ترى ونستك فـي آخـر حياتـك تشفّقهـا

[align=center]السلام عليكم ورحمة الله وبركاته


كيف الحال يالحمادين هالقصيده اعجبتني بالحيل

لانها بالمقناص وحبيت انقلها لكم

[poem=font="Simplified Arabic,6,orange,normal,normal" bkcolor="transparent" bkimage="backgrounds/32.gif" border="none,4,gray" type=2 line=0 align=center use=ex num="0,black"]

يقولـون قلبـك للقنـص دايــمٍ يـتـوق=وانا اقـول هـذي رغبـةٍ لـي وعاشقهـا
انـا لـي رغبـةٍ والصقاقيـر فـن وذوق=يعـرف الصقـار مـن عشقهـا وتشبّقهـا
وانا رغبتي وهوايتـي شـي يـا مخلـوق=هوى البر في غـرب الديـار ومشارقهـا
ليا جيت روضٍ فيـه مختلـف الزملـوق=نبانيـب نبتـه ناعـم الـريـح يطرقـهـا
مساقيه نوّ و المطير بـه رعـد وبـروق=تهشـم مزونـه فالوطـى ليـن يغرقـهـا
عقب سيلة العشب يتعلـى نباتـه فـوق=شوف الفياض من النبـات وتضاوقهـا
تشوف الزبيدي كنه المرو فـي الرقـرو=ونّسـك شـوف البـرق فيـه وتخافقهـا
ليا دجت فيه عصير والا الضحى وشروقوالأشجار ظاهـرٍ الزهـر مـع مفالقهـا
وانا فـي يـدي شيهانـة جنسهـا يوق=لو الخارم المقفي على الخوف تلحقهـا
ليا ضفّه الجنحـان كـن السمـا مشقـوق=سواة السهـم والعيـن مـا عـاد ترمقهـا
عليها اطيـار يبهـر الحاكـي الصـدوق=وقعلٍ يحبـب فـي الشياهيـن واطرقهـا
ليا شقّت الداغر علـى القلـب والمعلـوق=تعجّـب ولله العـجـب يــوم تشلقـهـا
اناستك ياراع الولع جعـل مالـك عـوق=لعـل السلامـة فـي حياتـك ترافقـهـا
أخذ في القنص ياللي تحب القنص غدروق=ترى ونستك في آخر حياتك تشفّقهـا
يقوله لك اللي ما يبـي شربـة المطـروق=عسـى الله يوسعهـا لنـا مـا يضيقـهـا
ليا جيت في ارضٍ عشبه طبوق فوق كبوق=تساقيـه سحـبٍ كـن الأنهـار مدافقهـا
ما والله اغبط اللي يحبون ظـول السـوق=ولا أحـب ادوّج فـي الديـار وحدايقهـا
واحب المطر والخيل واحب شوف النـوق=ةاحب الهنـوف اللـي تكاشـف عواتقهـا
اليا صـار مـع جمالهـا عقلهـا ماتـوق=اليـا شفتهـا اتقـول سبحـان خالقـهـا
عيـون المهـاة وعاتـقٍ مـارقٍ منتـوق=وخدٍ كما شمس الضحـي فـي تشاعقهـا
تبسّـم ابيـض ذبّـل مـا بهـن فــروق=كما الحـص مـن محـارةٍ يـوم تفلقهـا
اليا شفتهـا قـام يحانـي عليهـا الشـوق=ولـو بكيفـي كـان والله مـا افارقـهـا
لا أجّود معضّ الذيب حاضر ما هو مفهوق=واشم الخدود اللي كمـا الـورد وانشقهـا
هذي رغبتي ومناي والاّ العمـر ملحـوق=ولي رغبة فـي الحـر الأشقـر محققهـا
واحب اللذي به لـون وريشـة الغرنـوق=به الميزة اللي راعـي الصنـف يعشقهـا
اليا صار فوق الوكـر ماكـن فيهسبـوق=سراويلـه تغطـي اسـبـوق وتفرقـهـا
اليا من لحقها فالهوا ساق روحـه سـوق=كما سـوق ميـراج عطـا النـار سايقهـا[/poem]

الشاعر الكبير : محمد بن خلف الخس



اخوكم محسن القصيم[/align]

محس القصيم

تسلم يمينك على النقل وحسن ألاختيار قصيدة لشاعرنا الكبير البستان

فعلا قصيدة تستحق القراءة والاعجاب


تحيااااااااااااااتي



..





..

هلا بابو نادر مرورك بحد ذاته فخر


واكرر لك الشكر على المرور الكريم


اخوك محسن القصيم

صح لسااانك البستان
ومشكور ع النقل
محسن

الفعوو اخوي الصوت

واشكرك على المرور العطر



اخك محسن القصيم

[align=center]

صح الله لسانك
اخوي
محسن القصيم
وسلمت يمناك على النقل الرائع
كلمات مبدعه واختيار رائع

اختك
فديت الي في بالي[/align]

هلا بالاخت فديت اللي في بالي

واشكرج على المرور العطر


لكي تحياتي ودمتي


محسن القصيم

السلام عليكم ورحمة الله وبركاته

يقولـون قلبـك للقنـص دايـمٍ يـتـوق
وانا اقول هـذي رغبـةٍ لـي وعاشقهـا

اختيار موفق اخي محسن قصيدة جميلة

سلمت ودمت بود

اختك رهوفه

وعليكم السلام ورحمة الله وبركاته

هلا وغلا اختب رهوفه ومشكوره على المرور العطر

ودمتي

محسن القصيم