كلمات ومعاني من قاموس عجيب!!!

[align=center]السلااااااااااام عليكم

كيف الحااااااااال ؟؟
بس بحط مجمووووووعه من الكلمات ومعانيهم (من القاموس الخاص ببعض المناطق خخخخخخخخ)
واللى عنده أي كلمة بلييييييييييييز يوافينا اوكي

نبدا



*امشلوط:
مثال فلان حار امشلوط أي عصبي المزااااااج يغضب لاتفة الاساليب<<<مين فيكم امشلوط؟؟


*تكمكمت:
وتطلق هالكلمة على المراة التي تريد ان تتخفى وهي تحت عباائتها عن احد لا تود ان يراها او يعرف عليها ..مثال شيخه يوم شافت فلان تكمكمت عنه... او مثال:من البرد يقلون فلان متكمكم <<<انا متكمكمة من البرررد اليوم ؟؟خخخخخ


*ديايه ام احمد:
وهو وصف يطلق على الانسان الضعيف الذي لايستطيع بأي عمل ..<<احنا نقول ديايه امه مو ام احمد خخخخخخ

*تناتيش:
وهي تعبير عن الشئ القليل وغالبا باختصار اذا حضر شخص للاكل ومالقى الا شوية من الاكل وقام ياكل منها مثال عزموني بيت فلان على الغدا وصلت متاخر كليت تناتيش..

*يتحيلق:<<<مهما هالكلمة
صفة تطلق على الشخص كثير المجاملات الذي يتودد ويتمدح ليحصل على بغيته وهدفة وبعض الاحيان يقال عنه يعجف او عجاف <<لاتتحيلقون طيب خخخخخخخخخ


*امشدق:
القصد منها على بعض الشباب على انهم تجازوا سن الطفولة والشباب ..<<عسى ماعندنا احد امشدق ..وش هالكلمة بس؟؟

*ثجيل طيبنة: <<في احد مايعرفها
فلان ثقيل طينة ..هي صفة تطلق على التثقيل الدم الذي لايتقبلة الناس سوا بالاحاديث او في التصرفات <<ان شا الله مافي احد ثقيل طينة ياااارب ؟؟عسى بس انا مو ثقيلة طينة !!!


*خيخي:
صفة تطلق على الجبان الذي لا يحسن التصرف ..مثال يقلون هالولد خيخه يعني ماعنده مسئولية او يكون مايع كانة بنت <<< تضحكني هالكلمة !!


*ايباااه:
كلمة يقلونها الكويتين عند التعجب او استحسان شئ ما !!....!!!

*ذيخ:
هاهاهاهاها تضحك هالكلمة بس القصد منها الصبي الشيطان اللى يلعب مع اليهال اصغر منه وهو اكبر منهم مثال فهووووود ذيخ اشلون يلعب مع اليهال <<< امحق كلمة بس !!


*ويع:
هاهاهاهاهاها في احد مايعرف ويع ؟؟ القصد منها التعبير عن كل شئ قبيح او قذر او غير جميل مما تشمئز منه النفس <<يعني وعععععع عرفتوا خخخخخخخخخ


*ازوير :
اعوير وازوير والمنكسر واللى مافيه خير وهو مثل يطلق على حثاله الناس ومن لاخير فيهم واللي مامنهم فايده <<ان شا الله ماعندنا احد بهذي الصفة !!!


*الاكو والماكو :
القصد من هالكلمة اللى تنرفزني يعني اللى موجود واللى مو موجود وبالعراق (شاكو ماكو!!)


*خري مري:
القصد منها المكان الذي لايعرف فيه الداخل من الخارج فيقول الناس في هذا المكان خيري مري !!!


*خماجير:
هاهاهاهاها حلوة هالكلللمة يعني عبارة عن مجموعه من الادوات او الاشيا القديمة الغير مرتبه والتي اختلطت ببعضها وقد تكون غير صالحه للاستعمال!!((ايام الدراسة في بنت كانت تقولها خماريش <<تقولها كذا ولما سئلتها قالت لي يعني اللى لابسة لبس حوسة وقطع كثيرة اللوان ومو راكب نقول عنه خماريش ))<<<ههههههههههههههههههه حلوة الكلمة لا تعليق صح



*حنفيش:<<مادري شلون تنطق!!
مادري ليش كانها الكلمة مصرية بس اهي الكلمة كويتيه ترى هاهاهاها..وهي صفة تطلق على الشاب الذي لايهتم بمظهرة واناقتة وغالبا مايكون ضخما وقبيحا والله ياكثرهم عندنا بالسعوديه هالحنفيش خخخخخخ <<بنطق بعد شوي / بس من حنفيش الا خفافيش ههههههههه نشوفهم بكل مكان ورازين روحهم بكل مكان !!

*سمردحي:
يعني لما واحد اقول حوش سمردحي يعني واسع المساحه..ويقال ايضا يطارد فيه الخيل وهي صفة لساحة البيوت <<حلوة هالكمة &&&

*بيقدر:
هههههههه هذي كلمة اهل البحرين (بيقدووور<<كذا ينطقونها ) الله يسلمكم معناها بيخلص !!! انتم مستوعبين الكلمة !!


*متكهين:
مثال فلان متكهين أي انه يتصنع في حركاته ودائما يحاول ان يقلد اللى اكبر منه بالسن <<< يامتكيهنين خخخ تراني احبها هالكلمة !!


*ينرفز :
هذي الكلمة معانا يعني يرفع الضغط <<< والله فلانه نرفزتني اليوم يعني ارفعت ضغطييي!!


وانتظر بااااقي الكلمات منكم ومعانيها بليييييييييز يا جماعه وخلونا نتعرف على الكمات منكم !!

تحياتي <<يعني فمان الله بروح
قوت القلووووب<<يعني اسمي هذا

يلله يامفنتقييييييين <<يعني زي يامتكيهنين يعني مفنتق يعني مبدع
خخخخخخخخ <<يعني هاهاهاهاها
يازينكم والله <<يعني ياحلوين
انتم انتييييكة <<يعني فلللة

خلاص استووووووب يا قوت <<يعني وقفي

بتكملون معاي لين تحت ترى بستمر بالكتابة <<يعني تفاعلوا معاي وخلوني اشوف الكلمات والمصطلحات الجميلة من قواميسكم العجييييبه <<شوتوني خلوها تسكت البنت

سلام ((وانتظروا بجيب لكم كلمات بوسع صدركم بالمصطلحات العجيبه ))[/align]

مشكوره على المعجم الصغير ,,, هذي بعض الكلمات (( سكانة مرته )) يعني زوجته تتحكم فيه (( مهايطي )) يعني الرجل اللي مسوي نفسه على الناس (( اخض ضيمك )) يعني تكفى تكفى تكفى (( جعلني اموت وانت الحي)) يعني تكفى سو هذا الطلب (( بقعا تجيك )) بقعا والله مدري . يقولون انها جنيه .. (( ازبن نفسك )) يعني تخبئ في اي مكان (( سقها )) يعني سكر السالفه (( هوينا )) يعني ريحنا (( سلامات )) يعني شي واحد قاله والثاني ماهو مصدق (( مطفر الرجال )) يعني مفلس ماعنده ريال (( ارحبو )) يعني هلا والله بشده (( البقا )) الرد على (ارحبو) (( ماجور )) يعني الرجال يتطمن على خويه الرد (( الله يجيرك من الشر )) ,, (( فاصل العداد )) يعني الرجال ماهو في وعيه ؟؟ وان شاء الله الجميع شابك العداد هههههه ,,, تحياتي ,,.[shr7=انتبهوا]مثلا مرر الماوس هنا او شاهد الشرح بتمرير الماوس هنا الخ[/shr7] للقاموس العجيب ,,,,,وان شاء الله مافيه احد (( امشلوط )) ؟

عزالله انك فاصل العداد يالقحطاني على هالكلمات هههههههههههههههههه

مشكورة اختي قوت على هالموضوع .

قوت القلوب ماشاءالله عليك




أنتي دارسه في اذربيجان ولا في كولا لمبور ؟




وش هالقاموس الاقشر تصدقين ماعرف الا تكمكمت هذي حلوه تكمكمت قوت عن البرد. ومشدق . ولا فسرتيه صح

وهو للشخص كثير الكلام وصليط اللسان .






لكن انا ابي اسئلك تعرفين الكلمات التالية وكلها خليجية





( خيطي بيطي ) ( حيص بيص ) ( شلولط ) (طخطيخ ) (طرطور ) ( شوولقية ) (عسباء) (دنفوسة )



اذا عجزتي قولي لي






ألاخ /القحطاني



هذا ياخي القاموس السنع اللي نفهمه تمام ..ماهو قاموس اختنا قوت اللي جايبته من بقلاديش






شكرا لكم ياهل القواميس والله استانست منه كل الليل وانا اضحك .



ابونادر


..

[align=center]انا من بنغلادش ؟؟
شكرا شكرا

يسلمووووووووا ع المرور اول شئ

وثاني شئ المعاني التاليه

( خيطي بيطي )<<<يعني الخيط والمخيط الظاهر مادري خخخخخخخخ

( حيص بيص ) <<تعرف فطوم حيص بيص صاحبه الاوتيل الفلم او لة ؟؟خخخخخخخخخخخخ

( شلولط ) <<مادري يعني شاريح خخخخخخخخخ امزح

(طخطيخ ) <<<<<<اخطبوط تقصد لووووووووووول

(طرطور )<<<اخواني يقلونها شنو يعني انا طرطور عندكم لووووووول حلوة هالكملة

( شوولقية )<<<<<<<<<وش هذا؟؟

(عسباء) <<<كان كلمة شيعيه

(دنفوسة )<<<<<<<<<كانها مسبة!!!


وش هالكلمات الله يحفظ ابو نادر


مادري من وين جايبهم شلون تنطق خخخخخخخخخخخخخخ

يسلمو على المرووووووور ياجماعه ماانحرم من طلتكم

تحياتي لجميييييييع[/align]

جاك قاموس البرق000
اولا دنفوسه يعني خبله
هذا قاموس استخدمه دائما في حالة النقد
عليه هبدة فرسن(يعني ماعليه شرهه))
مبدول 00(((((خبل))))))))))
مافيه عقيله((مافيه امل))
الرجال معطبها((((((يعني سكران)))))
انتي رفلا(((ماتعرفين تطبخين)))))
يامن اشتراله من حلاله عله000
((((((يعني اذا عجز لايفهمه او احتاجه ولافاده)))))))
ابك انت علامك((يعني وش فيك))
لياشفت حاله لاتساله((يعني لاتحرجه بالاسئله نظرا لظروفه))
عليك فولاني((اذا نقدت الواحد0والفولاني00 يوضع على الجمل مثل الشداد والمسامه وقابلوني ان
عرفتها قووووووته)))))
لياجت من القاضي من تقاضي((((يعني اذا حكم عليك القاضي ويش تسوي وتطلق على الرجل الذي
يستغرب منه الخطاء
حوير ربيع((تطلق على ولد النعمه))يعني الحوير ولد الناقه والربيع معروف العشب0يعني اذا رفع راسه
رضع من حليب امه واذا نزل راسه اكل من العشب000000
ارسل الذيب ولاتوصيه00 يعني الرجل الكفو اذا ارسلت بشغله يجيب لك العلوم كلها صحيحه
والباقي في الحلقات القادمه ماخلص قاموس البرق
لك الاحترام ياقووووته
برق

ماشاءلله بس يومين وتالفون معجم جديد


مشكورين على هالكلمات بس فعلا اللغه العربيه لها وزنها الثقيل ويكفيها كتاب الله الذي انزل على سيد ابن ادم محمد بن عبدالله صلى الله عليه وسلم

ياليت المره القادمه تخصصونها للكلمات العربيه التي يجب ان لاندفنها فهي الاجدر

وشكرا

مشكورة اختي قوت على هالموضوع .

يسلموووووووو قوته

على القواميس العجيبه

ابو نادر

بصراحه بعض كلماتك مافهمتها مثل شلولط , شوولقية , عسباء

بوووووووووه مابووووووووووه

تسذااا ما تسذااا

مير ما مير

وهلم جراً

أشكرك قلبو على الموضوع

تحياتي

السلام عليكم ورحمة الله وبركاته

اختي الغالية قوت ياليت تعود مواضيعك الحلوة تنور المنتدى من جديد

اختك رهوفه