سفينة نووووووح

[poem=font="Simplified Arabic,5,white,bold,normal" bkcolor="transparent" bkimage="backgrounds/9.gif" border="none,4,gray" type=0 line=0 align=center use=ex num="0,black"]
عدّيت فـي راس الطويلـة وغنّيـت=أفرض رضا روحي على من كلفهـا
أغضبتها في موقف الطيب وأرضيـت=فكرٍ علـى درب المعاسـر عسفهـا
ياقوّ طاقتهـا بمـا شـال وأخفيـت=شيئٍ عليـه الـروح مـاالله كلفهـا
حاولت أغيّر في مجاريـه وأزريـت=ماينخصـم وجـه الحقيقـه عرفهـا
مـع الظّـروف بمقنعاتـه تقصّيـت=كم حلت به حيلـةٍ تصيـب ونسفهـا
حتّى عليه من الغضب منـه ردّيـت=ردّة منزّحت السّـرب عـن عطفهـا
لا شكّ ماصـارت علـى ماتورّيـت=عند الغضب تخطي المصيبـه هدفهـا
جيته ليـا جيـت مطـوّع لعفريت=خلي الجسد لاجى والى أقفى خطفهـا
وقفت مالي مـن جـدا إلا التنّاهيـت=ألعـن هاك الحـزّة وحـظّ عرفهـا
ممّا بصدري سجت رجلـي وسجّيـت=أقنّـع النّفـس العزيـزة باسفـهـا
ما يرجع اللّي فات لـو قلـت ياليـت=دنيـا تخالفنـي علـى الله خلفـهـا
جلست فـي راس النّبـا واستمدّيـت=وحالي على غيـر أحتمالـي دغفهـا
كنّه لبس جسمي من الجـنّ عفريـت=يوم أرتهج وصفـوح طبلـه رجفهـا
نسنس هـواه اللّـي يهـزّ المنابيـت=صلفن ليـا هبّـت هبوبـه عطفهـا
هـواه حنّـت منـه روس النّحاتيـت=وتجاوبـت خضـر الجريـد بسعفهـا
قامت تصافقهـا هبـوب السّباريـت=لين العذوق الخضـر هلـت حشفهـا
ورّانـي الدنيـا عـلـى ماتمنّـيـت=هـدّم مبانيهـا وحـطّـم تحفـهـا
ضربه يفتّت عالـي السقـف تفتيـت=من أعلى طوابقها ليا آخـر غرفهـا
يشتّـت المجمـوع بالقـوع تشتيـت=صبّاتهـا كبـر الأظافـر شظفـهـا
من عابرات ماتمشّى علـى الزيـت=أحـدث صناعـات الخبيـر اكتشفهـا
فكري موقّتّها على الضيـق توقيـت=لو أطلب الصنـع المحـرم صرفهـا
هيجات فكري تجمع الحـيّ بالميـت=صنع الخفايا معجـزة مـن وصفهـا
دخلت في مثل الظلام وطفـيّ الليـت=وشـدّ الستـارة بالخيـوط وكشفهـا
أدرج شريطـه بالجهـاز وتحلّـيـت=يمشي على نـون النواظـر سلفهـا
تتابعـت زفرات فروحـي وفـزيـت=وكـنّ الوجيـه الغايبـات تعرفـهـا
تدفقـت عبراتهـا يــوم ونـيّـت=وجفني غسلهـا بالدمـوع ونشفهـا
في راس مرقاب العنـا ليـن ملّيـت=من عصر لين الشمس كفت طرفهـا
مع العذاب أبحرت وأحترت وأمسيـت=كنـيّ سفينـة نـوح ممـا صدفهـا
خوفّني الهاجـوس ليـن أستخفّيـت=وفكّ الحصار وقـال دنيـاك شفهـا
يوم أستهاض وهاض وصّفت واصفيت=نقعة بحـر لـو زاد ماهـا نشفهـا [/poem]
فلاح ابن مبرد

http://up.alfrasha.com/u/3690/3913/41559.gif

يسلموووووا الولهان على الابيات الرائعه

لاتحرمنا من الابيات الى زي كذا روعه

الواحد لو ايش يكتب يعجز يشكر الابيات


تحياتي

قوتـ

الولهان

اول شي الله يحييك بين اخوانك وفي محلك

ثاني شي صح السانك والسان فلاح بن مبرد

الولهان
مشكور اخوي ويعطيك العاقيه على النقل
ولاهنت00وصح لسان شاعرنا القدير والكبير
فلاح بن مبرد00اسطورة الشعر الشعبي باالعصر الحديث
واعذرني على تعديل بعض الاخطاء الاملائيه0000000
لاهنت ويعطيك العافيه 00تقبل وددددددددددددددددددددددددددددي
اخوك برق الوسم

لاهنت اخوي الولهان على النقل وصح لسانك ياغالي


لك كل التقدير والاحترام

الولهان الله يعطيك العافيه

قصيده مايحتاج اعبر عنها هيا تعبر عن نفسها

صح لسانك ولسان شاعرها

تحياتي للجميع

[align=center]مشكوور وماقصرت أخوي الولهان

على نقل القصيده الرائع لرائع فلاح أبن مبرد


لاهـنـت وصـح لـسـان الشاعر أبو بدر


تقبل تحياتي


أرجوا من الأخوان القائمين على هذا القسم نقل القصيده إلى شعراء الحمادين


شاكر ومقدر تعاونكم


صــاحــب صــاحــبــه [/align]

الولهان الله يعطيك العافيه

قصيده مايحتاج اعبر عنها هيا تعبر عن نفسها

صح لسانك ولسان شاعرها

تحياتي

مشكور اخوي الولهان على النقل الرائع وصح لسان ابو بدر

تحياتي