قصيدة لافي بن حمود الغيداني
[poem=font="Simplified Arabic,6,white,normal,normal" bkcolor="transparent" bkimage="backgrounds/50.gif" border="inset,4,sandybrown" type=2 line=0 align=center use=ex num="0,black"]
يامكثرين الهرج لااسمـع ولااجيـب =تريحوا من فضلكـم واسمحـوا لـي
تريحـوا لاتلحـقـون المشاهـيـب =على الردى مانـي شفـوق عجولـي
بالعقل والصبر ادب النفـس تاديـب=والا لهـا مـده تصـول وتجـولـي
خلج ترازم فـي سيـاج المحاديـب =مافيهـن اللـي بالعقـال معقـولـي
اشد وطية زور مـن شمـخ النيـب=اليا ضاع مفعو ل الحيـل والحلولـي
انـا لاقلـت ارتـب القـول ترتيـب=حتى يجـي كـي علـى فـك قولـي
اليا ارسلت لافكار القريحـه مناديـب=ترايعن مـن عقـب ماهـن جفولـي
لكن مالـي مـن وراهـا مكاسيـب =لو كان عشاق القشـر صفقـوا لـي
مامستفيـد الا العـدو والاجانـيـب=ولانـي مطيـع مقرقعيـن الطبولـي
خليتهـا تعطـي فجـوج مجاديـب =جربا تجـود فـي رسنهـا مهبولـي
والله لااجنـب دام لـي درب تجنيـب =من شرهة حشام الرفاقـه خجولـي
لـو انهـا بيـن النحـر والتلابيـب =من الحيا وجهـي مهـوب مغسولـي
طبـع لنـا نشـب عليـه ونشيـب =وطبيـعـةٍ لعـلـهـا مـاتـزولـي
على الجماعه للجماعـه مواجيـب =الا جهلـوا قـدر الرفيـق الهتولـي
ماني على ربعي قريـب محاضيـب=ادنـاة مايخلينـي اسـرج خيـولـي
ان جات من طيب شقاها على الطيب =لو انها اعوج مـن رقبـة الذلولـي
وان جات من مسكين منطق واساليب=حطيتهـا بيـن الثـرى والنعـولـي
لاحركـت شعـره ولاطلعـت شيـب =ولاضيقت صـدري ولاطـق جولـي
وان كان في صبري على ميلهم عيب= العيب تفتيـش الصـرر والحثولـي
لاقمت تذكر فـي رفيقـك عذاريـب =وتبيـن عيوبـه لذولـي وذولــي
صبرك على ربعك عـلاج وتطابيـب =يقصـر حبـال السالفـه لاتطـولـي
حتى مايلقا فـي طرفهـا مقاضيـب =كـراه خيـر وللمشاكـل ميـولـي
واليا بليـت بتايـه شـره وصعيـب=يقول انا العـراف وانـت الجهولـي
قـل الله الله ياحصـان الاطالـيـب =يالفاهـم العالـم عطيـب الفعولـي
هذا الكلام اللي مافي صحتـه ريـب=لانيـب لاحولـك ولانتـاب حـولـي
حصان وبن حصان طيـب مجاذيـب=وبالمعرفـه رجـل محلـي ودولـي
خله يروح يخطي الـدرب ويصيـب=يقول مابالنـاس عرضـي وطولـي
والفرق ماهو باللحـى والاشانيـب =الفرق بين النـاس فـرق العقولـي
كم واحد تحسن بـه الظـن ويخيـب =السـن يضحـك والفـواد معلولـي
واللي غدت به كلمة مالهـا غيـب =ماهو من اطيب ربعي اللي غدولي
يالله عساها صيحة فـي قفـا ذيـب =وقلـع النيـا بينـي وبينـه يحولـي
الرجل مايغصب على الطيب تغصيـب=اليا صار ماهو دل ضمـن الدلولـي
ومن عادة اللي طيبه يحضر ويغيـب=لاطالـت الرفقـة زهـوق ملـولـي
واليا بلنـك غبـر الايـام بصحيـب =في مستوى طيبـه صعـود ونزولـي
اعرف ترى الدنيا دروس وتجاريـب=والكامـل الله والنـقـا للرسـولـي
لاتصير مشـذاب يقـص العراقيـب =خلـه وراع الاولــه وش يقـولـي
اخذت حكمه مـن كـلام اللواعيـب =للطيـب نـاس وللعـذارى فحولـي[/poem]
الشاعر لافي حمود الغيداني
رد: قصيدة لافي بن حمود الغيداني
اخوووي الصارم
منور قسم الشعر العام
مشكور على حسن الاختيار والنقل الرائع
دمت بكل الخير والمسرااات تحيااتي برق الوســـــــم
رد: قصيدة لافي بن حمود الغيداني
اخوي برق الوسم مشكو ر على الرد
ولا هنت طااااااااااااااااااااال عمرك
تقبلو فائق احترامي
رد: قصيدة لافي بن حمود الغيداني
صح لسانك ولسان القائل
الف شكر ع النقل الجميل
تقبل تحياتي
رد: قصيدة لافي بن حمود الغيداني
صح السااااااااانك اخوي الصااارم والسااان شااعرهااا ,,,
اختيااار موفق ,,,
تقبل خالص تحياااتي ,,,
رد: قصيدة لافي بن حمود الغيداني
فجر ااااااااالف شكر على مروووووووورك وعلى الررررررد ويعطيك العافيه يا بنت
تحيااااااااااااااااااااااااااتي
رد: قصيدة لافي بن حمود الغيداني
حووووووووووريه وافيه يابنت واشكرررررررك على مرورك السريع وموفقه خير ويعطيك العافيه على الرررررررررررررد
امنياااااااااااااااااااااتي با التوفيق
رد: قصيدة لافي بن حمود الغيداني
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يامكثرين الهرج لااسمـع ولااجيـب=تريحوا من فضلكم واسمحـوا لـي
تريحـوا لاتلحـقـون المشاهـيـب=على الردى ماني شفـوق عجولـي [/poem]
[align=center]الله الله الله
درهـ من مجموعة درر لهذا الشاعر الثمين ،،،
ألف شكر لك أخي العزيز على ما نقلة من رااائعه تستحق القراءة مراراً وتكراراً
تحيااااااااااااااااااااااتي لك ...[/align]
رد: قصيدة لافي بن حمود الغيداني
محمد مشكوووووووووووووووور على الرد
تحيااااااااتي