انا ويش اسوي في زمانى يابـن نمـاس

[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="none,4,gray" type=2 line=0 align=center use=ex num="0,black"]
]انا ويش اسوي في زمانى يابـن نمـاس=زماناّ مغامـر والثقـه فيـه تخدعنـي

يحاول يوقفني علـى شفـه مـن يـاس=وعيت دروبـاّ تاسـع النـاس تاسعنـي

اخذبي على درب الشقاء والعناء مرواس=ولاباقـي الا فـي المهامـه يضيعنـي

تحملت من جور الليالي بـدون قيـاس=ولو حملها ميل على المتـن واوجعنـي

وصبرا ّ على الشده شجاعه وقوه بـاس=لكن الضـروف القاسيـه ماتطاوعنـي

ليا اجتمعت الثنتين حاجه وشيمـه راس=وهـذي تنزلنـي وهـذيـك ترفعـنـي

رفعت النظر والله عطاني نظر واحساس=وهي ميزه في كـل الاحـوال تنفعنـي

ولو كان بين الصم والبكم لي مجـلاس=هـذا مايكلمنـي والاخـر مايسمعنـي

حياه التجارب علمتنـي وانـا حسـاس=وخلتني اعرف نظره العين وش تعنـي

وانا لو بدت لي حاجه عند بعض نـاس=اريد الكـلام وعـزه النفـس تمنعنـي [/poem]

الشاعر/ رشيد الزلامي[/size]

--------------------------------------------------------------------------------






تسلم يدينك على النقل ياديحاني قصيدة جزلة لشاعرغني عن التعريف

صح لسان ابوجميل رشيد الزلامي .




تقبل خالص التحايا ،،






...

لاهنت اخوي الديحاني على النقل المميز والجميل

فعلآ قصيده جميله جدآ


تسلم ياديحاني

ابونادر الله يسلمك من كل مكروه

صح بدنك وهلابك

ادارة المنتدى

مروركم شرف لي

يعطيكم العافيه

ياعيني عليك ياديحاني
والله انك شاعر انت بنفسك بس ماودك تقول اتمنى ان تقووووللل
صح لسانك ولسان رشيد الزلامي ولاهنت تقبل كل الموووووده
اخوووك برق الوسم

الاخ الغالي برق الوسم

صح السانك وهلابك

دامك موجود انت وابونادر فيكم الخير والبركه