزعت الناس كلها

وهذا كنايه انهم اهل فزعه ومن المواقف الجميله مارواه الفارس

المعروف/لافي بن معلث الديحاني ويقول انه كان يرعى بابله في الصمان

ومـعه ثـلاثـه من جماعته وهم في وقت الربيع وبيوت الحمادين بـ جانبه

وفجـاه اخـذت ابل احد اقارب ابن معلث واللي اخذوها (العجمان)

وصـاح الراعـي ووصل الخـبر ابن معلث وكـان عنده فرسين

(فلوه وامها) فاعطى ابن عمه الصغيره وركب امـهـا ثم اغار جهت

الابل والعجمان وكان صاحـب صووت قووي ويريد ان ينهم الحمادين

فـ صاح باعلى صوته (الحمادين يا ذعرة المـلاّ )ووصل لافي للعجمـان

ورمى بـ بندقـه وذبح منهم اثنين واقفى العجمان بالابل

ويقول لافي: واذا بـ خيول الحمادين واصلتني وهم يلتفون ورى

العجمان ويرمون ويصيبون واحد ويذبحون ثنتين من الابل

ولما راى العجمان انه ضيق عليهم وانهم لايستطيعون الفرار رفعوا

ايديهم يطلبون المنع من الحمادين فاعطوهم الحمادين المنع

ومنعوهم واخذوهم وردوا للديحاني ابـله ثم اخذ الحمادين ركايب

العجمان وبنادقهم ثم خلوهم يروحوون وهذه طريقه المنع عند

الباديه

وقد عرف الحمادين بهذا اللقب وكان هذا اللقب يطلقه الشخص او القبيله

التي تطلب الفزعه من الحمادين

وحدث ذالك في مواقف كثيره الى وقت قريب

حيث ذكر لي انـه نزل احد الهذلان من الصعران في وسط وادي وبجانبه

الحمادين في مرتفع وحذروه من المنزل

وفجاه وهم في ليل ضربهم السيل وكـان الهذلي بـ عائلته وحلاله

وبعد ما احس انه في خطر ورقى عليه السيل صاح

الحمادين (ياذعرة الملاّ) ففزع له الحمادين وانقذوه مع عائلته

وحلاله

وقد اوردتها للاستدلال على انتشار اللقب




والسلام ختام