جيل السوني...ويـــا قلــب لاتحزن!!!!

[align=justify][grade="FF1493 FF6347 FF0000 FF6347 FF1493"]بادئ ذي بدء تراني منيب اسب السوني ولا الشركه حقته .. لا بالعكس الله يجزاهم خير وسعوا صديرات عييلينا وصديري انا ذات نفسي الله يسلمني ولا انسى اشكر كرااش على مجهوداته اللي يبذلها .. بس ترا آخر جزء بايخ

( اسمع بالمقدمات تراني )
تخيلوا معي .. طاولة تلفزيون .. في الرف الأول التلفزيون اللي كبري مرتين .. والرف الثاني رسيفر .. الثالث فيديو .. وبالارض السوني والأسلاك حقته متدحوسه جميع .. وسيديات السوني بكل مكان متنثره ..

و متسدح تحت التلفزيون ثلاث عيال ووراهم بنتين يتطاقون على مركى ..
ومن قناة للثانيه .. ومن فيديو كليب للثاني ماخرب بناتنا الا هي .. << عاد أنتي اللي كلتس عقل
ولامن قضوا من التلفزيون جا دور السوني .. يدهرون لعب لين تقول اليد فكواا وافك

عاد الألعاب اللي يلعبونها حدث ولا حرج .. تبون اعطيكم نبذه عنها ؟
اشي مسدسات .. اشي اجرام .. وسرقة سيارات

وتعري ما اذكر اننا نقوى نرفع عيوننا ونشوفه بالتلفزيون ( ايام ماكان اللي يدخل دش لبيته مايستحي ولا عنده ذرة اخلاق .. ولا ينتماشى ولا ينتحاسى ) .. لا سرَه ولا ركبه .. كلشن طالع يالله ان تعفو عنا وتستر علينا ..

غير الموسيقا اللي تلج ابو الاذن .. والمعتقدات اللي جوا هالألعاب تفسد عيالنا علينا وتفسد دينهم عليهم ..

وما اغفل نقطه مهمه .. بغض النظر عن نقطة تأثير التكنلوجيا هذي على عقليات الكبار قبل الصغار .. و سهولة الغزو الفكري عن طريقها ..

البلاده والكسل اللي صايرين يعانون منه هالجيل .. والدبابه

كرووووش وخدووود جعل هالسمنه صحه وعافيه .. بس هالشي خطر عليهم والله

بصراحه ما استغرب هالشي .. قدامهم السوني وبجنبهم التشيبس والمشروب الغازي والشقليطااا ماتنسيش

ياقدعاان .. لا واللي اردى من ذا كله .. متبطحين .. مافيه جهد مبذول غير تحريك الاصابع وتشغيل جزء بسيط من المخ [ وشلون نسرق المفتاح عشان نفرك من هالغرفه ونختم الشريط ( لعبة سوني ) ]

بتقولون مهوب كلهم دببه .. بقول لكم صح .. فيه معصقلين مررررره .. بس يوم تابعت أكلهم .. لقيتهم ماياكلون والله ياعالم ماياكلوون ..

ومايعرفووون شي اسمه حووش ولا يعرفون الكوره .. صرنا معد نغير اللمبات كل اسبووع ..

معد فيه شي يتكسر .. معد فيه اصابات .. مافيه احد يطيح بالحوش وتنشلخ ركبته << قد تشلخت ركبها
ياناس صاروا مايعرفوون روح اللعب الجماعي .. ان سوينا مسابقات لهم بالحوش صاحوا ولا يقولون لا لا اصبروا خل نعيد اللعب .. فاهمين غلط يحسبونه سوني وفيه زر اعاده

صاروا في كل شي يطلبون السرعه .. التكنلوجيا أثرت فيهم ..
صاروا يشووفون الكاس بجنبهم مابينهم وبينه الا مترين .. ويقولون ليت فلان يمر من هنا عشان يعطيني اياه
لو تامره يرمي القرطاسه في الزباله اللي بجنبه يقول وكله عجز : يوووووووووه بعد شوي مهوب الحين

والله ياجدتي تسولف لي سواليف عن لعبهم من اول .. حتى ابوي وأمي يعلمونا العابهم .. وقسم بالله انها اطلق من لعبي انا وخواتي يومنا ننحاش مع عيال خالاتي للحديقه اللي جنبنا وانا اللي احسب ان مافيه احد كان يلعب مثل لعبنا ..

هالشي مهوب قاعده عامه .. ولا كل الاطفال بها الصوره .. ما أعمم

ومهوب القصد انتقد التكنلوجيا باللي تقدمه لنا .. بالعكس التطور شي طيب .. ومن نعم الله علينا لكن ماتوصل المواصيل انه يضرنا ونسكت له ..



في هالموضوع .. ودي كل من تكرم ومر عليه .. يتكرم ويرد ويقول لنا :[/grade]

× حال الأطفال في بيتهم ووشلون يلعبون .. وهل كل لعبهم يتركز في الشاشه ؟
× هل التكنلوجيا ضرتهم ولا نفعتهم ؟
× يتكلم عن طفولته وكيف كان لعبه ؟
× هل تتوقعون متعة اللعب زادت ولا قلت بوجود هالتكنلوجيا ؟
× عطونا من العاب الأولين تكفون تراني احبها [/align]

[align=center]يعني كلللللللللللكم ماعندكم اخوان او بزران يلعبن سوني بلايس تيشن معقوووووووووولة

؟
؟
؟
؟[/align]

للاسف اخواني الاولاد مدمنين عليها
ههههههههههه
بنتحر منهم