وصية مر شد البذال في عياله

[poem=font="Simplified Arabic,5,white,normal,normal" bkcolor="sienna" bkimage="" border="ridge,5,darkred" type=0 line=0 align=center use=sp num="1,black"]
[

يالله يارب الضعـوف المساكيـن=اللي لك المخلوق يحسـن صلاتـه


تستر على غوشن صغارن مكفيـن=أكبرهم العـارف دليلـه عصاتـه


لا يـا عيالـي كلبوكـم حبيبيـن=عندي وعند النـاس كلـن وذاتـه
عندي غلاكم يدفن الزين والشيـن=وعند العرب كلن تشاف اخملاتـه


يا عبيد أنا خابرك ورعن لهالحين=داوي بغبـات الجهـل وظلماتـه


لاشك علمي لك محبـه وتفطيـن=تسمـع الوالـد وثبـت وصاتـه




وصاة مخلوقن يعـرف القوانيـن=مافاة عمـره بالجهـل والهياتـه


يا عبيد اناأوصيك منـي بثنتيـن=ثنتين هن سـؤ البشـر وحسناتـه




أوصيك لاتبحث سـدود المغيبيـن=ولاتجهر اللـي غارقـن بغفلاتـه




ترى النميمه تمحق الرزق والديـن=والمنزل العالـي تهـدم اطبقاتـه


لاتحسبن أهـل الظليمـه بخيتيـن=كلن يوافق ما عمـل فـي وفاتـه




وانذرك حق الضعيـف المسيكيـن= اللي علـى حقـه يهـل اعبراتـه








ترى الضعيف الليا غدى الليل ليليين=يدعي وعنـد الله توافـق ادعاتـه




الظلم فان الظلم يفنـى السلاطيـن=ياويل راعي الظلم مـن مقبلاتـه




وانذرك عن ربعة رخو من هياسين=اللـي سوالفهـم بـوده وهـاتـه




ويا عبيد الأقشر لوصفا لك نهارين=نهار ثالث جاك يرفـع عصاتـه




والله عندي ربعة الناس الأقصيـن=ولا صديقا يبلشـك فـي حياتـه




ترى الرجال ابهم فهود وحياويـن=جاك الكلام اللي صحيحـا ثباتـه




ان كان ما تدري ترى الناس دراين=الرجل مدحه بالمجالـس طراتـه


رجلن تعلق به رجالـن مسلميـن=عـز الرفيـق ولابتـه والحماتـه




ورجلن تشوفه جسم وعيون ويدين=ولولا الشعر ما تفرقه من خواتـه




والحلم عن الغيض ينجي الشياطين=يكفيك شر إبليس هـو و دحراتـه





الله يرحمه ويسكنه الجنه


الصــــــــــــارم [/poem]

الله يعطيك العافيه

الله يرحمك يامرشد

مشكور الصارم

الصووووت مرورك انار متصفحي والله لا يهينك وتريليون شكر خيوووووو

فعلا كلام أكثر من رائع و وصية لعيال هالوقت

مشكوووور عالنقل الجميل

الحر العنيد الله لايهينك وطول عمرك وافي

وين عاد الي يقضب الوصايا اليوم


الف شكر لك


تحيااااااتي

ترى الضعيف الليا غدى الليل ليليين,,,,,,يدعي وعند الله توافق ادعاته
الظلم فان الظلم يفنى السلاطين,,,,,,ياويل راعي الظلم من مقبلاته

تسلم يمناك يالصارم على النقل الرائع

تقبل مروري

اخوك

محسن طول عمرك وافي والله لا يهينك مرورك وسام على صدري يا القرم


تحيااااااااااااتي

السلام عليكم ورحمة الله وبركاته

مشكور اخي الصارم لنقلك لنا هذه الوصية المحفورة بصدق وممزوجة بتجربة حقيقية من الحياة

سلمت ودمت بود

اختك رهوفه

رهوووفه الف شكر



تحيااااااااتي