نزولا عند رغبة اخوي الغالي
المجهول يسرني ان اضع قصيدة شاعرنا الكبير
فلاح بن مبرد الحميداني لبية لرغبته امنياتي لكم بالتوفيق
مع كل الحب للجميع //اخووكم انا برق الوسم
[poem=font="Simplified Arabic,5,white,normal,normal" bkcolor="transparent" bkimage="backgrounds/38.gif" border="none,4,gray" type=2 line=0 align=center use=ex num="0,black"]
عَزّ والـي بـارقٍ حاجـبٍ حـدره كتـام=إرتـدم نـوّه يخيـف ويخـاف ويستعيـن
هزّ الأرض براعدٍ مـن مرازيـم الغمـام=من صدا صوته بروس الرّواسي له رطين
فيه من سوط الغضب بارقٍ يجلى الظـلام=هلّ هملول الحيا من هوا شـوق وحنيـن
طاب كيفي يوم هبّـت عواصيـف الغـرام=مبتدا فصل الشتاء أوّل نهار مـن أربعيـن
في حلول مناسبتها بعـد شهـر الصيـام=إدفعـي يامقفيـه شـرعـوا يامقبلـيـن
من يبا يقـدر ليـا قلـت مـردود الكـلام=يامحبّين الذهـب ويـن صـرّاف الثميـن
يقضي الطرقي لزومـه ويعطيـه العـلام=وإسمحوا لي كان ماعن لزومي مرشديـن
ما بخص الديره مقيضي على وادي الهيام=الدبش فيها هرايـا وهـو يمشـي بديـن
لاحتمت شمس الضحى وأشقر الجنحان حام=إستكـنّ مـدوّج اللّيـل فيهـا مايبـيـن
ويـن درب الحـادره علّمونـي والسـلام=إن عرفتوها عسى وإن غديتـم عابديـن
يامرونقـة المبانـي بتلمـيـع الـرخـام=لاتطير القشره اللي علـى المبنـى يبيـن
قالها اللـي مايقلّـد علـى ربـد النعـام=من دفن راسه يحسب أنّ جسمه مايبيـن
ماأنقل القفش المكاذيب في مشـط الحـزام=مـع مقـادم لابتـي وأفتخـر بالطيبيـن
عزوةٍحطّت علـى أردى خلايفهـا وسـام=ما ينقصّهـا الـرديّ دام غيـره وارثيـن
تتمشى عبر الأجيـال فـي نفـس النظـام=ترفع المبنى على قـوّة السّـاس المتيـن
في سبيل أمجادنا يوم أشارك لـي مـرام=انشدوا ضيرالمعاني عن الولـف الحزيـن
فكّروا فيهـا ومعكـم ليـا تسعيـن عـام=واعسى من عقب هـذا يجـي رد اليقيـن
يمكن أن المستحيله تحـرك لـي عظـام=لادرك التصوير فيها مـن آخركـم جنيـن
رددوهـا وأذكرونـي ليـا هـبّ الـولام=وجنّبونـي لا مشـى سرحكـم متفاختيـن
حقكم مني ماأدق الخـدود مـن الوشـام=الجزلـه هـديـه وهزلتـكـم سمـيـن
يابني عمّي تـرا الزيـف مايبنـي سنـام=بالتّوالـف عزكـم والتّخالـف خاسريـن
يبـذر البـذّار والخاتمـه عنـد الصـرام=يدري اللي مـادرا وش مـدار الناصحيـن [/poem]
