تدوم ياسطام ياكاسب الطيب -
ياحر ياللي منزلك دوم عالي .
يأبن الرجال اللي تعرف المواجيب-
ياراعي الوقفات أول وتالي .
يابن عتيق ترمي الشور وتصيب -
ولاهي غريبه ياكريم السبالي.
فيك الحميا واضحه دون تجريب-
ورثتها من ساس جد وخوالي.
وأبوك علمك الوفاء للصاحيب-
وسلكت درب أهل الوفاء والمعالي.
لعل يفدونك كبار الغابيب -
اللي من المعروف جاهم جفالي.
وقت السعه ياكثرهم لك محاضيب-
وقت الشدايد يزبن أم العيالي .
محشوم عنهم عاشقين العذاريب-
ذولاك رفقتهم جريف وهيالي .
الله يحفظك عالم السر والغيب-
ولعل دارك ما يجيها الزوالي .
وتبقى رفيع الراس لاحاشك العيب-
ويدوم شيال الحمول الثقالي .
وأختامها وافي بلا شكً وريب -
وغالي وتبقى يأبيض الوجه غالي .
أهداء من أخوك / نايف مطلق الحميداني
كلمات الشاعر / غنام حمدان الحميداني
