[poem=font="Simplified Arabic,5,black,bold,italic" bkcolor="transparent" bkimage="backgrounds/12.gif" border="double,4,gray" type=1 line=0 align=center use=ex num="0,black"]
يامير اباعلمك يامــير يامـــــــير = كل الدراهم صــــارت اليــــوم بـــنعـــام
بعت البكار وبعت كل المعـــاشير = لسايم اللي يوم لــــــــد النظر ســـــــام
إنياقي اللي من شقاح ومغاتـــــير = لا وحسايف عقبها الــــيوم منضـــــام
قيمة نياقي سقتها دون تأخـــــير = حطيتها بنعام والحـــــــظ مـــــــــاقام
قلنا نساهم مع هل العز والخــــير = صاحب سمو ومنهجه دين الاســـــلام
أمير عنده للإداره تدابــــــيـــــر = عنده وعد مخطوط من روس ألاقـلام
هاذا هو اللي جزم الحال يامنـــــير = خلاني أبصـــــــم فالورق راس الابهام
أقول باكر تا تجيينا التـــــباشيــــر = وكلٍ يهنــــــينا بتحقـــــيق ألاحــلام
واليوم راحت كلبوها مخاسيـــــــر = قفتبها سود الــليـــــالي والايــــــام
راحت كما طيرٍ تقفاه معصـــــــــــير = أقفى ولا حدٍ يذكره فـــــــالسماء حـام
يامير حمّلنا البضـاعه على بعــــــير = وأثر الجمل من دون جمـــال وخطام
أقفى وعهديبه ورى طويق والنيـــــر= ماتلحقه خـــــيلي بعدوه ودرهــــــام
يامير ما عينت ذخر ألمـــناعـــــير = اللي تشيل أعلام وتـــــركز أعــــلام
إن شفتهم يامير مافيك تقصــــــــير = تّقدم ومثلك فالرياجــــل مـــــقـــدام
يامير ياكثر الرجال ألمغـــــــــــاويــــر = أكثر عددهم من هل الشرق والشـام
ألارض تمشيها جموع وطوابـــــــــير = مادامت لغانم ودامـــــت لغـــــنــــام
الصبر لو يشري بخشم الدنـــــــانـــــير = جبناه لو هو من ورى حــــد ألاهـرام
في نجد يازين الدلال المــــــــــباهيــــر = هاك السنه يامير واللي ورى الــعـام[/poem]
