[align=center]السلام عليكم ورحمة الله وبركاته
إخواني وأخواتي اسعد الله ايامكم
تلبية لكم لطلب هذه القصيدة
أشارككم بها هنا
أتمنى أن تنال إعجابكم
[poem=font="Simplified Arabic,6,white,normal,normal" bkcolor="transparent" bkimage="backgrounds/38.gif" border="ridge,4,purple" type=2 line=0 align=center use=ex num="0,black"]
أنـا أهــنــيك من قــلبـي قدرت إنك تبكيني=وحق الله يالغالي أنا من القلـب هنيتك
كـذا روحي تعللها ولا لي من يـواسـيـني=وأنا اللي بكل معنى الحب والإحساس حبـيـتك
أهون عليك وحياتك كذا وحدي تخليــني=تنسى عشرتي وتروح وعمري بلحظة ما نسيتك
حـبــيــبي قول مـا بـقلبك إذا زعــلان صافيني=تـدري كــم أنــا أحـبـك وتدري كم صـافـيــتـك
أنـــا مقـــدر عــلى زعـلك ولا إنـــك تجافيني=عسـاني ما تهنى لو أنـا في يـوم جــــافيتــك
أريدك مـــا تصـدقـــهم كـــل اللي حكـو فيـني =عـــذول وفــيهـم الغيـرة عشــان بعمري أنـا فديتك
حــبـك ساكن بقــلبـي ويجري في شرايينـي=عـشـقتـك يـوم ما شفتك وخليل الروح سمـيــتك
تـــدلل بس على روحي ولـــو تطلب نظــــر عـيني=وحق الـواحد المعبــود معـاه القلب أنـــا عطيتـك
ولــك عــهد الــوفا مني أقــضي عندك اسنيني=مطيع بكل مـــا تأمـر ولـــو حارس على بـيتك
مني نفــسي أنـا شـوفك ولو خـلسة بيكـفيني=ملكت الكـون ساعــتهـا وتـاج الراس خلـيتـك
حـبيبي لا تـعــذبــني تراه البـــعد يـظنيني=ورجيــتك لا تحسسني أنا غلـطان غــليــتك
نـــار العــشق يـا عمري ترى بالله تكويني=تشعل في وسط صدري بأول يـوم أنا ريتك
حبيبي عــودلــي رجـواك قــبـل موتي يــوا فيني=قــبــل لا تـنـطفي شمــعة زمــان كـان مضـويـتك
مليك الـروح لا تــنسى إذا مــا تــقــدر تجـيني=تـذكر يـــا بعد عـمري كــم أنا تمـيتك
وإذا جـالك خبر مـــوتي أنا ما أريـد تبكيني=أنأ ماريــد أتـعـذب عــشــان بيـوم بكـيــتك
ترى لي بــس طــلب واحـــد أنـــت اللـي تـواريني=تلبسني الكفن بيدك قبري تلحده بغيتك
ولـــــو تسمــح بــدل إسمي شهــيد الحب سميني=وعلـى قـبـري زرع وردة دخـيــل الله تـــرجـــــيــتك
كــفـاية عروقــها جنـبي وسط قـبـري تسلـِّينــي=وكل مـا تـشـم زهرتها أنـا بالعرق شميـتك
ودوس القــبر بـأقدامك ولـوما تطـالعـك عيني=تـرد الروح فـي جســمي وأنــا بالطيف ناديتـــك
وتـذكر قسوتك عــندي وظــلمك يـوم نـا سينــي=ولـما تلعب بقلبي شرى لعبه مسليتك
وســـجــل فــي كتاب الــدهر كل اللي جرى فينـي=عساهالـدهـر يـنـصـفني وأنــت بعد يــاريـتك [/poem]
إخواني هذه القصيدة أعاني منها الكثير
حيث تم نقلها بالمنتديات .. وتم سرقتها أيضا
فالكثير من أدعى إنه له ولكن بفضل الله وحمد
القصيدة لي وهي موجودة في ديواني المتواضع
بارك الله فيكم
مخاوي سهيل[/align]
