إهداء لأبو يوسف الحربي,,&&&
حل الفراق وخاطري منك ماطاب
وانا طريح الحب لاخذ ولا جيب
واقول يادار الخطا وين الاحباب
احباب قلب اللي جروحه معاطيب
خالي من الاحباب مقطوع الاسباب
يسترسل العبره بعد شقة الجيب
يقنب قنيب الذيب في كل مرقاب
لاسائل عنهم ولا راجي امطيب
يرجي هواه وياسه واقف له على الباب
هواه شرق ونيته بالتغاريب
يمسي ودمعه فوق الاوجان سكاب
يصبح وجوفه فيه مثل اللواهيب
الدار قالت سافرو عنك الاصحاب
خلوك تصحى من حسايفك وتغيب
ويلاه يادنيا التفرق والاتعاب
من شي يشذب ثومة القلب تشذيب
امسٍ وهم مادونهم ستر واحجاب
واليوم دون ديارهم يعِوي الذيب
