عنينا لجل أبو دخين وحضرنا=وعلى الماجوب ماثوقن عهدنا

قصيدة من روآئع ونوآدر الشآعر الكبير معجب بن محسن الصعيري
ألقآهآ في حفل زوآج الأخ / سعد بن دخين بن نخيلآن السعدوني




على النوماس مايبرد جهدنا=ومن دور مواقفنا وجدنا
نعز الجمع والجمعه معزه =ويكبر عزنا دآخل بلدنا
وفي حفلة سعد هاضت هجوسي=عسى التوفيق يبدي مع سعدنا
عنينا لجل أبو دخين وحضرنا=وعلى الماجوب ماثوقن عهدنا
هلا يامرحبا بسمه وربعه=وكل اللي لفانا في وعدنا
وعدنا خير والخيره بريره=وغير الله حنا ماعبدنا
عبدنا المعتلي جل جلاله=ركعناله على الفرض وسجدنا
سجدنا له وسبحنا بإسمه=وثبتنا على السنه وتدنا
وتدنا من قديم الوقت ثابت=ونوضة برقنا تسبق رعدنا
رعدنا كل ماقام إيتقصف=تجزّع منه الأقصى قبل الأدنى
الأدنى قبل الأقصى من جفيله=بعد جهت سحايبنا هبدنا
هبدنا مير بسم الله علانا=وما شالله على هبدت ولدنا
ولدنا طيبٍ من طيب سآسه=ولكنه يقول إنه نقدنا
نقدنا حسب ماشاف وتصور=وحنا يتعب الناقد مددنا
مددنا جوهر التاريخ الأبيض=ينومسنا ليا منا قصدنا
قصدنا وإقتصدنا بالقصايد=وعن مايسمج الروح إبتعدنا
بعدنا يابعد روحي بعدنا=وكم كبدٍ توقد من حسدنا
حسدنا من قصر عنا رصيده=وأخذ دربيل عمه واعتمدنا
عمدنا ترفع البيت المشرع=مع الصعران داقش لاوردنا
وردنا عيلب الدرك الذحاحي=وصلفين القبايل في نصدنا
نصدنا الحرمليه والجنيفا =وعرجا والحور فيها فقدنا
فقدنا اشهر مغاوير الجزيره=ومن روس العدا ناخذ سددنا
سددنا بالمجاويخ النوادر=عددهم دايمٍ يغلب عددنا
عددنا كلنا دايم قليّل=ولكن الشراسه تعتضدنا
تعتضدنا الشراسه والشجاعه=ودايم ننطح الشوبه وحدنا
وحدنا فالمكاسب والخساير=وكم جمعٍ بجدناه وبجدنا
بجدنا بالحقايق كل حجه=وقدمنا من الماضي سندنا
سندنا في تواريخ البليهد=ولو احدٍ عطانا كد طردنا

اخ حمد احنا راح نخلي قصيدت معجب لان الاخ الشاعر محمد علي راد عليها ومن الاصول والقيم ان نري

القصيده الملا . لان منتديات الصعران يحذفون القصيده وهذا مو من المرجله ان تحذف قصيده وتبقي

قصيده

حكيم ياصعب المنال لله درك طيب دام هذي السالفه بلصق الرد هنا




ليـا قمنـا مقـام الجـود جدنـا=ولانمشي مماشـي مـن جحدنـا
نعـز النفـس ونعـز القبيـلـه=وإلا منـا سمعنـا الكيـد كدنـا
سمعنا من ولد محسـن قصيـدة=وراجعنـا المعانـي واستفـدنـا
لقينا الزيـن فـي مبـدا كلامـه=يقول لغيـر ربـي مـا سجدنـا
ولاكـن فـي سياقـة للمعـانـي=وجدنابـه خـرافـات ولهـدنـا
مثل حكي الروافـض بالمحافـل=كلامـن مـا يغـيـر معتقـدنـا
يعـدد لـه فعـول مـا فعلـهـا=وحنا اللي علـى كذبـه شهدنـا
وجفيل الناس من معجب علامـه=شكرنا الله على العقـل وحمدنـا
على حكيه مثـل عنتـر بوقتـه=حمانا الله بسيفـه مـا حصدنـا
رعد بالحفـل وبروقـه تكاشـف=وعقب عاصوف ابن محسن ركدنا
ركدنالـه وركـدنـا المعـانـي=يحسب انـه ليـا هـاز ارتعدنـا
تحاشانـا مشاهـيـر القبـايـل=ماهي كلمة دقيـش اللـي بعدنـا
كبيـرة شرهـة التالـي علينـا=يسابـق نمـرنـا والا فهـدنـا
وانـا بااقـول يامعجـب تسمـع=مثل شرواك يقصـر مـا فردنـا
كلامـي منـه تهتـز الرواسـي=وكلامك يعجب اللي منـك وادنـا
نهار الحرملية ماانـت حاضـر=ولا نشـدت يـوم انـا حشدنـا
ترانـا بـاأول الجمـع المسمـى=ليا قالـوا يلـد علـي وجردنـا
وحنـا لااعتزيـنـا بالمـواقـف=ورى الهقـوات باللقـوات زدنـا
شياطيـن ليـا مـنـا عديـنـا=سلاطيـن ليـا مـنـا قعـدنـا
مزبنـة المجنـا يــوم جـانـا=سرى من حايف الموت وهجدنـا
وراع العـق يـوم انـه نصانـا=عمدنـا العـق دونـه واعتمدنـا
عوايدنـا نزبـن كـل خـايـف=ليا منه دخل فـي وجـه احدنـا
وعمي لا وقـف ميقـاف جـده=بيـوت العـز ترفعهـا عمـدنـا
مثل بالمالحـه مـن دون نايـف=خفت برقك وحنا اللـي صمدنـا
صمدنـا قـدم دقـلات السبايـا=وراحن مـرج عنـد اول هددنـا
وردينا فـرج مـن بيـن ربعـه=وعند الشيـخ منهـم كـم جلدنـا
وجندلنـا مشاهـيـر النشـامـا=على راسـه وبالميقـاف سدنـا
وعلى قولك بالاقصـى والموالـي=ترا ذا فعل اهلنـا وانـت الادنـا
فلابك زين تخشى عيـن حاسـد=ولا حنـا علـى شينـك حقدنـا
فتقت الخيـط وسلوكـك ضعيفـه=عسـاك سعيـد لامنـا نشـدنـا
ان كان انك تحـدى كـل ناقـد=تذكرنـا وحـل اللـي عقـدنـا
تمعـن بالمعـانـي والمـواقـف=وراجع فكرتك وان عـدت عدنـا
اليـا عديـت بالضلـع القصيـر=على قمة جبـل سلمـى صعدنـا

محمد علي بن ضاوي الحميداني