يواسوني وأنا الميت.........؟

[align=center]


السلام عليكم ورحمة الله وبركاته

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني [/align]

القصيده رائعه

يال حال الدنيا

من يواسييه

ياليت الأيام تعود

فأفعل وافعل وافعل

ولكن اأيام لا تعود


ولا تبقى ألا الذكريات

سلمت يداك تقوى الهجر

وسلمت يمينك التي شكرت.....


أهلا بك وبتشريفك


ياهلا وغلا فيك

اخوي تقوى الهجر


جميعنا لا يحس بقيمة من عنده إلا عند فقدهم

فلا فائده للقيمة عند إذ

اشكرك اخي على موضوعك


دمت بخير

اخي العزيز


تقوى الهجر


لقد ادمعت عيني ولاكنها عبره لكي يتعض من كان له قلب


ابيات جميله


ولاكن انت الأجمل


شكرا

مرور كريم يالغالي ...... الدويله

ومن طول الغيبات جاب الغنائم



أبشر يابن نمش ......





الغائب عذرهـ معه .......... الدويلة الغالي





بالتوفيق لك دائماً وأبداً......

ابو سارة


العذر والسموحه من العجله ماشفت ردك يالغالي



ياهلا فيك والله محيك....




حتى أنت صار لنـا كم ليلة والقمر غائب وش السالفة
...؟؟؟



متفقين أنتم مع بعض






الله يوفقكم يالغالين والله يحييكم

القصيده رائعه

سلمت يداك تقوى الهجر

اخوي تقوى الهجر قصيده جدآ رائعه وتحمل كثيرآ من الندم والحزن على فقدان ولدته رحمها الله رحمة واسعه ولكنها عبره لمن لايعتبر ولكننا لانحسن بفيمة الشي إلا لما نفقده وتقبل تحياتي

السلام عليكم ورحمة الله وبركاته

قرأت هذه القصيدة في ما مضى وتأثرت بما ورد فيها الله يصبر قلبه ويكون بعونه

سلمت اخي تقوى مع امنيتي ان احظى بشيء من الاشراق بكل جديد هو لك

اختك رهوفه

تسلم اخوووي

تقوى الهجر شكرا لك على المنقول الرائع تقبل ودددي برق الوســـــــــــــــم

لاحول ولاقوة الا بالله
عليكم السلام والرحمه
صح الله السان قايلهاا وناقلهاا النا ولاهنت
اخوي تسلم يمناااك على هالنقل الطيب وبيض الله
ويهك كفيت ووفيت ويعطيك ربي العافيه ونترقب الزود
منك ولك مني ارقى التحايا اختك ام زايد