عمل بطولي لأحد أبناء القبيلة ساهم في انقاذ ارواح مسلمين
[align=center]
عمل بطولي لأبناء قبيلة مطير الشماء [frame="2 80"]
[/frame]
[/align]
رد: عمل بطولي لأحد أبناء القبيلة ساهم في انقاذ ارواح مسلمين
[align=center]
عمل بطولي لأبناء قبيلة مطير الشماء [frame="2 80"]
الأخوة الكرام
السلام عليكم ورحمة الله
http://www.mutair.ws/images/default.gif
نجح مدير مرور حفر الباطن المقدم / ضيف الله شبيب الجبلي ووكيل الرقيب / مبارك بن سمري الميموني في أنقاذ حياة مواطن ( أبن طواله الشمري ) من موت محقق عقب تعطُّل مثبت سرعة سيارته الجيب من نوع تويوتا موديل 2010، بعدما زادت سرعة السيارة إلى أن وصلت إلى 220 كيلو متراً في الساعة على طريق أم الجماجم حفر الباطن وحيث قام فرقة دورية المرور بقيادة العقيد / ضيف الله الجبلي وزميله / مبارك الميموني باأطلاق النارعلى الزجاج الخلفي مماجعل السياره تتوقف , وقبيلة مطير تفخر بالجهد الذي قام به أبني الوطن , ونحمدالله على سلامة قائد السياره
http://www.mutair.ws/vb/uploaded/3_1191360951.gif
(منسق موقع قبيلة مطير )
http://www.mutair.ws/vb/uploaded/3_1277980749.jpg
بيض الله وجه البطل المقدم / ضيف الله الجبلي المطيري ووكيل الرقيب مبارك المطيري والحمد لله على سلامة أبن طواله .
قصيدة أبن طواله صاحب الجيب الذي علقت به السرعة
( ابن طواله )
عاشو المطران حمران النواظر ........كل ميقافٍ بطولي يكسبونه
كاسبين الطيبه ماضي وحاضر ......والمحال بشاية الله يصنعونه
يوم ضاقت وأستضاقت بالمسافر ...علق الموتر وطارت به جنونه
وأستعدت بالحفر كل الدوائر .....والمواطن شاف موته في عيونه
المقدم انتقى له فرد ماهر .............له تجارب بالمرور ويعرفونه
قال انا واياك واجبنا نغامر .........وأحتزم بي واطلب الله والمعونه
فرصتك صعبه وتحف ابها المخاطر ....ما بقي فيها خيارٍ يرجحونه
اصرفوا له طلقتٍ من كف شاطر .....في قزاز الخلف لأجل يوقفونه
من رجال الأمن ورجال المخافر ......عمرهم دون المواطن يرخصونه
قصيدة الشاعر متعب بن فارس بن طواله
( رد ثناء )
قرناس راسي ينتل الفكر ويتوق ...........كفخ سما مشوشته النشامى
حلق على الجبلان كسابة النوق ..........ويسر بحومه للميامين حامي
اللي جمالتهم على الروسنا فوق ........عصابة المعروف فوق الهوامي
ماله ثمن لا بالمجالس ولا السوق ...........ولا يوفيه رد الثنا والكلامي
عذراء مراجل ما تبي كل معشوق ...........الا مبارك والعقيد القطامي
زرع الشوارب يبني المجد شاهوق ..........والمرجله راسه يفوق السنامي
وليا كتبت القاف ما اضيع أحقوق .........والحق ما يهفيه رجلٍ عصامي
نعمٍ بضيف الله على كل منطوق ............رجل المهام اللي يدير النظامِ
يفرق باوامره المصيبات ويفوق ...............يستاهل التقدير والأحترامي
ونعم بتل انعام الأشناب ويسوق ...........يشدن لحمرٍ يقتدن بأبن لامي
نعمٍ تردده الأذاعات وحلوق ..............ويضيف للتاريخ صفحة وسامِ
يزهى شنب ميموني المجد ويلوق ............اللي سطر راسه بليا لجامي
مبارك على الجزلات ماهو بمسبوق .........يا حي شغمومٍ ويا حي رامي
دقن يجنب صادق القول محلوق............الجدي تقدابه سرات الظلامي
من لابةٍ مبطي بها الطيب مخلوق ....علط الرماح أهل النمش والحزامي
مطير يوم الوقت قادم ومفهوق .........أهل السيوف اللي تقص العظامي
من فوق قبٍ لا تنازت بهم عوق ..........اللي تطمّر من قحمها العدامي
قومٍ تجرد للوغى كل مدقوق ..............راس المطوس يزنخونه شمامي
مداسهم يسكن به النسر ويروق ........ولامن شبع فوق الأشاويس حامي
كم سربةٍ راحت كراديس وفروق .......من ضربهن يقفن بالأعداء حوامي
طياحهم ماهو من القفر مصفوق ............يرتع قفايف له االقفر حامي
الجود برباعه مشاجر وزملوق ..........شهلول من حمله عليه المضامي
أهل الصحون الللي بها السمن مبروق ..وكوم الهرافى مثل بيض المعامي
ودلال غرنوقٍ وقف جنب غرنوق .........على سري الغيد هدفٍ حيامي
وفي جول محماسٍ من الصلو محروق .........بنه يديره شاهدٍ والبهامي
واليا استوى في عاوي التنجر مدقوق ...قصير ساق مدودح الطار زامي
تطبخ على ظوٍ من السمر برفوق ........عروقها يجذب بخمس الفهامي
وساقه قهوجيه عقب شفت الذوق ...طب الخوى وسط ابلج الصين دامي
بمجالسٍ ما هدفه كل نقنوق .............الا مشاويش الأسود العدامي
شط المكارم مبطي الأصل معموق .........مناجم النخوة وسادة كرامي
يا عايف الفزعه لها منّهم شوق ..........اللي يخزمون الأعادي خزامي
احران واحدهم على الطيب مفتوق .....علوى صعاصيع الوغى والزحامي
مطير حمران النواظر لهم فوق ........بيضا ترفرف فوق اجاء والسلامي
قصيدة الشاعر / نايف بن بهان ابو خشيم الميموني
على مستوى الدولة على مستوى الإعلام ....على مستوى شمّر ونقبل شهادتها
نزف ابيض الرايات لأساطي الضرغام .......أبن سمري اللي فرصته ما يفوتها
هو السابق الرامي هو الصامل الجزام .........هو اللي تساوى للقزازه وحتحتها
ولاني بلحقوق العرب غيرنا هظام .............مدير الإدارة معه في كل قصتها
من اللابه اللي يلحمون السويف الحام ........بعيد المغازي ستة اشهور غزوتها
ولو الجيب وصل بصاحبه مفرق الدمام ..........تحطم تحطم طايره في نهايتها
لكن جاه من ساوم والأرواح ما تنسام ...........وشمّر تباشر بالسلامه بساعتها
عقب ما اقدم الموت المحقق عليه أقدام .........نزف التهاني للطوالات واسرتها
ولاهي كثيره منك يا لفارس المقدام .............أنته من رجالٍ راية الطيب رايتها
ليا صار في صعب المواقيف ضرب إحسام ......كبرتبها القالات ميمون حلتها
واللي عدج واحدهم من العشرة الحكام ........ميمون بنهار الضيق تزداد هقوتها
وقفت بمهمتك الصعيبه وقوف تمام ..........يوم ابن طواله سرعة الجيب ثبتها
وتحول الى تابوت والمقبره قدام ..............وصاراهم ما عند الأوادم سلامتها
حنا اهم شيء نسطر المجد بالأقلام ............للأجيال تدل الدروب وتناعتها
حضرنا وانقذناه يوم ان حظه قام .............هذا فعل حمران النواظر وعادتها
لعل اجرها مكتوب حج وصلاة قيام ........وخدمة وطن تسبق حدثها بلحظتها
وترى كل مخلص يبذل الروح ما ينلام ......الأرواح تهدى للوطن عند حاجتها
حقيقة كلاٍ ما نقوله على الأوهام ................وختام القصيده للبواسل تحيتها
نايف ابو خشيم الميموني .
المرجع :
موقع قبيلة مطير - الأخبار -عمل بطولي لأحد أبناء قبيلة مطير يسهم في أنقاذ اراح المسلمين
[/frame]
[/align]
رد: عمل بطولي لأحد أبناء القبيلة ساهم في انقاذ ارواح مسلمين
صح ألسنتهم الشعار
وموقف بطولي يسجل بتاريح القبيلة
وهاذا ليس بغريب على مثل أبناء القبيلة بعد إرادة الله سبحانه
والله يجعلها بموازين حسناتهم
