ارجوا ان تنال هذه القصيدة اعجابكم وهي للشعر ملفي المورقي العتيبي

بسم الله الرحمن الرحيم

السلام عليكم ورحمة الله وبركاتة

أسعد الله صباحكم بالخيرات

أطرح بين أيديكم قصيدة الشاعر / ملفي المورقي لمزاين قبيلة عتيبة ( الهيلا ) والذي سيقام بإذن الله تعالى في شهر شوال (10) لعام 1428هـ

ويقول أبو وافي


[poem=font="Simplified Arabic,6,blue,normal,normal" bkcolor="transparent" bkimage="backgrounds/44.gif" border="none,4,gray" type=2 line=0 align=center use=ex num="0,black"]

ياعيدنا اللي صاير(ن) بيـن عيديـن=بين رمضان وبيـن عيـد الضحيـة
جعلك تعود ليال وشهـور واسنيـن=وحنـا بخيـر ولا رزانـا رزيــه
نعم بنعـم الضافـي الأمـن والديـن=ماعنـدنـا بغـضـا ولا مكرهـيـه
في ظل ربـي ثـم بظـل السلاطيـن=العادليـن اللـي ذممـهـم بـريـه
حكامنا الوافين فـي العسـر والليـن=فـي حكمهـم كـل القبايـل سويـه
وحنا لهـم طـول الليالـي مطيعيـن=علـى كتـاب الله وسـنـة نبـيـه
من عهد أبو تركي مقـر الموازيـن=اليـا عيـالـه طيبـيـن السجـيـه
متكاتفيـنـن كلـنـا ومتصافـيـن=الـرأي واحـد والضمايـر نقـيـه
سوات هذا اليـوم فالمحفـل الزيـن=اللي حضرنـا فيـه مـن كـل نيـه
في أربع ميه وإلف وثمنيه وعشرين=في شهر عشره وسط نجـد العذيـه
مسجل(ن) فـي قلوبنـا والدواوييـن=مايمحـي مادامـت الشمـس حيـه
مزايـن الهيـلا للأبـل المـزايـن=أهل الحـلال اللـي قليـل(ن) حليـه
سود(ن) وواضح(ن) غاليات المثامين=وشعل(ن) وصفر(ن) فيهن الجاذبيـه
نسع الغـوارب ضافيـات العرانيـن=وظهورهـا فيهـا تقاعـس شويـه
معمقـات(ن) مـن خيـار البعاريـن=ماحولـت فيهـا الزمـول الـرديـة
ومن السطر فيهـا تـدك المياديـن=عسكـر ولـو ماتعـرف العسكريـه
تعمل عروض خلاف ويسار ويميـن=تقـول راعيهـا مــدرب سـريـه
والوحـده منهـا تراعيـه بالعـيـن=تقول تضـرب لـه سـلام وتحيـه
ماجـات معنـا بالتسلـف وبالديـن=والا عطـن مصفـوط والا هـديـه
اللي ورثها من رجـال(ن) مسميـن=وصية(ن) يوصـي عليهـا وصيـه
واللي دفـع فيهـا مئـات الملاييـن=ويقـول مهمـا سقـت فيهـا بليـه
والبـل تـرى ماتؤخـذ الا بثنتيـن=شي(ن) مجرب من علـى الجاهليـه
أمـا بنثـر الـدم يـوم الأكـاويـن=ومصافق الفريـس صبـح وعشيـه
والا قناطير الذهـب والذهـب ويـن=يخلـي النـاس الفـقـارى غنـيـه
وحنـا كسبنـاه مـن أول وذلحيـن=بالجهـد وعـزوم الرجـال القويـه
وقمنـا بواجبهـا كـلام(ن) بتثميـن=واللـي يسـوي مثلنـا حـي حيـه
مرباعنا عرعر وأبا القـور ويميـن=اليا الحجـر ومـن تحتهـا شويـه
وأن صار للصيف المبكـر وداديـن=علـى العبـال الشاسعـات الخليـه
جاتك تخافـق مخزيـات الشياطيـن=تبغا الجنـوب اللـي تطـارد نصيـه
وأن صار يامشكاي وجه الدهر شين=وضاعت علوم اللي يسوق المطيـه
علـى مصارفهـا بربـي قويـيـن=نـدرك عشاهـا لـو نباتـه وقريـه[/poem]


الشاعر ملفي المورقي

مرحباااا الساااااااع ولا يسدن
ياهلا باخويه أمير الحمادين
صح الله السان قايلهااا وناقلهاا النا
ولا هان منطوقك وعلا شانك والقصيد
روووعه بروعة ناقلهااا النا تسلم ولك مني
ارقى التحايا اختك بنت الحوااامد

امير الحمادين

تسلم اخوي على النقل مشاركه رائعه من ذوق رائع

ومنور بحضوررك وياهلابك في منتداك وبين ربعك

صح لسان الشاعر ملفي المورقي ملايييييييييين

دمتبكل الخير والمسرااات تحياتي برق الوسم

صح لسان الشاعر الكبير ملفي المورقي

الف نعم بقبيلة عتيبة ولاتهون القبائل الثانية


وتسلم اخي على النقل لاهنت


واسمحلي بنقلها للقسم المخصص لها



تحيااااااااااااااااتي


..

صح لسان الشاعر ملفي المورقي ويستاهل
والبـل تـرى ماتؤخـذ الا بثنتيـن
شي(ن) مجرب من علـى الجاهليـه
أمـا بنثـر الـدم يـوم الأكاويـن
ومصافق الفريـس صبـح وعشيـه
والا قناطير الذهب والذهـب ويـن
يخلـي النـاس الفـقـارى غنـيـه
وحنـا كسبنـاه مـن أول وذلحيـن
بالجهـد وعـزوم الرجـال القويـه
اخوي امير الحمادين
سلمت على النقل الرائع
تقبل تحياتي

الحقيقة قصيدة جزله جمع فيها مالا يجمع في غيرها
وانا من هوات الابل اللي حبها ملك القلب رغم الاخساير اللي نجدها

الحقيقة قصيدة جزله جمع فيها مالا يجمع في غيرها
وانا من هوات الابل اللي حبها ملك القلب رغم الاخساير اللي نجدها