قصيده جديده للشاعر عبدالله حمود العرافه

قصيده جديده للشاعر عبدالله حمود العرافه

عرفت معنى الوقت في سن الشباب=وحفظتلي من صغر سني عباره

عنوانها حذرا من الناس الأقراب=ولابد من يوم(ن)تزاح الستاره

ويبين سقم فواد مخفي ومنصاب=ماهو بسقم صداع ولا حراره

سقم الردى تلقاه بقراب واجناب=مير ان راع الطيب بين قراره

والي بدا دنياه في جمعة اصحاب=لابد من يوم(ن)يذوق المراره

والي رمى نفسه على شجرت الداب=لابد ماتفرك يمينه يساره

والي ذرف دمعه على صاحب(ن)غاب=ملزوم يصبر لين يلقا البشاره

كم واحد(ن)كد ضامه الوقت وانصاب=ويصيح كالمجروح في وسط غاره

هاذا مدار الوقت والوقت نهاب=اقولها والحق مجهل مداره

ميرالحضيض الي ركع لله وتاب=وحج وتزكى واهتدى في مساره

ومن لاحسب لقفايت ايامه حساب=تكزه الارباح يم الخساره

وسلامتكم

يعافيك ربي وتسلم على النقل

وصح لسان الشاعر / عبدالله حمود العرافه

تقبل مروري وودي .

سقم الردى تلقاه بقراب واجناب=مير ان راع الطيب بين قراره

الله الله

ماقصرت يابو حمود وبيض الله وجهك على القصيدة الجزله



تقبل مروري

,,

الـحـمـيـدآنـي

ياهلا ياعبدالله حمود العرافه

قصيدة جزله

و كل يوم تتحفنا بقصيدة جزله

وهاذا ماعتدنا عليه

تقبل مروري و ودي

,,

صـعـب الـمـنـآل

قصيدة جزلة

تقبل مروري وودي

مشكوووووووورين على المروووووووور العطر ولاهنتم يالربع