لــم يعــد لأحــدٍ العــذر في إزعــــــــاج المصليـــــن

http://www.mutair.ws/hello.png
http://www.almeshkat.net/vb/images/bism.gif
ليس لديك عذر في ازعاج المصلين بنغمات الجوال
[frame="2 80"]
الأخوة الأعزاء
سلام من الله عليكم ورحمة منه وبركات
يسر الله لنا الكثير من سبل الحياة وتسخير التقنية ومنها الهاتف المحمول ( الجـــوال ) والذي يندرأن تجد من لايحمله بجيبه في حلة وترحاله وبطبيعة الحال اثناء ذهابة الى بيت الله تعالى المسجد واداء الصلوات وكلنا نتأذى من رنينه اثناء الصلوات وقطعه لتلاوة وخشوع المصلين ناهيك عن النغمات الموسيقية التي يضعها بعض الناس هداهم الله وعلى وجه الخصوص الشباب الغير واعي .

وقد وفر عدد من أئمة المساجد جهاز يقع نغمات الجوال اجتهاداً منهم ورغبة في توفير الخشــوع للمصلين الا انه ثبت انها تصدر موجات تؤثر على القلب وعلى وجه الخصوص من لديه اجهزه لضغط الدم ., وبالتالي منعوها واستبعدوها .

ثم اجتهد بعض المهندسين من ابناء هذا البلد وفقهم الله لأيجاد برنامج يوقف النغمات الجوال اثناء الصلوات وتوصلوا الى ايجاد برنامج خاشـــــع .
وهو متوفر الأن بجميع محلات خدمات الجوال بمبلغ خمسة ريال يمكنك اضافته الى جوالك .
وهي نسخة تجريبية وقريباً تنزل النسخة الأصلية وفرق النسخة التجريبية عن الأصلية انها كل خمسة عشر يوم تحتاج الى اعادة تثبيتها فقط ..وهي تعمل بكفاءة .

فلا يبقى الا ان نبادر بانزالها على جميع اجهزتنا ونساهم في توفير الخشوع للمصلين ولا نقطع عليهم صلاتهم وخشوعهم وينالنا شيء من دعائهم .


ولكم خالص التحية والتقدير ،،،


انشـــر تؤجــــر .
************************************************

http://www.mutair.ws/images/ataqallah.jpg

[/frame]
وتقبلوا تحيات :
محمد الشــلاّحي
منسق موقع قبيلة مطير

جزاء الله كل خيراً من فكر بهذا الموضوع ثم صمم البرنامج ....وجزاء الله كل خير من وفره وامنه للناس ...وكل من انزله على جهازه بغية منع اذى المصلين .
ولا حرمني الله واياكم من ثواب نشر هذا الموضوع .
والسلام عليكم ورحمة الله

[align=center]افااااااا عليكم انا بحمل لكم البرنامج بالمنتدى وكل واحد يرسلة على جوالة عن طريق البلوتوث


بس ان شا الله يتحمل معااااااي البرنامج

للاسف مااااصار

أخطاء الرفع
خاشع مذي الحياة.zip:
تجاوزت حصة المنتدى المحدودة إلى 322.3 كيلوبايت.


عندي البرنامج
اذا تعرفون طريقة قولولي وبنزلة لكم !!!!!!!

ولازم تحطون برنااااامج خاااااشع ضرووووووووري بصراحه
ويسلمو على الموضوع

ماننحرم من مواضيعكم

تحياتي

قوت القلوووووووب[/align]

[align=center]بس على طاري الازعاج والجوالات توني قارية في احد المنتديات واحد من الاعضا منزل سالفته بالمسجد مع الجوال
وبحط لكم السالفه

[grade="00008B FF6347 008000 4B0082"]
قصه مره كنت حاط نغمة الجوال على صوت غنمه خخخخخخخ
تقول مئا مئا مئا ومبسوط فيها والكل يستغرب منها
المهم رحت اصلي ونسيت احط الجوال على الصامت
ودخلت المسجد صلاة العشاء وفاتتني ركعه
وانا اصلي دق اللعين الجوال وطلع صوت المعزايه مئا مئا مئا خخخخخخخ
وكان الأمام في الركعه الثانيه وجالس يقرأ ويوم سمع صوت
الجوال وقف القرايه ههههه ههههه وجلس شوي وبعدين واصل
طبعاً انا جلست اخبط في جيبي ابي اسكره المهم تسكر
بس بعد ايش قلت هين ماراح يعرف الا الاثنين اللي جنبي ومقدور عليهم
واصلنا الصلاه وسلم الامام ومسك المقرفون وجالس يحدث عن الجوالات
ونغماتها الغريبه وبالذات نغمات الحيوانات وانا اقضي في الركعه اللي
فاتتني والناس تطالع يمين ويسار يبون يعرفون الجوال مع مين
شوي ودق الجوال مره ثانيه خخخخ خخخخ والامام يحدث وتخيلو
كل اللي في المسجد يناظرون فيني وسكت الاامام من كثر ضحك
الناس واللي يضحك واللي يقول لاحول ولاقوة الا بالله
واللي يقول هذا ماهو بصاحي واللي يقول اتق الله
وانقلب المسجد حراج بن قاسم هههههه هههههه
المشكله كل ما اسكره يرجع يدق ثلاث مرات والناس تناظر
هذا اخويه المرجوج لابارك الله فيه ورطني
من حسن حظي ماهو مسجد حارتنا
موقف الله لا يحطكم فيه راح وجهي مو احمر راح اسود
وقامت ركبي تصافق في بعضها حسبتهم بيكفخوني
0
ابيكم تتخيلوا موقف اخوكم بين الناس وكيف تعامل مع الموقف بكل
دهاء وحنكه وكيف خرج من هالورطه
لكن قبل ما اقلكم كيف خلصت نفسي
وخليت الناس بدل ما تكفخني تعتذر مني
0
ابي توقعاتكم وش سوى[/grade]


[grade="8B0000 FF0000 FF7F50"]المهم يوم انا اقضي الركعه اللي فاتتني والامام جالس يحدث
والناس تتكلم والمسجد انقلب حراج وانا رحت فيها المهم وصلت
للتشهد الااخير وقبل ما اسلم بشوي دق الجوال مره ثانية
ياللهول ياللفضيحه المسجد من اول مايسلم الامام يقضبون الباب
مسكت معهم هالمره ماحد يطلع ياحبهم للشماته
المهم دق الجوال وانا سلمت عن يميني ويساري
وعلى طول حطيت يدي في جيبي وخرجت الجوال والناس تناظر
وقلت الو هلا ايه انا منهو متى صار هذا الكلام هو مات والا باقي حي
وقمت وقفت على رجولي وقلت مات مات ياويلي ياويلي
لااله الا الله لا اله الا الله انتم وينكم جايكم الحين بسرعه
وقمت وطمرت جهت الباب اثاري فيه واحد جالس ورايه واتكعبل
من فوقه واطيح على خشتي وطار الجوال من يدي وتفكك
وقامو الناس من محلهم وجوني ووقفوني وقالوا استهدي بالله
يا اخي استهدي بالله وجاني الامام واخذني على جنب وقال
لا تروح بسيارتك انا اوصلك والناس تواسيني وتعزيني ويازينهم
معي عزالله ان الناس فيها خير بس انا من جد ما استحي على وجهي
لكن بعذري ورطت بينهم وما توقعت اني ابنفذ منها المهم ما افتكيت
من الامام الا بألف غلبه واخذ رقم جوالي واتصل عليه من اليوم الثاني
وقلت له ابشرك الرجال ما مات وقعدت بعدها يومين والله مايجيني نوم
من هالسالفه قمت رحت وصليت معه صلاة المغرب وقلت له ياشيخ انا ابيك
بسالفه قال سم قلت لا ماهي هنا ماتنفع هنا قال وين تبي قلت عندك بالبيت
ناظر فيني باستغراب يفكر اني ابي اخطب منه قال حياك الله قلت يالله مشينا
قال الحين قلت ايه الحين قال ابتسنن قلت مافيه وقت قال سم سم يازينه
المهم طلعنا البيت عنده وقال القهوه قلت انا ماجيت ادور قهوه انا لي يومين ما انام
قال عسى ما شر لاتقول ان الرجال مات قلت له لا مامات انا ياشيخ اللي مت قال كيف
قلت له السالفه كيت وكيت وكيت وانا كذبت عليكم ابي اطلع من الورطه حقت الجوال
وقام ضحك ضحك اول مره اشوف واحد يضحك الضحك هذا لدرجة ان اولاده دخلو علينا الغرفه
قال هداك الله ياعبدالرحمن هداك الله اول مره في حياتي يمر عليه موقف غريب زي هذا
قلت هذا اللي حصل وانا ماجيتك الا عشان ابي ارتاح وصار الحين من اعز الناس عندي
يتصل عليه يقووول كيفك يا ماااااااااااء صار صديقي حيل
هذي قصتي وسلامتك
واسف على الاطاله كتبتها لكم من باب التسليه
مع انها تسود الوجه لكن من حبي لكم ابيكم تضحكون
ونشوفكم على خير ان شاء الله[/grade][/align]

تحياتي للجميييييييع