لاسلهمت عينها قلت :إيـه معـذوره

الجادل اللي غلاها فاحـت عطـوره
أبنتشـي مـن عبيـره واتعطـربـه
من شفتها قلت :دارالحـب ممطـوره
قالت : هلا بالحبيب اللي نبـي قربـه
يازينها ياحـلاة الصـوت والصـوره
لاسولفـت كـل مافيهـا تفكّـربـه
حورية ٍ بالحـلا والزيـن مشهـوره
جمالهـا بيـن كـل الغيـد تفخربـه
دانـة بحرتتعـب الغـواص ببحـوره
لعيونهاغصت بحراالحـب وأجهربـه
لاسلهمت عينها قلت :إيـه معـذوره
وأهيم بالرمش لاأغضت به وأسا فربه
مجبورفـي حبهاوالنفـس مجبـوره
بيـن الحنـايـا غلاهاماتكاثـربـه
لاشفتهاالعقـل منـي يفقـد شعـوره
حلوه0 غريبة طبايع ..فاتنه... ذربه
فيهاغناجة دلع ..وشـوّي مغـروره
ياحظ 0هاك المكان اللـى تمخطربـه
مثل القمرنورهـا لامـن ظهرنـوره
جبينهـا لاانكشـف ودّك تمنظـربـه
لاأنساب شلالها من فـوق ديجـوره
ليل ٍيعانـد معـه قلبـي ويسهربـه
ياليـت وردالمحبـه تنبـت زهـوره
وأقطف وفاهاوأذوق من النهر شربه
وأرسم لها في قصيدي أجمل أسطوره
بين العذارى تغنّـى بـه وتشهربـه
واللي تبي مثلهـا تمـوت مقهـوره
في وسط قلبي لهـا عطـر ٍتعطربـه
الشاعر / سامي الحبلاني

يعطيك العافية اخوي ديحاني على النقل

الرائع وصح لسان شاعرها .

ومشكور وما قصرت .

تحياتي

يسلموووووا الديحاني

ننتظر المزيييييد من ابدعاتك الراااااااائعه

تقبل تحياتي لك

الشمقمق

صح بدنك وتسلم على تواجدك الطيب

قوت القلوب

ربي يعافيك على حضورك ونشاطك

ياسلااااااااااااااااااااام عليك ولله درك
دائما تطربنا وتبهرنا باختياراتك الرائعه
اخوي الديحاني كلك ذوق وماشاءالله عليك دائما
مبدع وحسن الاختيار لاهنت اخوي الغالي ولاعدمتك
تقبل كل الوووود اخوك برق الوسم

برق الوسم غمرتنا بطيبك وكلامك الطيب

مشكور يالقرم