عـبـدالله أبــن سـبـيـل >> ضـيـفـاً عـلى حـمـاديــن كــوم

[align=center]السلام عليكم ورحمة الله وبركاته ..

هذه ترجمة ً بسيطة عن حياة الشاعر المعروف عبدالله بن سبيل رحمه الله ،
أرجو ان تحوز على رضاكم وتنال إعجابكم . [/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
المقفي اقف عنه لو كان مملوح = والمقبل انهضله شراع السفينه[/poem]


[align=center]هو عبدالله بن حمود بن سبيّل الباهلي . . . شاعر علم (( من قبيلة باهلة )) ولد ابن سبيّل في قرية ((نفي)) بنجد حوالي سنة 1277هـ وفيها توفي سنة 1357هـ . . . عاش ابن سبيل ما يقارب ثمانين سنة . . . وبعد تولي المغفور له الملك عبدالعزيز آل سعود ولاه إمارة ((نفي)) حتى توفي ولا تزال إمارة هذه البلدة في ((آل سبيّل)) حتى الآن . . . للشاعر من الأولاد اثنان هما ((عبدالعزيز)) و ((ناصر)) وكان عبدالعزيز شاعراً ولكنه لا يظهر شعره ولا يذيعه لتدينه
ويعد ابن سبيّل قمة من أعلى قمم الشعر النبطي ولا زال ابن سبيّل شاعراً فيلسوفاً راقي الشعر متين الاسلوب . . . شعره منتشر بين الناس يضرب به المثل بالإجادة والإبداع فقد برع في فنون الغزل بصفة خاصة ومختلف فنون الشعر النبطي عامة وشهرته بالغزل فاقت جميع الشعراء وعرف كشاعر غزل يقاس بشعره شعر الشعراء وقد أثَّر بشعراء عصره فقلدوه وتبعوه وأصبح الغزل فن ذلك العصر
لم يكن ابن سبيّل مستجدياً بشعره أبداً بل كان عفيفاً رفيع النفس لم يمتدح بحياته قط أحداً من الملوك أو الأمراء طمعاً بهباته . . . فلم يذكر له الرواة سوى قصيدة واحدة امتدح بها ((محمد بن رشيد)) أحد حكام حائل اتقاء شره لا طمعاً بكرمه حينا قال :[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كثيـرات رثعاتـه قليـلٍ سليمــها=اليـا طنـا مـا يسمــع للعـذايـل
واليا بغـا أمـرٍ ما يـداري عواقبـه=يجـي له وجـرانٍ من الغيـظ شايـل
اليا شال غيظه يرذي الخيـل والنضـ=بواريدهـم طالـت بعيـد المخـايـل[/poem]



[align=center]كان صبوراً جلداً ، يواجه المصاعب بالرضى ، ويستقبلها صابراً لا يشكو إلا إلى ربه .
يقول في قصيدة مطلعها :[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يالله يا كاشف عن أيوب ما به = من الضر ياقابل مطاليب يعقوب
يارب يوسف يا مصدق جوابه = يا مظهره من ماقع فيه مصلوب
ياداعي بنداه موسى واجابه = يا جاعله غالب وفرعون مغلوب
يا مخرج ذا النون يوم اكترابه = عقب اربعين بغبة البحر مسكوب
ولين لداؤود الحديد اكتسى به = ومصخر لابنه من الريح مركوب
تفرج لممتحن يبي منك ثابه = ضاق الفؤاد ودك به كل دالوب
يوم ان ختال الزمان التوى به = ما يرتجي لحذاك ياخير مطلوب
هاب الرفيق اللي عرض لي جنابه = بالطيب وأظنه من الطيب منتوب
يوم اتضح واليا الزمان امتشابه = صارت مواعيده مواعيد عرقوب[/poem]


[align=center]تأثر شاعرنا بلهجته وألفاظ شعره ومفرداته بلهجة قبيلة ((عتيبة)) لاحتكاكه بهم ولم يكن شاعرنا عتيبياً بل كان باهلياً ((من قبيلة باهلة)) ولكن لمعايشته ((للعتبان)) دوراً في لهجته
كان شاعرنا حضرياً يسكن المدينة ولكنه أولع بالبدو ولوعاً حيث كانوا يقطنون حول قريته بالصيف فتوطدت العلاقة بينهم وازدادت محبته لهم ومحبتهم له حتى كانوا بحكاياتهم وطرائفهم القاسم المشترك بجل شعره ...[/align]


[align=center]كقوله[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ربيع قلبـي صكـت البـدو حولـه=وتقيـرب المقطـان وأحبنــي لـه[/poem]



[align=center]وقوله برحيلهم[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يتلـون مشـهاة البكـار المشاعيـف=وكلـن يبي قفـره قـدم يسهجونـه[/poem]



[align=center]وقوله أيضاً في البدو حين وجد مكانهم خالياً بعد رحيلهم[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا عين وين أحبابـك اللـي توديـن=اللي ليا جـوا بالوطـن ربعـوا بـه
أهل البيوت اللي على الجو طوفيـن=عـدٍ خـلا مكـانهـم وقفـوا بـه
منزالـهم تـذري عليـه المعاطيـن=تذري عليـه من الـذواري هبوبـه
قادت جهامتـهم مـع الجـو قسميـن=الزمل حدر والظعـن سنـدوا بـه
يبون مصفار من النير ويمين =الله لا يجزي طروش حكوا به[/poem]


[align=center]

ولم تخلوا روائع ابن سبيّل من الحكم والأقوال المأثورة التي راحت أمثالاً بين الناس كقوله[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لا تأخذ الدنيـا خـراصٍ وهقـوات=يقطعك كل من نقل الصميل البـرادي
لك شوفةٍ وحـده وللنـاس شوفـات=ولا وادي سيلـه يحــدر لــوادي[/poem]



[align=center]وقوله أيضاً في الحكمة :[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
لا تسمـع في هـرج نقـال ولا قـال=خلـه يقـل الحكـي بينـه وبينــك
وسـدك فلا تعطيـه عـمٍ ولا خـال=كـم واحـدٍ بالهـرج يبحـث كنينـه
مقعـدك مع ناسٍ لهـم عنك منـزال=لا هـم بـراجينـك ولا خـايفينـك
معهـم خبـرك وكايلينـك بمكيـال=على العسر واليسـر هـم عارفينـك
في مجلـسٍ مـالك مقـامٍ وتفضـال=أخيـر مـا تفعـل مقامـك بحينـك[/poem]


[align=center]ومن مقومات نجاح شعر ابن سبيّل وانتشاره كونه يصوّر بتعبيره حتى يخيل للسامع أنه يشاهد شريطاً يعرض أمامه فقد كان ابن سبيّل قصصي الاسلوب بشعره يرسم الموقف ويحرك الشخصيات بداخل القصيدة كقوله من قصيدة يحاور بها عذاله متمسكاً بمحبوبته[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
قالوا نـدور لك من البيـض حليـاه=قلـت آه لـو غيـره بكفـي رميتـه
قالوا نشـاش العـود وشـلك بلامـاه=قلت آه عـود المـوز بيـدي لويتـه
قالـوا تـزوج كـود تدلـه وتنسـاه=قلت آه لـو خـذت أربـعٍ ما نسيتـه
قالوا من أقصى الناس وين أنت ويـاه=قلت آه ما أنسا يـوم جانـي وجيتـه[/poem]


[align=center]وقال أيضاً بالغزل :[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أخذت لي في ماضي الأيام سجات=يوم الهوى قايم وانا اتبع هوايه
واليوم شبت وتبت عن كل ما فات=وطويت عن كل الموارد رشايه
الا اليا اطرولي خطاة الخوندات=اللي مقاديمه تعدى الحظايه
اتجازي الهراج بغضاي وسكات=ولا تبين له سريرة وغاية
لولاي اوسع خاطري بالتنهات=وابصر بحالي من خلاي بخلايه
لاغدي كما المذهب وارمي بالاصوات=خبل على ما قال راعي الروايه
****** إلـــــى أن قــــال ********=***(( للأسف لم أجدها كامله ))***
مهيب بدعه تلحق الرجل شرهات=ناسٍ عدو قدمي وناسٍ ورايه
لولاي أوسع خاطري بالتنهات=وابصر بحالي من خلاي بخلايه
لاغدي كما المذهب وارمي بالاصوات=خبلٍ على ماقال راعي الروايه
باهل الهوى من شارب الخمر شارات=وفيهم من اللي يطرد الصيد شايه
شارات راعي الخمر سكرة وغشوات=والصيد ولعه ما على الله كنايه
مير المقل يريد حاجه ولاجات=وكثر التمني مثل زرعٍ بطايه[/poem]


[align=center](( وهذه بعض قصائده ))[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يالله يا عالم جميع الغيوبي = ياللي إلى ضاقت علي الناس نادوه
أشكي عليك البدو عوج الدروبي = اللي إلى هموا لهم مربع جوه
البدو هم وظعونهم هبلوا بي = هني قلب لا عرفهم ولا جوه
شدوا وخلوني على الدار اهوبي = مثل البعير اللي عن السرح ردوه
شدوا ومدوا بالغزال العجوبي = ياليتهم من جملة الحضر خلوه
مركوبه الاشقح عريض الجنوبي = دمث المناكب للمحاويل عفوه [/poem]


[align=center](( وهنا يتذكر الماضي ))[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يامل قلب خالطه هجر وهيام = وله بين محني الضلوع انهشامي
من شوف قصر الزين مردوع الأوشام = خلّي خلِي وباب قصره هدامي
العام في دار بها رزق وانعام = واليوم في دار هماج الجمامي
ياراكب هجن هجاهيج وهمام = لا روحن يشدن لجول النعامي
تلفي لنا ديرة هل البر وايدام = وذباحة الخرفان للي حشامي
اهل دلال ما تبيع بالاوسام = عابين له بن يحرق شمامي
إلى فليتوهم بتخبير واعلام = ردوا على مضنون عيني سلامي
اللي يشيل الثوب ردفه إلى قام = والعنق عنق مذيرات الادامي
ومبيسمه يزها دناديش وزمام = يشدن قحاوين بنبت العدامي
والراس ذيل اشمرة عند حكام = والخد براق يبوح الظلامي [/poem]



[align=center]وقال أيضأ ً :[/align]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يالله ياللي تسجـد الخلـق لرضـاه=يا وامـرٍ خلقـه علـى حـج بيتـه
تفرج لمن سدّه على الناس ما ابـداه=راضي على مقسومك اللي عطيتـه
من شي يسل الحال والجسـم يبـراه=والنـاس ما يشفـون إن ما شفيتـه
قلـت آه واجرحـاه مـن خلتـي آه=وان حملونـي حمـل غـيٍ قويتـه
قالـوا سفا بالحال ويش اللي اغـواه=قلـت آه ويش المنكـر اللي وطيتـه
قالـوا جهلـت وبان علمك لمنهـاه=قلـت آه علمـي يا مـلا ما كميتـه
قالـوا طلبنـا لك مـن الله معافـاه=قلـت آه وحدتـه وعفـوه رجيتـه
قالـوا هله واحبـاب عينه نصحنـاه=قلـت آه هــذا واردٍ مـا بغيتــه
قالـوا نـدور لك من البيض حليـاه=قلـت آه لو غيـره بكفـي رميتـه
قالـوا نشـاش العـود مالك بلامـاه=قلـت آه عود الموز بيـدي لويتـه
قالـوا تـزوج كود تدلـه وتنسـاه=قلـت آه لو اخذت اربـعٍ ما نسيتـه
قالوا من اقصى الناس وين انت واياه=قلـت آه ما آنسى يوم جاني وجيتـه
قالـوا نشوفـه عنـد هـذا وهـذاه=قلـت آه عمره ما عقب حجر بيتـه
قالـوا عليـلٍ نـاقـلٍ داه بــرداه=قلـت آه باقرابـي وروحـي فديتـه
قالـوا نشيـر ولا نفـع ما حكينـاه=قلـت آه هـراج النمايـم عصيتـه
قالـوا كثر شيبـك وقلبـك بعميـاه=قلـت آه لـو قلبـي غريـرٍ نهيتـه
مطــاوعٍ قلبـي بعجفــاه وقـداه=والى عطـى منهـاج دربٍ عطيتـه
ياناس خلـوا كـل وادي ومجـراه=قلتـوا كثيـر وقـولكـم ما لقيتـه[/poem]



[align=center]مــع تـمـنـيـاتـي أن تـنـال إعـجـابـكـم وأن تـعـذرونـي عـلى الـقـصـور

دمــتــم بـــكـل خــيـر وعــافـيـه [/align]

السلام عليكم ورحمة الله وبركاته

اقتباس:

---

المقفي اقف عنه لو كان مملوح
المقبل انهضله شراع السفينـه

---

مقدمة موفقة ،،

أخوي محمد ابن عقوب ،،

كعادتك لاتتحفنا إلابالمميز ،، لله درك ع مانقلته من درر شعرية مميزة ،،

سلمت أناملك ع ماخطته وننتظر بشغف المزيد المزيد ،،

دمت بود أختك
شوق العيون

[align=center]وعليكم السلام ورحمة الله وبركاته

شوووق العيووون هلابك ملايين ،،

والحمد لله على السلامه ،، والله يتقبل منا ومنك صالح الأعمال

نورتي متصفحي بمرورك العذب ،، وإطلالتك البهيه ،،،

أشكرك على ما خطته أناملك وعلى مرورك العطر ،،،


لـك أرق الـتـحـايـا ،،، دمـتـي بـخـيـر [/align]

محمد ابن عقوووب


تعجبني دائما بطرحك للمواضيع المهمه والمفيده

وتعلقك بعلوكم الرجال الطيبين امثال ابن سبيل رحمه الله


وهذا يبين لنا جانب من شخصيتك الفذه وان البحث عن عمالقة

الشعر ووفرسان الجزيره وشيوخها من كل القبائل // هومادعاني لكتابة هذه الاسطر القليله


بشخصك الرائــــــــع سلم بوحك وسلم راسك وفكر اسعدتني بمثل نقل هذه المعلومات القيمه


لاهنت اخوي والف شكر لك وكل التحيايا/////// اخووك برق الوســــــــــــــــــــــــــــــــــــــــــم

[align=center]أخـي الـعـزيـز // بـرق الـوسـم

هــلا بــك مــلايـيـن

إعـجـابـك بـمـا أكـتـبـه و أنـقـلـه لـكـم هـو غـايـتـي ،،

أسـعـدنـي مـرورك حـقـيـقـةً ،، وإطـرائـك وسـام شـرف أعـتـز فـيـه ،،



لـك أرق الـتحـايـا و أعــذبــهـا [/align]

بارك الله فيك لقد احسنت ألاختيار .يايه الولد المغوار سليل اهل المجد و الاحرار

الحمدلله شي مفرح أن يكن عندنا من يهتم ويقدر الشعرالحقيقي وهله وخاصة القصيد القديم
الذي رغم مرور السنين لم يفقد قيمته هيبته تتناقله الاجيال والرواه وكأن اهله لازالو احياء
ماهو عصيد بعض شعراء هالوقت . خيطي .خربيطي الذي يمر ويذهب غير ماسوف عليه

محمد .. تسلم يمينك من العوق على نقل بعض روائع الشاعر المشهور بن سبيل الله يرحمه


لكن فيه خطاء في البيت التالي ارجو تعديله هذا أمانة لازم نحافظ عليها

البيت الخطاء هو ؟

( قلّت جهامتهم مع الجـو قسميـن=الزمل حدر والظعن سندوبه )

والصحييح هو ؟


( قادت جهامتهم من الجو قسمين = الزمل حدر والظعن سندوبه )


وكذلك بعض شطر البيت اللي فيه الخوندات


الصحيح هو ( الا اليا اطرولي ) خطاة الخوندات = اللي مجاديله تعدا الحضايه





وتقبل شكري وتقديري





..

[align=center]

يــا هــلا و الله و غــلا فـيـك يــا أبـو نــادر :rose: :rose:

الله يحييك في متصفحي المتواضع وأبرك الساعات حضورك يالغالي ...

:rose: :rose: والحمد لله على السلامه وعوده حميده :rose: :rose:

أشادتك يابونادر في محلها وأنا شايف الشيء هذا ،،

لكن يالغالي ... أنا لما نقلت هالقصايد للمنتدى إلا للي مثلك و شرواك ...

والأخطاء اللي ذكرتها تم تعديلها وإذا فيه أي ملاحظه أنا حاضر ...


عمووو ... حقيقه أسعدني مرووورك الكريم و تعليقك على الموضوع ...


:rose: لك مني أرق التحايا و أعذبها :rose: ،، :rose: وهالورد لتشريف يالغالي :rose:

:rose: دمــت بـكــل خــيـر و عــافـيـه :rose: [/align]

بارك الله فيك لقد احسنت ألاختيار .يايه الولد المغوار سليل اهل المجد و الاحرار

بونادر

صح قلمك وفكر على التعديل والتوضيح

ولايحرمنا من اطلالتك وتتبعك لنا وتوجيهك السديد


نقطه تحسب لك لجهودك المميزه يسعدنا تواجد معانا وحضورك


المشرف وتشكل لنا ثقل رائع بمنتدايات حمادين دو نت كوووووووم


لك كل حبي يالغلااااااااااا


برق الوســـــــــــــــــــــــــم

السلام عليكم ورحمة الله وبركاته

ابدعت اخي محمد بهذه الصياغة الرائعة وهذا الوصف المعبر عن حياة الشاعر عبد الله ابن سبيل وعلم اخي انك بهذه المعلومات عن الشعراء الكبار تزيدنا علم ومعرفة وفخر بهم

لا تأخذ الدنيا خـراصٍ وهقـوات
يقطعك كل من نقل الصميل البرادي
لك شوفةٍ وحده وللنـاس شوفـات
ولا وادي سيلـه يحـدر لـوادي


سلمت يمناك اخي ودمت بود

اختك رهوفه

[align=center]أخي برق الوسم

أشكرك لتعقيبك على ما أشاد به أبو نادر ،،،

والله ما أدري وش قصدك بهالإقتباس >> تتزراء بكلامه وإلا معجبك كلامه !!!

تحياااااااااااااااااتي لك [/align]

[align=center]أختي رهوووفه

هلابك ملااايين .. أسفرت و أنورت .. مروورك أسعدني حقيقةً ..

أشكرك على ما أشدتي به وأنا ممتن لك بهذه الإشاده الطيبه ...

لك أرق التحايا و أعذبها

دمتي بخير [/align]

مرحبا
يسلمو محمد على هذا السرد المميز لحياة الشاعر بن سبيل
كعادتك مبدع في طرحك واختياركـ
الابيات كلها اعجبتني فاحترت ايها اقتبس..!!
لكن الموضوع بشكل عام (تحفه)
تسلم ع المجهود محمد

تقبل مروري

تحياتي لك

[align=center]هلااااااابك فجر

نورتي متصفحي بمرورك العطر ،،

سامحينا على الغبره الموجوده .. خبرك الموضوع غبر شووي ...


شاكر لك تواجدك وإشادتك الطيبه


دمتي بكل خير و عافيه [/align]