مطلوب من جميع الاخوات الاعضوات المشاركه

بدوووووووون خجل هل تفعلينها لو طلبها منك ليلة الدخله؟؟؟؟؟


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار

ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا ؟؟؟؟؟ ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك
قالوا انك رحت مع المدام والحين حنا راجعين الديره ((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه
وقفل الخط
الزوجه المسكينه ما هي مصدقه اللي سواه زوجها ليلة الدخلة
ثم قال يافلانه انا رايح السوق وراجع
((على بالها يبي يجيب عشاء جاهز))
بعد ربع ساعه رجع الزوج ومعه اغراض العشاء
قالت الزوجه: وش ذا
قال الله يسلمك قومي سوي العشاء لزملاي في العمل جايين من بعيد ولا تعشوا
،،،وفي أثناء الحوار،،، والا الباب يدق
قال هم ذولا وصلوا يالله همه يا مره وراح عند ربعه يقهويهم
المهم المسكينه في المطبخ تقطع البصل والطماط بفستان الزفاف وعيونها
تدمع وتقول في نفسها ( بكره بأرجع عند اهلي من الفجر واطلب الطلاق)
المسكينه سوت العشاء وتعشوا وراحوا لديرتهم والمسكينه متضايقه


والمفاجأة

7

7

7

7

7

7

7

7

7

7

7

7

7

7

7

7

7
يدخل زوجها عليها ويرمي لها (50000) خمسين ألف ريال قال هذا حقك
قالت : وشوا حقه
قال : الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك موافقه والا .. لا
وانتي من كسب الرهان




أعجني فنقلته لكم ......

مرحبااا الساع
هيه نعم واشعنه لا هو طلبات آوامر
ومشكور اخوي على هالقصه
ونترقب الزوود منك ولك ارقي
التحايا اختك ام زايد

مشكور اخوي على هالقصه
ونترقب الزوود منك

اختي بنت الحوااامد مشكوره على المرور وتقبلي تحياتي
اخوج علي القصيم

اخوي بن شرف مشكور على المرور الكريم

اخوك علي القصيم

والله قــصة شــي ,,,

بالعكس دليل إن الرجال عندع اعلوم المرجله ,,,,,


والمفروض يكبر بعيني ما يصغر


شكراً لك اخوي علي على القصه


تحياتي

مشكوره اختي حورية الثامريه على المرور الكريم

تحياتي

ههههههههههههههههههههههه

كفووو والله انه نشمي الرجال وهي بعد تستاهل

المبلغ قصه جميله جدااااااااااااااااااااااااااااااااااا

والزووج عزيز نفس بعد عطاها المبلغ ويعوضون الليله القادمه خخخخخخخ


مشكور ياابو حسين بعد قلبي دمت بخير تحيااتي بر ق الوســــــــــــــــــــــــــــــم

علي القصيم

مشكور على النقل ويعطيك العافيه

اذا كان قصده يبين انه رجال على زوجته امام ربعه يو الزواج

اعتقد انه مايستحق الاحترام.

لانه يراهن على انه يسوي بزوجته كذا يوم الزواج وهذا دليل على ضعفه ليس على قوته

لو كان مو رهن..

عمل كذا تقدير وحشمه لربعه فعلاً يستحق الاحترام .

لانها تدل على طيبه ورجولته.

فلهذا انا لا احترم شخص يراهن على رجولته على حساب زوجته.

تقبل تحياتي

منابع الطيب

السلام عليكم ورحمة الله وبركاته

اه هذه القصة سمعتها مرة مشكور اخي علي على تجديدها مرة اخرى

سلمت ودمت بود وبنتظار جديدك

اختك رهوفه

اخوي برق الوسم
اخوي منابع الطيب
اختي رهوفه مشكوووورين على مروركم وتقبلو ودي واحترامي اخوكم علي القصيم

الدعوة فيها 50 الف

من قلب تبي توافق ههههههههههههههههههههههه

اكيييد بتوافق اخوي ابن ربضان مشكور على مرورك