قصيدة عيد بن مربح الرشيدي

[align=center][poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
ياعلاوي نجد علك مراديم السحاب=ديرة تربيت فيها يوم اني صغير





يا طبيب النفس وشو علاج الاكتئاب=اعطني وصفة علاجه تراى وضعي خطير





عشت في غربة حقايق وفي وضع اغتراب=والتجارب عرفتني على الشئ الكثير





شفت ناس ترسم الورد على صدر الغراب=والغراب اليا بغيت المس الورده يطير





استفدت من الذيابه ومن نبح الكلاب=و استفدت من الرغى واستفدت من الهدير





و لاكسبت الا معرفة عزيزين الجناب=ولا خسرت الا معرفه عديمين الظمير




اقترب لا مقترب شين بعض الاقتراب=ابتعد لا مبتعد شئ في حقي كبير





يا سؤالي كل ماطرحك ماالقالك جواب=مالي الا الصبر واهل الصبر توعد بخير




وصف خبلان الرخا مثل ضحضاح السحاب=يفرح العطشان شوفه يحسب انه غدير




للردي لو هو ولد عم لا تحسب له حساب=كم عزيز ذله الوقت بضيافة حقير



الدروس انواع تطبيق ولا انتساب=بس انا الي طبق الدرس قدام المدير





يا غريب ان مت شيلني اليا هاك الهضاب=حط قبري بين عنتر وابن عمه زهير





حطني في مقبرة عبس مروين الحراب=حطني بااعلا علم عبس مروين الشطير




وان عسرك الوقت نطلع ونرجع للتراب=ويارث الارواح الأ له الاول والاخير





اول الدنيا طرب واوسط الدنيا عذاب=واخرتها الموت والقبر وحساب عسير





ياجزيل الملك يا كافل رزق النياب=يا الاهي من عذابك برحمتك استجير[/align][/poem]




تحيااااتي الصاااااارم

صح لسان الشاعر بن مربح على هالقصدية الجزلة


مشكور على النقل يالصارم




..

ابو نادر مشكور على الرد والله لا يهينك واعتبره شرف لي


تقبلو تحيااااتي