توصيه من نوع خاص

كنت في يومٍ من الايام جالسٍ أمام التلفزيون , وكنت أشاهد أحدى القنوات الفضائيه واللتي مهتمها عرض جميع الاعلانات في كافة المجالات , المهم لفت نظري عدد من أرقام الجولات واللتي تعرض على ألشاشه أكثر من مره لعرض خدماتها عن سوق الاسهم وطبعاً خدمات إيجابيه ومضمونه كمايدعون , ألمهم من باب الفضول , قلت أبي أتصل على واحدٍ من ها الارقام , أتصلت وفجاءه رد على صوت أمراءه وبكل لطف كانت تتحدث , عاد أنا ترا ماني من اللي يستخف بالصوت الناعم على مايقولون , ألمهم بدت تشرحلي كيف أن سوق الاسهم بخير وانه يسير للافضل وأنه مزال فيه الكثير من الفرص الاستثماريه الرابحه , , وأن المعلومه الصحيحه عندي أنا ومجموعه من البنات اللاتي لهن خبره حسب المصادر الموثوقه في ذلك , ولا يهمونك ربعك اللي يقولون ترا فلان علمني أن الهامور فلان يبي يطلع الشركه الفلانيه فوق , خلك معنا ولاراح تندم , المهم قفلت الخط , وأرسلت لها هاذهي الابيات ,
ألا يا ليت ماخــذت المــــشوره ,,,,, من السوق السعودي والمضارب
تصبرت وعلى الله إعـــتمادي ,,,, ومسكت الــحبل من فوق الغوارب
ولاقمت أســـتمع لهل الوصايا ,,,, هل الاشــناب عــكفــان الشوارب
على مهـــلك تبا تلقا الفوايد ,,,, بــسوقٍ فــيه تــحــقيــق ألــمئارب
ولا منهم صــدق فيما يقوله ,,,,, لأن الـــنصب با الــشكل مــــتقارب
ونا لــوكــان عندي عرف سابق ,,,, عن الجنس الــــلطيف إني لاحارب
وقوم أخــذ وصـــيه بتــــصالي ,,,,, لأن الـــصــدق عند الــبنـت كارب
وصير أسمع كلامٍ لي تقــــوله ,,,,, ومن جــدي بـــزادي والمشارب
وليا قاللي غــــضات النهادي ,,,,, خروج إني عن الاســـواق هارب
تعــــلمنا ولكن وشهو عقبه ,,,,,,, عقب ســــم ألا فاعي والعقارب
عاد جاني الرد السريع بالتوصيه على أحدى الشركات من هالسنافيه ,
ودمتم سالمين , مع تحيات ساري الليل .

ههههههههههههههههه

وانت سالم وغانم وصح لسانك

ياخوي ودي بمشوره ههههههههههه


والله ياخوك راحت المشوره بدراهم وكلها كذب بكذب وكلناها بسوق الاسهم وراحت على اللي ينتظرها خساره

والله يجازي من كان السبب ابيات جميله لها طابع خاص ومعتى وافي لانك وافي لاهنت الذيب دمت بخير ولازلنا ننتظر الابدااااااااااااااااااااع دمت بخير تحياتي برق الوســــــــــــــــــــــــــم

مرحبا الساع ولا يسدن
صح الله السان قايلهااااا
ولا هان منطوقك وعلا شانك وجعل
ربي الجود عنوانك ويقوي الرحمن
إيمانك وتسلم على هالابيات ولك مني
ارقى التحايا اختك بنت الحوااامد

اخوي ساري الليل

بس لايكون اخذت التوصيه ورحت فيها

ههههههههههههههههههههههههههههههههه

تقبل تحياتي

منابع الطيب

[QUOTE=برق الوسم;42743]ههههههههههههههههه

وانت سالم وغانم وصح لسانك

ياخوي ودي بمشوره ههههههههههه


والله ياخوك راحت المشوره بدراهم وكلها كذب بكذب وكلناها بسوق الاسهم وراحت على اللي ينتظرها خساره

والله يجازي من كان السبب ابيات جميله لها طابع خاص ومعتى وافي لانك وافي لاهنت الذيب دمت بخير ولازلنا ننتظر الابدااااااااااااااااااااع دمت بخير تحياتي برق الوســــــــــــــــــــــــــم [/QUOTE غا]

برق الوسم كلي شرف فيك يالذيب لاهنت ولاهان غاليك

بنت الحوامد أقول الله يجزاك خير على هالدعاء
بس { الساع -- ذي مافهمتها.
الف شكر للك

منابع الطيب هي توصيه على كيفك يالغالي
بس إنا طمعنا ورسلنا لها رساله ثانيه وقالت لا خلاص قضينا
لكن رديت الطيب بطيب وتستاهل , تحياتي يالغالي

مشكور على الابيات الاكثر من رائعه وتقبل ودي واحترامي اخوك علي القصيم