محمد الأحمد السديري ضيفأ عليكم ...

[align=center]


هو معالي الامير الشاعر محمد الاحمد السديري وهو غني عن التعريف لما له من شهرة واسعة ومكانة كبيرة وشاعرية فذة فهو اديب كبير ساهم في خدمة الادب الشعبي ورقيه وتألقه,

شاعرنا هو محمد بن احمد بن محمد بن تركي بن سليمان السديري - رحمه الله تعالى - ولد عام 1340ه تقريبا في مدينة ليلى بالافلاج حيث كان والده اميرا عليها ثم انتقل مع والده الى الغاط ونشأ وترعرع هناك في كنف والده ودرس الابتدائية على يد الشيخ عبدالمحسن المنيع شغف في بداية حياته بركوب الخيل وكان معروفا بسرعة العدو الجري حتى قيل: انه كان يلحق الصعاب من الابل ويمسك بها مارس هوايته المحببة ركوب الخيل والهجن كما انه كان مولعا بالقنص واقتناء الطيور النادرة,, في السابعة عشرة من عمره اختاره الملك عبدالعزيز - رحمهما الله - اميرا على الجوف سنة 1357ه واثبت وجوده ودرايته وكان مما قام به تصفية قطاع الطرق والخارجين على الدولة على الحدود الشمالية والشمالية الشرقية ثم انتقل الى منطقة جيزان عام 1363ه وتولى امارتها ومكث هناك، وعندما ثارت المشاكل على الحدود السعودية اليمنية بعد الاطاحة بالامام يحيى بن احمد سيطر معاليه على الحدود بحنكة ودهاء وعين عام 68ه قائد للفدائيين السعوديين في فلسطين ثم اختاره الملك عبدالعزيز محافظا لخطوط الانابيب وقرر رحمه الله ان يتخذ مدينة عرعر مركزا للمحافظة وكانت حينذاك صحراء قاحلة وخوله الملك عبدالعزيز للتصرف بالاراضي فأسس ثلاث مدن رئيسية هي عرعر والقيصومة وطريف وساعد ذلك على توطين القبائل حتى اصبحت مدن مليئة بالحركة والنشاط والتقدم,

بعد وفاة الملك عبدالعزيز نقل الى جيزان مرة ثانية ثم اعتزل المناصب الا انه عاد وتولى قيادة الجيش بالمنطقة الجنوبية ومكث ثماني سنوات حتى انتهت حرب اليمن وعاد وقضى بقية حياته متنقلا بين الطائف ومزرعته الخفيات شمال بريدة على طريق حائل حتى داهمته ازمة قلبية حادة لازم الفراش لمدة شهر حتى توفي عام 1398ه بالرياض ودفن بالخفيات في شمال القصيم - رحمه الله - وأسكنه فسيح جناته وقد رثاه عدد كبير من الشعراء بقصائد تدمي القلوب,

اما شعره فهو يعد من ابرز الشعراء وأرفعهم منزلة وله مكانة في قلوب عشاق الشعر ومحبيه, له عدة مؤلفات منها :[/align]

[align=center]* الديوان الأول للشاعر الأمير محمد السديري. وصل إلى ثمان طبعات

* أبطال من الصحــراء

* الدمــعه الحمراء(قد عرضة كمسلسل بدوي)

* الجديد قصائد الأمير محمد السديري

* محمد بن أحمد السديري أميراً و شـاعراً [/align]


[align=center]له قصائد عديده في مختلف البحور فقد أبدع بالفخر والغزل والرثاء وفن المحاوره ، اسمحو لي

أن تكون بدايتى مع هذا العملاق بقصيدة فخر وإعتزاز : [/align]

[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="solid,6,black" type=1 line=1 align=center use=ex num="0,black"]
إن صـار زود الـمـال بيـديـن الانــذال=حـنّــا مـــن الـمـعـروف تـنــدا يـديـنـا
وان كانهم شرهوا على طيب الافعال=حـنّــا وردنــــا جـمـامـهـا وارتـويـنــا
وان فـكّـروا للـجـود يمـشـون رحّــال=حـنّــا قـبــل يـمـشـون يّـمــه خـطـيـنـا
يـا مــا لبسـنـا للـشـرف كــل سـربـال=وعـلـى البسيـطـة للفضيـلـة مشـيـنـا
فـي دوحـة العربـا لـنـا مـجـد وظــلال=وحـنّــا عـلــى در الـمـكــارم غـذيـنــا
لـو نجمـع اللـي فـات منـا مـن المـال=إن كـــان شـيـدنـا الـقـصـور وبـنـيـنـا
نعـطـي ولا نـتـبـع عـطـانـا بـالاقــوال=ونـبـذل ونـسـكـت كـنـنـا مـــا عطـيـنـا
وان باعـوا الشيـمـة بديـنـار وريــال=حــنــا دخـلـنــا سـوقـهــا واشـتـريـنـا
نطلع لها لو هي علـى روس الاقـذال=لــو هــو عسـيـر ٍ دربـهـا مــا انثنيـنـا
بافـعـالـنـا نــرســم دروب ٍ لـلاجـيــال=إلـــي نـسـاهـا غـيـرنـا مــــا نـسـيـنـا
أســـود ســـادات ٍ تـسـجـل لـلاشـبـال=فـضـايــل ٍ شـمـنــا لــهــا واهـتـديـنــا
بـيـض ٍ نسجلـهـن جـديـدات وسـمـال=حــفــايــظ ٍ لاحــفــادنــا الـلاحـقـيــنــا
نصبـر علـى الشّـدات لـو شيلنـا مـال=لـــو ســـال دم دفـوفـنـا مـــا شـكـيـنـا
نـخــاف يـلـقـى ســدنــا كــــل خــتّــال=ويـبـنـي هـزيــلات المـعـانـي علـيـنـا
اللـيـل يــا خـالـد عـلـى والــدك طـــال=وهـنّـيــت نــــاس ٍ بـالـكــرا نايـمـيـنـا
يـا عـز راسـي شفـت مـا خبـث البـال=شــــي ٍ يــهــوّل شــيّــب الجـاهـلـيـنـا
شـي ٍ مـن اسبـابـه يشـيـب بالاطـفـال=فـطّـر خـشـوم مهـجـرعـات الحنـيـنـا
أديـــر قـــالات ٍ عـريـضـات وطـــوال=قـــــالات خــلـــنّ الـمـخـفــىّ يـبـيـنــا
منهـن رزيـن العـقـل بالـوقـت يهـتـال=بـوقــت ٍ عـبــوس ٍ فـطّــن الغافـلـيـنـا
وقـت ٍ مـن اسبابـه شكـى كـل ريـبـال=نـصـبــر ونـسـكــت كـنـنــا غـايـبـيـنـا
الــنــاس بــالأيــام راحــــل ونّـــــزال=وتفجـعـهـم الـدنـيــا وهــــم دالـهـيـنـا
وحـيــات رب ٍ نـــزل آيـــات الانــفــال=عــالـــم خـفــايــا نــيـــة الـحـاقـديـنـا
ما اترك طريق العدل في كل الاحـوال=لــــو يــرحــل الـمـريــخ للـفـرقـديـنـا [/poem]


[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ابو زيد ياليت الدهر ما غدى به=ياليت نفسه توهبت هبوبها
رحل عن الدنيا وذكراه باقية=وسط المجالس معجزاته حكوا بها
ابو زيد نطاح الامور الصعايب=لولا الشهود الناس ما صدقوا بها
الله من ناس تذكر محمد=إليا ابتلتهم مشكلة وابتلوا بها [/poem]


[align=center]نعم كان رحمه الله من المشهود لهم بمكارم الاخلاق فهو كريم سخي اليد يعطي ويساعد المحتاجين بلا حدود وكانت مجالسه دائما عامرة بالضيوف من جميع انحاء المملكة والخليج بل والدول العربية من ادباء وشعراء كما انه كان يتمتع بسعة الصدر وحب الناس ولا يمل من يجالسه من احاديثه الشيقة والممتعة وقد عرف عنه شجاعة نادرة وإقدام على الصعاب والحروب وكان ذكيا حاضر البديهة ملما بأحوال العرب واشعارهم وأدبهم وحروبهم ومواقفهم عالما بالانساب قوي الفراسة ومهما تحدثنا عنه لن نوفيه حقه ولكن دعونا نبحر مع قصائده الرائعة وشعره القوي العذب له عدد من القصائد يفاخر بها ويحق له الفخر منها قوله
[/align]


[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="solid,6,black" type=1 line=1 align=center use=ex num="0,black"]
الله من هم بروحي سهجها=بخا في ضميري في كنين الحشا لاج
احر من نار قوقد وهجها=منها خطر روحي على سلك ديباج
وعين عسى المولى يعجل فرجها=يفوح ناظرها كما عين هداج
استرسلت للدمع مسمار هجها=غيظ يكظ عبارها مثل الامواج
كم واحد له غاية ماهرجها=يكنها لو هو للادنين محتاج
يخاف من عوجا طوال عوجها=هرجت قفا يركض بها كل هراج
يقضب عليك المخطية من حججها=حلو نباه وقلبه ابيض من الصاج
الله خلق دنيا وساع فججها=وعن ما يريب القلب لك كم منهاج
والرجل وان شطت لياليك سجها=عسى تواليها بتشر بالافراج [/poem]

[align=center]
اما قصيدته الثانية التي لاقت شهرة واسعة وصدى طيبا والتي تغنى بها اخيرا فنان العرب محمد عبده وأداها بلحن جميل واثبت ان الشعر الشعبي متى ما وجد من يخدمه بالشكل اللائق فانه ينجح نجاحا باهرا وان له عشاقه ومتذوقوه الذين يطربون له ويفهمونه ويتفاعلون معه,, القصيدة التي معانيها جزلة وتصويرها بديع وهي مترابطة وسلسة وبها من الحكم ما لا يقوله الا حكيم مجرب اذ يقول شاعرنا[/align]

[poem=font="Simplified Arabic,5,firebrick,bold,normal" bkcolor="transparent" bkimage="backgrounds/19.gif" border="double,7,firebrick" type=1 line=1 align=center use=ex num="0,black"]
يقول من عدا على راس عالي=رجم طويل يدهله كل قرناس
في راس مرجوم عسير المنالي=تلعب به الارياح مع كل نسناس
في مهمة قفر من الناس خالي=يشتاق له من حس بالقلب هوجاس
قعدت في راسه وحيد لحالي=براس الطويل ملابقه تقل حراس
متذكر في مرقبي وش غدالي=وضعقت بالكفين ياس على ياس
اخذت اعد ايامها والليالي=دنيا تقلب ما عرفنا لها قياس
كم فرقت ما بين غالي وغالي=لوشفت منها ربح ترجع للافلاس
يقطعك دنيا ما لها اول وتالي=لو اضحكت للغبن تقرع بالاجراس
المستريح اللي من العقل خالي=ما هو بلجات الهواجيس عطاس
ماهوب مثلي مشكلاته جلالي=ازريت اسجلهن بحبر وقرطاس
حملي ثقيل وشايلة باحتمالي=واصبر على مر الليالي والليالي والاتعاس
وارسي كما ترسي رواس الجبالي=ولا يشتكي ضلع عليه القدم داس
يابجاد شب النار وادن الدلالي=واحمس لنا يابجاد ما يقعد الراس
ودقه بنجر ياظريف العيالي=يجذب لنا ربع على اكوار جلاس
وزله الى منه رقد كل سالي=وخله يفوح وقنن الهيل بقياس
وصبه ومده ياكريم السبالي=يبعد همومي يوم اشمه بالانفاس
فنجال يغدي ما تصور ببالي=وروابع تضرب بها اخماس واسداس
لاخاب ظني بالرفيق الموالي=مالي مشاريه على نايد الناس
لعل قصر ما يجيله ظلالي=ينهد من عال مبانيه للساس
لاصار ما هو مدهل للرجالي=وملجا لمن هو يشكي الضيم والباس
بحسناك يامنشي حقوق الخيالي=ياخالق اجناس ويامغني اجناس
تجعل مقره دارس العهد بالي=صحصاح دوِّ دارس مابه اوناس
البوم في تالي هدامه يلالي=جزاك ياقصر الخنا وكر الادناس
متى تربع دارنا والمغالي=وتخضر فياض عقب ما هيب يباس
نشوف فيها الديدحان متوالي=مثل الرعاف بخصر مدقوق الالعاس
ونثير على البيدا سوات الزوالي=يشرق حماره شرقة الصبغ بالكاس
وتكبر دفوف معبسات الشمارلي=ويبني عليهن الشحم مثل الاطعاس[/poem]

[align=center]قصيده نادره للشاعر الكبير المرحوم محمد الأحمد السديري
كتبت هذه القصيده سنه 1377 للهجره ..

[/align]


[poem=font="Simplified Arabic,5,white,bold,normal" bkcolor="transparent" bkimage="backgrounds/32.gif" border="solid,6,black" type=1 line=1 align=center use=ex num="0,black"]
سلمى تقول ان المـوده غرابيـل=وانا على سلمى عليـل الضمايـر
سلمى تقول الحب ويلٍ بثـر ويـل=وانا حشاي بجايـر الحـب فايـر
وسلمى لها بقصى الضماير مداهيل=وعندي لسلمى بالمـوده سرايـر
اسأل عليها كل مـا يقبـل الليـل=والصبح اوصي يمها كـل طايـر
الحب في قلبي صبغ صبغة النيـل=بين المحاني صايب الحـب جايـر
وياما توجَّـد والضمايـر مغاليـل=وياما على سلمى عطيت البشايـر
طفلٍ سلب عقلي بسـودٍ مضاليـل=منها قلوب اهـل المـوده عثايـر
ورموش سودٍ ما تكحل من الميـل=سـواه خـلاق البحـر والجزايـر
دارٍ لسلمى ما تجيهـا المراسيـل=دارٍ لقلبـي فـي حماهـا ذخايـر
ارسل لها من ناحـلات المراميـل=مـا يصلنـه ناقـلات المجـايـر
اطلب لها من رايح المزن بالسيـل=منـه الزبيـدي نابـتٍ بالمحايـر
[/poem]


[align=center]
قصيدة قل لي هلا
[/align]


[poem=font="Simplified Arabic,5,crimson,bold,normal" bkcolor="transparent" bkimage="backgrounds/11.gif" border="double,8,crimson" type=1 line=1 align=center use=ex num="0,black"]
قل لي هلا وآقول صبحك بالخيـر =وقل مرحبا واقول يا روح روحـي
يابو ثمـان ٍ بالمبيسـم مغاتيـر =أغليك وانت اللي تسبب جروحـي
جاوبت من فرقاك خلج ٍ على ضير= وناديت باسمك والمخاليق توحـي
حيثك هواي من البنـي الغناديـر =وليا عذلني واحد ٍ قلت ما اوحـي
أغليك ما طاوعت عذال ومشيـر =وحيات من مشى السفينة بنوحـي
قلبي على لاماك يكفخ كما الطيـر= ما عادلت روعات قلبي فروحـي
ورجلي تزيد المشي يمك بتصخير= ولا تعدت يـم غيـرك شبوحـي
وهموم قلبي منك ورد ومصاديـر =كّـن عبراتـي ودمعـي يفوحـي
وش جابني لولا ان هذي مقاديـر =الا انها كتبـت بلوحـك ولوحـي
[/poem]



[align=center]
قصيدة سيل ٍ حدر

[/align]



[poem=font="Simplified Arabic,5,crimson,bold,normal" bkcolor="transparent" bkimage="backgrounds/40.gif" border="double,7,darkred" type=1 line=1 align=center use=ex num="0,black"]
شى بقلبى يا مـلا حايـرن فيـة=شىء تحير ابة العقـول الفهامـى
مخفيـة بفـوادى ولا ودى ابديـة=وادور الخيـرات شرقـن وشامـى
احترت بة ما شفت شـى يحاليـة=واليوم ابنشد عنـة مانـى بكامـى
سيل حدر مع وادى غيـر واديـة=مـدرى حـلال مـاة والا حرامـى
كانة حلال جايزن شـرب صافيـة=وش حللة يا مفسريـن الحلامـى
هاتوا تفاصيلـة وهاتـوا معانيـة=نبى الدليل اللـى عليـة الكلامـى
نبى دليلن يفهـم الـدرب ماشيـة=يمشى بة التايـة بليـل الظلامـى
يمشى بة التاية ويقـدى مواطيـة=ويشرب قراح الما لياصار ضامـى
لا شك هجسى يوم خـلا مماشيـة=انـة حـرام ومنـة زود الاثامـى
احرم من الزقـوم مـرة وحاليـة=وشربة على الضامى يزيد الهيامـى
اللة مـن قلـب همومـة تقزيـة=تدك بـة مثـل الجـراد التهامـى
من ما جرى قامت تتلة مشاحيـة=تل الرشا من فوق هدف المقامـى
روابـع قامـت تصيبـة وتخطيـة=شاف الهوايل واختـلاف الاسامـى
ما يسمع الداعى اليا قـام يدعيـة=يعوم فى بحر مـن الهـم طامـى
ما ينتبـة للـى بصوتـة يناديـة=يزيـد همـة يـوم كلـن ينامـى
يشوف وقتن مـا عرفنـا تواليـة=وقت يشّيب منـة ابـن الفطامـى
هـذا زمانـن كاثـرات بـلاويـة=الغيم يقلـب فيـة عـج وكتامـى
يا بعد شرب الما على كبد راجيـة=ما سيل الغبرا زعـوج الجهامـى
انبيك يا من كلمة الحـق ترضيـة=اعطيك ما ينفعـك وافهـم كلامـى
قصـرن يذلـك لا تقابـل مبانيـة=خلة عسى شامخ طويلـة هدامـى
خلة عسى ما صاب اغادير يفنيـة=يودع منازلـة الطويلـة رجامـى
لوزان مدخالـة وطالـت حواميـة=شيّد على الخيبـة قليـل الرحابـى
وحـى يوريـك المذلـة وتغليـة=أنا أشهد أنك ميت القلـب عامـى
مـن لا يـودك لا تـودة وترجيـة=ارفع مقامك يـا عزيـز المقامـى
ارفع مقامك عن عـدوك وتوذيـة=ويلحقك من تركت رفيقك ملامـى
حق الرفيـق وواجبـة لا تخليـة=يلزمك مثـل الوالديـن الحشامـى
اختر عزيز الجار والحـق يعطيـة=شبل على هرجن يقولـة يحامـى
ما دك بة عرج المذلـة وطاريـة=يسبق على فعل الفضيلة شمامـى
ومن قارب الاجرب بالامراض يعدية=عدواة تسطى باللحـم والعظامـى
درب السلامـة بيناتـن مماشيـة=ودرب العطب يرث عليك اللكامـى
ابعد وقلبك نـازح البعـد يشفيـة=وتلقى عن الدار البغيضـة مقامـى
دارن بدار وداعـى الـذل عاصيـة=ولا تقبل الذلـة نفـوس الكرامـى
الـذل مـوت حايمـات ضواميـة=ادخل على منزل فروض الصيامـى
عن مقعد بالـذل عينـك تراعيـة=الموت عند الذل امـان وسلامـى
يرضى المذلة من تـردت هقاويـة=والذل يجفل منة قلـب العصامـى
والعبد لة رب عن النـاس يغنيـة =ولولاة ما صاب الهدف كل رامـى
[/poem]


[align=center]ومن القصائد المتبادلة بينه وبين عدد كبير من الشعراء البارزين الذين لا يتسع المجال لذكرهم جميعا منهم سمو الامير سعود بن محمد وسمو الامير عبدالله بن محمد بن عبدالرحمن واصحاب السمو الملكي عبدالله الفيصل وخالد الفيصل والامير عبدالرحمن السديري والشعراء زبن بن عمير وناصر الفايز وعبدالله السلوم وعمير بن زبن وراشد بن جعيثن ومرشد البذال وسلطان بن بدر وفيحان بن عقيل وناصر بن بليهيد ورشيد الزلامي وقد اخترنا لكم ابياتا بينه وبين الامير خالد الفيصل اذ يقول سموه[/align]


[poem=font="Simplified Arabic,5,darkred,bold,normal" bkcolor="transparent" bkimage="backgrounds/43.gif" border="double,7,darkred" type=1 line=1 align=center use=ex num="0,black"]
ياقلبي اللي من هوى البيض معتاذ=واليوم اشوف الوجد والشوق بذه
حسبي على اللي للمواصيل جذاذ=حبل الوصل من بيننا البعد جذه
يسقي منازل لين العود رذاذ=يلقى بها ظبي الطعاميس لذه
الصاحب اللي عن هوى القلب مالاذ=لاقلت دوك القلب يازين غذّه
ولانيب من هرجه كثير وهذاذّ=ماشاف في ليله نهاره يهذّه
عساك تأتي لي يابو زيد نفاذ=قلب تحذى الشور ياخوك حذه [/poem]


[align=center]وقد اجابه شاعرنا الامير محمد السديري - رحمه الله - رغم صعوبة القافية الا عليه فانها لا تصعب مهما كانت فقال :[/align]


[poem=font="Simplified Arabic,5,darkred,bold,normal" bkcolor="transparent" bkimage="backgrounds/43.gif" border="double,7,darkred" type=1 line=1 align=center use=ex num="0,black"]
أسهر طوال الليل واغضي على الحاذ=وعن الصديق القلب ما فيه شذه
شكواك خلت بسرة القلب تخاذ=ولا عاد في قلبي من الصبر فذّه
اللي يا بو بندر جعل قلبك افلاذ=مشربك ياممدوح الأفعال عذّه
طفل سهم عينه بالاعماق نفاذ=والحق عليك بقذة عقب قذّه
ان كان مالك فيه مدخل ومنفاذ=له الشبك في مدهل الصيد بذّه
وإليا دخل وسط الشبك يابن الافذاذ=غوجك لساعات المهمات حذّه[/poem]


[align=center]
أما المساجلة الاخرى فهي بينه وبين صديقه الخاص الشاعر زبن بن عمير العتيبي - رحمهما الله - اذ قال شاعرنا محمد السديري[/align]

[poem=font="Simplified Arabic,5,gray,bold,normal" bkcolor="transparent" bkimage="backgrounds/15.gif" border="double,7,silver" type=1 line=1 align=center use=ex num="0,black"]

يازبن ودعناك في يوم الاثنين=لعلها لك ياخو صنعا مسافير
بجيرة الله ياعشير الغلامين=يامقفي عنا ذكرناك بالخير
نغليك يوم إنك بعيد عن الشين=وريف لضيفك في ليال المعاسير
يوم تغيبه عندنا قدر عامين=ويوم نشوفك فيه عز وتباشير
هذا الفراق اللي نظرناه بالعين=وعز الله انك ناوي بالمحادير
يازبن يالبراق بالله الى وين=واسلم ورد العلم يازبن العمير [/poem]


[align=center]فأجابه زبن بن عمير على الابيات الماضية قائلا[/align]


[poem=font="Simplified Arabic,5,gray,bold,normal" bkcolor="transparent" bkimage="backgrounds/15.gif" border="double,7,silver" type=1 line=1 align=center use=ex num="0,black"]
وانا بعد ودعتك الله بتسعين=وداعة من حفظ والي المقادير
ياباذل الحسنى على المستحقين=ونطاح بالضيقات وجه المناعير
ياللي بدرب الطيب جالك براهين=ولبست بالبيضا ثياب مشاهير
يبون دربك ناس واجد وعجزين=يجي لهم من دون دربك عواثير
ولا يختفي فعل به الناس دارين=لين انها تمحى الجبال المزابير
من يوم عنك اقفيت والقلب والعين=عندك,, وفي جسمي تشب السواعير [/poem]


[align=center]وله ابيات تظهر لنا حكمته وعقله وسعة علمه واطلاعه وايمانه بالله عز وجل فيقول عن المعجزات الثلاث[/align]


[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="solid,5,green" type=1 line=1 align=center use=ex num="0,black"]

لولا الهرم والفقر والثالث الموت=يالا دمي بالكون ياعظم شانك
سخرت ذرات الهوى تنقل الصوت=وخليتها اطوع من تحرك بنانك
جماد تكلمها وهي وسط تابوت=تاخذ وتعطي ماصدر من بيانك
وعزمت من فوق القمر تبني بيوت=من يقهرك لو هو طويل زمانك
لولا الثلاث وشان من قدر القوت=نفذت كل اللي يقوله لسانك[/poem]



[align=center]وأيضاً هنا تتجلى الحكمه بها ،، قصيده زاخره بالحكم والنصح يقول فيها :[/align]




[poem=font="Simplified Arabic,5,white,bold,normal" bkcolor="transparent" bkimage="backgrounds/10.gif" border="solid,5,green" type=1 line=1 align=center use=ex num="0,black"]
انبيك يا من سلت عن بعض الأحوال=أنشد وأنا لـك حاضرالفكـر ومجيـب
إن كـان تبـي الرشـد يـا طيـب الفـال=ازبـن علـى رزاق عكـف المخاليـب
ازبن على اللي في يـده علـم الآجـال=عـلام مـا بالـكـون مــذر المعاطـيـب
الـواحـد الـلــي للصعـيـبـات حـــلال=منقـذ مـداريـك ومـبـري مصـاويـب
اخـلـص لـعـلام السـرائـر بـالأفـعـال=وناجـه اليـا صكـت عليـك اللوالـيـب
ادعـه يفـرج لـك ليـا صـكـت الـجـال=حلال عسرات الأمـوار المصاعيـب
اللي دعاه أيـوب مـن ضيـم الأهـوال=وأنجاه مـن حـال تزايـد بهـا الشيـب
النـاس فـي دنـيـاك كــل لــه أعـمـال=أتبع طريق العدل وأبعـد عـن الغيـب
درب النقـاء بيـن ولـك فيـه مـدخـال=ومن بـاق مالـه عنـد ربـه مقاضيـب
وليـا رضـا حـلال عسـرات الأقـفـال=لا تلتـفـت للخـلـق لـوهـم مغاضـيـب
لا تلتـفـت للـخـلـق راحـــل ونـــزال=مـالــك عـلــى ذريـــة آدم مطـالـيـب
ورفيقـك المأمـون حطـه علـى البـال=وأذره اليـا جــن الليـالـي شلاهـيـب
أجـعـل بقلـبـك لــه مـحـل ومـدهــال=تلقـاه ذخــر بمعـضـلات المواجـيـب
عـديـل روحــك لا تـدوربــه إبـــدال=عونـك ليـا صكـوا عليـك المغالـيـب
مـا هـوب مـن شيـل العظايـم بـمـلال=يصبر كما تصبر على شيلهـا النيـب
مفـراص مــاص للصعيـبـات حــلال=صميـل قيـض وماضيـاً لـه تجاريـب
وأحذر ترى بالناس مبغـض وختـال=مالـه مراجـل كـود شـذب العراقـيـب
عن مذهبه خلك علـى راس مـا طـال=وخلـه عـلـى فـالـه يـشـم المغـاريـب
البـوم يسكـن بالخـرايـب والأطــلال=والحـر مسكانـه بــروس المراقـيـب
طيـر السعـد مـن كـفـه الــدم شــلال=بالمخلب الساطي عطيب المضاريب
ولا يـغــرك بـالـرخـم كـبــر الازوال=وكبرالنسورالمهـدفـات المـحـاديـب[/poem]




[align=center]**ختام..اشكركم...على قراءة...هذة النبذه...

لكم مني أرق التحايا و أعذبها ..

أخوكم // مـحـمـد أبـن عـقـوب [/align]

محمد ابن عقووووب

الله يرحم الامير الشاعر محمد الاحمد السديري

والله تخونني الكليمات والتعبير ولو اكتب من هنا الى ماله حد

لن اوفي ذاك الرجل حقه ممايتمتع به من الكرم والشجاعه وطيب السمعه

الله يرحمه رحة واسعه يارب كل ماكتبت اجدت به لانه يستحق كل الاطراء والاشاده لاهنت اخوووي الغالي الف شكر تقبل تحياتي برق الوسم




وان باعوا الشيمة بدينـار وريـال
حنـا دخلنـا سوقهـا واشتريـنـا
نطلع لها لو هي على روس الاقذال
لو هو عسير ٍ دربهـا مـا انثنينـا


الله رحمك الله يالسديري
برق

محمد ياخي عيني عليك بارده

ياخي انت ذووووووووووووووووووووووووووووووووووووووووووووووووو وووووووووووووووووووووق


ورب البيت انك ذوق هذا القصيد ولا بلا مع احترامي للبقيه


اشكرك من كل قلبي ولاهنت والله بس بستاذن منك ممكن اسرق الموضوع

هههههههههههههه

[align=center]أخي العزيز برق الوسم

شاكر لك مرورك الكريم .. ولا هنت يالغالي ...

و السديري رحمه الله .. فاق جميع الأوصاف ...

وما علينا إلا تجديد ذكراهـ ،، والأخذ بنصائحه و حكمه ...


لك أرق التحايا و أعذبها

دمت بخير و عافيه [/align]

[align=center]أخي العزيز بــنــدر

تسلم يالغالي على الإطرائ الجميل .. وهو شهاده أعتز بها ...

شاكر لك مرورك الكريم .. ولا هنت يالغالي ...


و الموضوع أنت تامر عليه أمر .,. وهو تحت تصرفك ...


لك أرق التحايا و أعذبها

دمت بخير و عافيه [/align]

السلام عليكم ورحمة الله وبركاته

مشكور اخي محمد على هل تعرفة الرائعة للشاعر والامير محمد الاحمد السديري رحمه الله وتسليط الضوء لنا على خصاله الطيبة وافعاله التي لن تمحوها تغيرات الزمن وسوف تتحدث عنها الاجيل جيل بعد جيل

وان فكّروا للجود يمشـون رحّـال
حنّا قبـل يمشـون يّمـه خطينـا

نعطي ولا نتبـع عطانـا بالاقـوال
ونبذل ونسكـت كننـا مـا عطينـا

بافعالنـا نرسـم دروب ٍ للاجيـال
إلـي نساهـا غيرنـا مـا نسينـا

وقت ٍ من اسبابه شكى كل ريبـال
نصبـر ونسكـت كننـا غايبيـنـا

ما اترك طريق العدل في كل الاحوال
لـو يرحـل المريـخ للفرقديـنـا


الله مـن هـم بروحـي سهجـهـا
بخا في ضميري في كنين الحشا لاج

استرسلت للدمـع مسمـار هجهـا
غيظ يكظ عبارهـا مثـل الامـواج

الله خلـق دنيـا وسـاع فججهـا
وعن ما يريب القلب لك كم منهـاج

والرجل وان شطت لياليـك سجهـا
عسـى تواليهـا بتشـر بالافـراج


قل لي هلا وآقول صبحك بالخيـر
وقل مرحبا واقول يا روح روحي

يابو ثمـان ٍ بالمبيسـم مغاتيـر
أغليك وانت اللي تسبب جروحـي

أغليك ما طاوعت عذال ومشيـر
وحيات من مشى السفينة بنوحـي

ورجلي تزيد المشي يمك بتصخير
ولا تعدت يـم غيـرك شبوحـي

وش جابني لولا ان هذي مقاديـر
الا انها كتبـت بلوحـك ولوحـي

سلمت يمناك اخي محمد على ابداعك وعطائك المستمر من اجل ان نتعرف
على اجدادنا العرب رحمهم الله

اختك رهوفه

[align=center]أختي الغاليه // رهوووووفه

ياهلا و مليييون مرحبااا فيك

نورتي متصفحي بمرورك العذب ...

أسعدني تواجدك حقيقةً .. و تعليقك المميز ..



لكِ أرق التحايا و أعذبها

دمتي بخير [/align]

[align=center]الأعضاء الذين قرأو الموضوع :- 6
&&&البــــــــــرازي&&&, محمد أبن عقوب, برق الوسم, بندر*, رهوفه, إدارة المنـتدى




===== &&&البــــــــــرازي&&& == بندر* =====

شاكر لكم قراءة الموضوع وانتظر تواجدكم الفعلي ...


لكم أرق التحايا [/align]

يعـــــــــــــــطيك العـــــــــــافيـــة أخــــــوي محمـــــد ,...

وبــــــــصراحــــــــة أخـــــــــتيارك لهــذا الموضوع يخليني أقولك تعــــال سلم ..<<<< :thumbs_up: ثقيل والهووواء ضدي


مره ثانيه يعطيك العافية وتعجبني حركتك في المنتدى ...


تقبل تحياتي // مـــــــــــن .. لي الفـــــــــــخر

[align=center]ياهلا و غلا مليووون مرحبا

بأخي العزيز :rose: لـي الـفـخـر :rose:

شاكر لك مرورك العذب و أنا حقيقةً لي الفخر بتشريفك لمتصفحي

و الشيء اللي يعجبك و أشدته فيه هو مرادي بهذا النقل ...

وهالنقل للي مثلك وشرواك ...


تقبل تحياتي و تقديري لشخصك الكريم

دمت بخير وعافيه [/align]

محمد بن عقوب
مجهودك رائع ومنقولك منقطع النظير
والشاعر محمد السديري اشهر من نار على علم
تسلم ع الموضوع الجميل
مبدع كعادتك

تقبل مروري

تحياتي لك

[align=center]ياهلا و مليووووووووووون مرحبااااااااااااا

بــ :rose: فجووووورهـ :rose:

نورتي الموضوع بتواجدك العذب ..

أسعدني تواجدك وإطرائك الجميل وإشادتك الطيبه


شاكر لك على تواجدك المميز




لكِ أرق التحايا وأعذبها

دمتي بخير و عافيه[/align]