خلها تبرق على الصمان وتسيـل المخيلـة

[align=center]السلام عليكم ورحمة الله وبركاته
--------------------------------------------------------------------------------

قصيدة نشرت في مجلة المختلف بإسم شاعر لقب نفسه بـِ (البدوي)
نسب فيها أن الصمان لجماعته وأنهم احتموها في الأيام الماضيه



خلّها تبرق ورا الصمّـان وتسيـل المسيلـه
دام خيال المهور العوب فـي الشـدّات منـا
الزمل فـي مهجتـي ممسـاه وهنيـا مقيلـه
والله انه من ظعنـا راح يرعـى فـي ظعنـا
والله إني ما أتنازل عنك يا الصفرا الاصيلـه
دام لي راسٍ يـزوم و لـي طواريـقٍ تغنـا
كلهـا لعيـون تـرفٍ سلـم كفوفـي جديلـه
لين سلمته بها الـروح وعطيتـه مـا تمنـا
يوم قالت يا حلالي قلت لبـى أغلـى حليلـه
قالت البارح جرى دمعي علـى الخديـن لنـا
قلت في ربك وريضان الزهر هذي وشي لـه
ما سقاها إلا غـلاك اللـي ربينـاه وسكنـا
صاحبي وافري جيب اصويحبك عقبك اويلـه
لا خلت من ضحكتك ذيك الصروح اللي تبنـا
لا رحل حلمٍ نزخرف له بيـوت وننتمـي لـه
وامحلت خضر الطواريق ودنا الليـل وتدنـا
قبضيني يا الهبايـب غـرة الغيـم وهميلـه
لين يرتع في خفايا الـروح رعبـوبٍ زبنـا
وارعدي بي يالرعود وفضفضي بي يا المخيله
واشرقي بي لااظلمن ذيـك الوجيـه وكلحنـا
واعتزي بي مثل خيالٍ علـى عـزوة خليلـه
ساعةٍ يستنشـق البـارود كيـف ويستجنـا
المشاعر راهيه والدرب مخطور اويبـي لـه
مسرجـاتٍ لا ظميـنـا للغـمـام يـوردنـا
والوعد لا رفرف البارق على راس الطويلـه
والهواجس تصطفق وغزيـل السابـق تحنـا
درهمي بي يا ذلول الشعر صوب المستحيلـه
إن كسبنا الصعـب وإلا كسبنـا قولـة فعلنـا
شاعرٍ شاف الجدي في رمسته راعي طويلـه
والهبايب تنفض غصون الشجر منـا ومنـا
والزمن جافيه عقب الطيب من قبل أمس عيله
والوجيه اللي خذن منا الغـلا ويـشٍ عطنـا
والوفا يلهـث ورا بيبـان نسّـاي الجميلـه
سجّ ماكّنه شرب مـن كفـي الطيـب وتهنـا
أي عنالـه ويعنالـي ويعنيـنـي ويعنيـلـه
عالـقٍ علـق معاليـق العلايـق واعلقـنـا
عِقِّب اللي يوم ضاع وضيـع الوالـي دليلـه
جا يحدنّه عيون اللي علـى الضيـق يحدنـا
روّح يدفدف مع الساريـن بضلـوعٍ نحيلـه
عقبهـا عـوّد يلـوج لسيّنـه حنـا وحنـا
يتطاولنـا فقيـر الحـال مغـتـر بقليـلـه
ما درى إنه لـو تعنّـا للثريـا مـا وصلنـا
علّموه يرشّ مقياله ويشـرب مـن صميلـه
مالـه عظـامٍ يشيلنـه عشـان يصادمـنـا
انصحيـه وفهميـه وسولفيلـه واشرحيلـه
أنتي أخته علميـه إن الوطـن هـذا وطنـا
يا حبيبي للصمايـل قلـب وضلـوعٍ جليلـه
استرح يالأجودي شـوري عليـك ولا تعنـا
ما نوردها علـى الجمهـاه بعـزومٍ هزيلـه
يوم جينا عزوةٍ يصفق لهـا المـوت وتثنـا
أبشري يا عزوتي لا حـزم الصّايـح شليلـه
والله ان أسوقها شلفاً في تجغم مـن زعلنـا
وأبشري باللي يشيل الحمل عنك ويرتكي لـه
شاعرٍ باسمك تغطرس باسمه الحرف وتغنـا
والعذارى اللي يشبن لاسمنا الوضـاح ليلـه
جعلهن لا قصـرن بيـض الفعايـل يفقدنـا
لا وطينا القاع شوف القاع منهي تنحني لـه
ما هدر واطبق على روس الجمال الا جملنـا
والوعد لا رفرف البارق على راس الطويلـه
والمشاعر تشتعـل وغزيـل السابـق تحنـا



رد الشاعر / خالد محيسن الحميداني بهذا الأبيات موجهها إلى أصحاب المجلة


خلوا الشعار يا أهل الصحف كلٍ في سبيلـه
لو صنعتوا شاعرٍ بالزيف يبطي ماوصلنـا
لاتحطون الأسامي وجه لحـروف الرذيلـة
ان عجزتوا لا تـردون الخبـل لا يمتحنـا
الشعر روح الأدب والصدق بالشاعر دليلـه
والمعاني مفرداتٍ لـو عصيناهـن عصنـا
والحيا شعبه من الأيمان برجـال الفضيلـة
خايفينٍ لاترد النـاس كلمـة كـذب عنـا
والمواقف واضحة والكل يدري وش حصيلة
لاجنيـت الذنـب باكـر لـلاوادم لا تجنـا
لكن الموضوع طال وطافحٍ بالحيـل كيلـه
ومن طعن كبده بكفـه لا يحسبنـه طعنـا
اصبح الصمان فكره والشعر يمـه وسيلـه
كل من غنا على طـاروق بالصمـان غنـا
لاهي بداره ؟ ولا دارن لبوه ؟ ولا لهيلـه
الجمـال الـي تهادرلـه منوخهـا جملنـا
يوم دقلات السبايا والجموع اللـي مهيلـه
محتمين الـدار ياللـي طامـع منـا ومنـا
خلها تبرق على الصمان وتسيـل المخيلـة
من سكنها من رعاها من حماها غير حنـا
يوم وقتٍ راح ما خيلك اتطارد مثـل خيلـه
دونها لو ما طعنـا بالحرايـب مـا سكنـا
أشهد إني يوم أشوف الناس لي ربع وقبيلة
وافتخر دام أهل العـادات والـردات منـا
دون تقصيرٍ اباق الناس و الدعوة طويلـة
من تعرض عرضة اللقوات سمـوه المعنـا
ما نصـادم غيـر حكـامٍ بيارقهـا ثقيلـة
كم جموعٍ جت وعافت من وحمنا يوم جنـا
عزوتي لا دخن البارود في خشـم الفتيلـة
يوم جيناهم ندق القـاع حنـا الـي طحنـا
لو تمنيته مثل غيـرك حـرامٍ مـا تجيلـه
ما يطبه غير رب الكون واللي فـي ضعنـا
عنه ابن هذال حديناه وشمل فـي مشيلـه
والعريعر عنه حدرنـاه يـوم إنـا نزلنـا
صوتيلـه يافجـوجٍ قـافـراتٍ صوتيـلـه
من جهل قيمة رضانا ما عرف قيمة زعلنا
وإن سمحنا له زيارة عابرة لـه سولفيلـه
عن مناخ وما حوى ساقان ولاعـن لبنـا
في زمانٍ فات كلٍ بـس تركـض وتحبيلـه
عاذرك حتى سقاط الناس شاخت في زمنـا
منت قد الحرب ولا الضرب حتى ترتكي له
والعوارف خابرينٍ مـن يقـول إنـا وإنـا
وانت مثل الي دفن راسه وطلع راس ذيلـه
لو نشدت الصلب والصمان قال انه وطنـا
وإن كان ردت للوطن والا الكرامه والقبيله
المهار مسرجـه وغزيـل السابـق تحنـا
ابك حنـا مجدنـا لاقـام مجـدك ينحنيلـه
ما خبرنا لك بطولات وملاحـم يـا مهنـا
والرجل ما يفخر الا فـي فعـولٍ تنتميلـه
والعـرب جهالهـا تعقـل ليامنـا جهلنـا
دام فيه رجالٍ يعنيها القصيد وتنثنـي لـه
والله ان لا اكتب بيوتٍ لهـا الدنيـا تثنـا
لين أخلى لك زميل السوء يلعن في زميلـه
تبت ايدينٍ خـذن منـا الفخـر ولا عطنـا
لا تسيل وادي بالـزور وتصـدق بسيلـه
والنجوم اقرب من اللي في خفاياك يخفنـا
عزتي للي سواتك كان شبـت عزتـي لـه
كود سيفٍ يشلع الهامه على صفـرٍ تعنـا
والفضل للي حموا في شرعهم عابر سبيله
نم بأمان أخوان نـوره يالهبيـل ولاتمنـا



اخوكم مجهول الحميداني[/align]

صح لسانك اخووي

بس سوري ما قريتها كلها لاني ما احب القصايد الطويله

السلام عليكم ورحمة الله وبركاته


مشكور اخي المجهول لنقلك لنا هل القصيدتين

سلمت ودمت بود

اختك رهوفه

تسلم يمينك اخوي مجهول على نقل هذه القصايد التي تدور حول موطن الصمان

القصيدة ألاولى قيل وليس مؤكد انها للشاعر. ضيدان بن قضعان . والله اعلم

والثانية طبعا لشاعرنا الكبير/ خالد محيسن الحميداني

على العموم الصمان لايشك فيه إلاجاهل انه لقبيلة مطير مهما ادعاء المدعون


شكرا لك ويعطيك العافية





..

هلا بالاخت رهوووف اللله يعافيج

واختي حلوه راك ومشكووورين على المرور



ابونادر

انا سمعت ايضا انها لضيدان قضعان ولم اتأكد

تحياتي

مجهول
بيض الله وجهك
وصح لسان الشاعر خالد الحميدانى
ويعطيك العافيه على النقل
مشكووووور

مشكور
اخوي مجهول على القصيده

مشكور
اخوي مجهول على القصيده

هلا اخوي الصووووت


حياك الله يالغالي


تحياتي لك على مرورك الطيب

أخي مجهول عافاك الله على النقل الذي يشرح الصدر

وصح لسان شاعرنا خالد الحميداني الذي تطربنا قصائدة دائما

الحمادين الفهود أهل الحرابه،،،،انشد الحكام منا ويش جاها
حاكمن كل العرب تخشى جنابه،،،،الرشيد اللي قبل حايل ولاها

بارك الله فيك وليس بالغريب هذا المجد للحمادين أبقاهم الله

وليس بالغريب من أحد أبنائها الذين تربوا على الشجاعه والكرم والفخر بافعال أجدادهم اللي رفعهم بين القبائل

اعذروني فالقصيدة أثارت حماسي

ودمتم سالمييييين،،،،

سلام.......

صح السان الشاعر الكبير خالد وحقه اكبر من هالرد....


ملاحظه

برق الوسم ماشوفله ردود!!!!!
مع انه نشط على الردود

مستاحشين الدار انتم تقول لاترد

لان القسم خاص ياللحمادين والا غيرتو الراي

؟؟؟؟؟؟؟؟؟؟؟؟؟؟؟؟؟

صح لسان شاعر الحمادين خالد الحميداني

صوتيلـه يافجـوجٍ قـافـراتٍ صوتيـلـه
من جهل قيمة رضانا ما عرف قيمة زعلنا
وإن سمحنا له زيارة عابرة لـه سولفيلـه
عن مناخ وما حوى ساقان ولاعـن لبنـا
في زمانٍ فات كلٍ بـس تركـض وتحبيلـه
عاذرك حتى سقاط الناس شاخت في زمنـا
منت قد الحرب ولا الضرب حتى ترتكي له
والعوارف خابرينٍ مـن يقـول إنـا وإنـا
وانت مثل الي دفن راسه وطلع راس ذيلـه

مجهول

السلام عليكم ورحمة الله

مشكور على نقل القصيده وصح لسان

الشاعر خالد الحميداني الله يعطيك العافيه

والسلام عليكم اخوك الساحل الشرقي

مشطووورين على المرور الطيب



لكم خالص تحياتي

أشهد إني يوم أشوف الناس لي ربع وقبيلة
وافتخر دام أهل العـادات والـردات منـا
دون تقصيرٍ اباق الناس و الدعوة طويلـة
من تعرض عرضة اللقوات سمـوه المعنـا
ما نصـادم غيـر حكـامٍ بيارقهـا ثقيلـة
كم جموعٍ جت وعافت من وحمنا يوم جنـا
عزوتي لا دخن البارود في خشـم الفتيلـة
يوم جيناهم ندق القـاع حنـا الـي طحنـا


صح السانه وجزاك الله خير على النقل اخوي مجهول

اخوك

هلا بمحسن القصيم

نورت القصيد


اشكرك على المرور
تحياتي