ثلاث سنين انا اخطط لهذا اليوم!!

[poem=font="Simplified Arabic,6,crimson,normal,normal" bkcolor="transparent" bkimage="backgrounds/42.gif" border="ridge,4,gray" type=2 line=0 align=center use=ex num="0,black"]
ثلاث سنين وانا اخطط لهذا اليوم يابوسعود=تيسر حالي وجاهز أوفي وعدي بوقته
وفجأه جتني تتعذر تقول تأخرت الوعوود=وانا مستغرب واسمع كنه وعدها خنته
حسبت انها تمازحني وتتصنع جفا وصدود =ضحكت بوجهها من قلب معنها بايخه النكته
وقالت ارضــى بالواقع قلبي ماهو المعهود=تغير كل شئ صوبك نصيبي ما اظن انته
كنت بيوم محبوبي ولكن ما اظن نعود=وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود=رى ما خنتك بغفله ولا كلمته وشفته
صراحه اهلي قالو لي بإنه ولد اصل وجود =وجتني امه بالصوره وكلمات المدح اخته
سكت وقلت هي فرصه ما دام الجود فالموجود=وقالوا كل من حولي علامات الرضا سكته
وانا فكرت دام امه واخته ما عليهم زود=اكيد اني براضيهم اذا وافقت واخترته
واراضى اهلي واخواني مدام انه الفرح مقصود=عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود=اوافق وعتذر باجر واقول الراي غيرته
تبي تشرحلي المنقووود تصدق عاد يابو سعود=تبيني اقتنع وارضى بحالٍ عمري ما عشته
انا ماني بقايلها عسى يفرش ثراها ورود =بعد ما حطمت قلبي وطعم الموت جربته
عسى بفستانها اشواك وفي ثوبه عقارب سوود=ونارٍ تحرق الكوشه وتحرق بيتهم حته
وموت بليله الدخله يبرد حرتي ياكود=ولا احس انها بحضنه يلامس خد لامسته
علي اهون اذا ماتوا ولا بنفس السرير ارقوود=رى صعب علي اتخيل اللي ما تخيلته
عسى قاع الثرى يقسى ويتحول صخر جمرود=حفار القبريرفض يسوى فوق مقدرته
ترى دفنت عديم الذات تلوع حتى جبد الدود=ومن خان العهود ومات تعاف حتى مقبرته
عسى ربي يجازيهم بحبل من مسد ممدود=يعلقهم من اطرافه وفوقه نار وتحته
انا ماني حقود وشين ولاني من نسل نمرود=ومن حط نفسه بوضعي بيقول اللي انا قلته
مدام الفعل له ردت فعل والله ابشري بردود =بدعي دامني حي وبغرس لدعا نبته
وبسقيها نزيف القلب ودمع ما رحم الخدود=وتكبر والثمر ثاري من اللي خانني وصنته
انا نذر علي اكتب وافجر هالقصيد ارعوود=وسمع كل بشر صوتي عجبته ولا زعلته
واردد للي يسمعني اذا حبيت حط حدود=انا حبيت دون حدود وشوف الللي تكبدته
ثلاث سنين انا ابني وجت صوره بكل برود =خذت مني شقى عمري وحلمٍ قلت حققته
ثلاث سنين انااخطط لهذا اليوم يابو سعود =وتوافق من كلام اخته وصوره اربعه بسته[/poem]

"للشاعرفهد معتوق

انا ماني بقايلها عسـى يفـرش ثراهـا ورود
بعد ما حطمت قلبي وطعـم المـوت جربتـه
عسى بفستانها اشواك وفي ثوبه عقارب سوود
ونارٍ تحرق الكوشـه وتحـرق بيتهـم حتـه


الله عليك ياتراتيل الصحراء يسلم يمينك على النقل

واختيار راقي يدل على ذوقك الرفيع وصح لسان الشاعر

فهد معتووووق كل الشكر لاختيارك الجميل يسلمو يارب دمتي


بكل الخير والمسراات//////// تحياتي برق الوســــــم

الله يسلمك اخي برق الوسم
ومشكور على مرورك الذي نثر عبق الفل والياسمين على متصفحي
وانار اركانه..
وفعلا يشرفني مرورك الكريم اخي
تقبل تقديري
ودمت بحفظ الله..

[align=center]تراتيل الصحراء

ألف شكر لتواصلك الرائع و المتجدد دائماً

قصيدته محزنه جداً تجعل بالقلب حرقـّه ،،،



تقبلي تحياااااااتي ...[/align]

اقتباس:

---

المشاركة الأصلية كتبت بواسطة محمد ابن عقوب

[align=center]تراتيل الصحراء

ألف شكر لتواصلك الرائع و المتجدد دائماً

قصيدته محزنه جداً تجعل بالقلب حرقـّه ،،،



تقبلي تحياااااااتي ...[/align]

---

اخي محمد وجودك بمتصفحي وسام شرف افتخر به
والشكر لشخصك الكريم على مرورك
الذي اضاء متصفحي ونثر شذى الرياحين عليه..
تقبل تقديري وتحترامي..

تراتيل الصحراء

ألف شكر لتواصلك الرائع

تراتيل والله فقدناك وفقدنا مشاركاتك ومشكور على النقل