محاورة قوية

السلام عليكم ورحمة الله وبركاته
محاورة قويه والتي جمعت العملاقين محمد المسعودي ومحمد السناني
؛؛
؛؛
محمد السناني:

سلام وامسى الخير والتفكير والمنطق سليم *** والنـاس هـذي مالقـيـت افكـارهـا متسـاويـه

وانته يابن مسعود متعود على العهد القديـم *** ماتـدري إن النـاس كـل نظرتـه مـن زاويــه

محمد المسعودي:

يامرحبـا وانتـه تعـرف السالفـه ماانتـه غشـيـم *** والناس تسرح عنك صبح وعصر جاتك ضاويه

امهلـك ساعةوحـده واضربك ضربـه فالصمـيـم *** نـيـتك ماتسلمك دام الـنـاس مـثـلـك نـاويـه

محمد السناني:

العام عندي فيك أمل واليوم اقول الله كريم *** وهذيل تبغـى تنقـذ الموقـف ولاهـي قاويـه

انا ادري إني ماتجاوزت الصراط المستقيم *** وانتـه تقـول السـر كلـه فـاشْعَـرْة معـاويـه

محمد المسعودي:

مـادام تـدري مايغلـق فالغـريـم الا الغـريـم *** ماانته بغاوي مـار تصغـي للعبـاد الغاويـه

معاوية عدّا على راس الجبل والجـو غيـم *** وانزاح عنه الغيم واصبح بشْعَرْه فالهاويه

محمد السناني:

ادري عن الموضوع لكن فوق ذي علم عليم *** الثـوب تـوك لابسـه والبشـت تحـت الكاويـه

اليا بغينـا نآخـذ الحكمـه مـن الرجـل الحكيـم *** تبكي على الآطلال ورسوم العروش الخاويه

محمد المسعودي:

ثوبي وبشتي ملتبسها يالسناني سيم سيـم *** اسمع ركيض الخيل وادري بالذياب العاويه

ماني يتيّم جرب الآمـواس فـي راس اليتيـم *** اسمع كلام الحاضره واسمع علـوم الراويـه

محمد السناني

أنا ادري أنك كفو في حي الشرايع والنعيم *** وأمر الحكومه كل شارع ركبو به حاويه