ابويوسف الحربي >>ادخل هنا

ياحي زوله صاحبي حي زوله
ياحي منهو بالوعد ما نساني
فرحت انا في جيته وبوصوله
ارحب فديت اللي تعنا وجاني
خلي يعرف ان الغلا له اصوله
لبيه يالي ماخبرته عصاني
وليا امرته يسمع اللي اقوله
لو اطلب عيونه وروحه عطاني
والله لو عذال قلبي حكوله
مايسمع اللي في كلامه بلاني
ياحبيبي انا قلبي لك ميوله
اسمع قصيده قالها لك لساني
يمك شعوري دايم(ن) في ميوله
صادق وبحساسي حبيبي تراني
حبك بوسط القلب محدن يزوله
لين العرب تعلن وتسمع دفاني
مجنون انا بحبك وهذي حصوله
يا جعلني فدوه لعينك عساني
ماهو كلام(ن) ينكتب لك اقوله
لانك سكنت اجمل زوايا كياني
واخر كلامي في نهاية فصوله
ماعيش انا من دون قربك ثواني .