مال العشيق إلا موادع عشيقـه

خلاص لاتشكي ولاعاد ابسمعـك
كل ٍ يروح يالغضي فـي طريقـه
القلب ضاق ولابعد صار ياسعـك
وجروح قلبي من فعولك عميقـه
قطعتني بالوصل واليوم ابقطعـك
هذا قراري ماش شـي ٍ يعيقـه
خل الذي غرك وكبـرك ينفعـك
خلك معه واثنينكم فـي حريقـه
ماني بناشد لو غيابـي بيوجعـك
حتيش لو تونس من البعد ضيقه
تعبت اجامل وادمح اخطاك ورفعك
وشيل حمـل ٍ ماتوقـع تطيقـه
لاوحسايف غلطتي يوم انا اتبعك
اشقيت نفسي في بحور ٍ غريقـه
معاد امييز من حكي في واقنعـك
ولاعاد احسب رجعتك بالدقيقـه
خذها حقيقه قلبي اليـوم ودعـك
والكذب ميت في عيون الحقيقـه
خلاص مايشفع رجوعك ومدمعك
مال العشيق إلا موادع عشيقـه
ليت الذي جابك مع الدرب رجعك
دام الرفيق اليوم ضيـع رفيقـه

الشاعر / مشاري بن جلوي

صح لسان شاعرها وسلمت يمينك

اخوي ديحاني على النقل الرائع

وربي يعطيك الف عافية .

ومشكور

تحياتي

كل الشكر على حضورك الرائع

ولاهنت

صح لسان الشاعر وسلمت يمينك على النقل والجهد
المميز والحضور الراقي لانك راقي ومبدع دائما الله عليك
ياديحاني مااحلا أختياراتك الف شكر لك على كل حرف تكتبه من
اجلناااااااااااااا وكل الغلا والود محبك برق الوســـــــــــــــــــــــــم

برق الوسم

انت الخير والبركه وحضورك ينور المنتدى

لاهنت