الشاعر : سعود جمعان المطيري ( مقتطفات )

الشاعر سعود جمعان المطيري من الشعراء المبدعين


وهو صديق لي

وقد حصل له موقف مضحك قبل فترة قصيرة

يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه .. وهو يتشكى كان مركز عيونه على سعود جمعان المطيري .

وقد قال له سعود هالأبيات:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا ابن الحلال اللي تشكى علينا=حنّا لنا بوضع علىالله مشاكيـه
كانك تحرى للعطا مـن يدينـا=عزالله إنك عندنا ما أنت لاقيـه
ماهو ردى بس أرثع الوقت فينا=ماعندنا ماناكلـه دون نعطيـه [/poem]


وفى يوم من الأيام كان سعود المطيري جالس بمجلس وكان فيه شيخ يحدث ويقول من ضمن الحديث إننا بأعظم نعمة بتاريخ البشرية

قال له سعود : ياشيخ أنا عندي مداخلة

قال له الشيخ تفضل

قال سعود هالأبيات:

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياشيخ شخيت الضحى فوق ثوبك=وانته تروغ عن نحور الصواريخ
النعمة اللي بس ياشيـخ دوبـك=ماتحسب أكبر نعمـة بالتواريـخ
وإن كان هذا بالتحدث أسلوبـك=فعز الله إنك لقطة غليس ياشيـخ [/poem]


وزماااااااااااان كان سعود طالع من المسجد ولقى وحدة رافعة يدها وتشحذ عند باب المسجد قال لها سعود هذه الأبيات :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابنت ياللي بالمساجد تطوفيـن=كفي يدينك قبل نأخـذ ريالـك
حنـا ترانـا كلنـا مستحقيـن=ماهو أنتي اللي مستحقة لحالك
لو لا الحيا شفتي وزانك ثلاثين=أحد يمين منك وأحـدٍ شمالـك
مرفعيـن إيديننـا ومتقاعيـن=الموجب إن أحوالنا مثل حالك [/poem]

وفى أحد الأيام قام سعود المطيري بفتح له حساب فى البنك وراح بعد كم يوم يبي يشوف كم في رصيده لأنه مرة مطفر وش طلع له على شاشة الصراف ؟ مع إنه متأكد من رقمه السري

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنـا لقيـت البنـك مثـل اخويايـه=مايقضي الحاجة إلى جـاه محتـاج
أمس الضحى مريـت كـل زملايـه=وكلٍ عطـى لـه بالمعاذيـر منهـاج
وضنيت باقي فـي رصيـدي بقايـه=وحركت ناصٍ حارس البنك هجـاج
ودقيت رقمـي صـح مابـه روايـه=طلع على الشاشة : لا داعي للإزعاج [/poem]

وسعود ما عمره دخل البنك لأنه يقول :


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا أهل الوظايف قولوا الحمـدلله=على معوشتكم ولو رزقها ضنـك
أنا وجنسي رزقنا لـو وصفنـاه=حوذ الحنك مافيه زودٍ عن الحنك
ماطاح قرشٍ في يدينـا قرشنـاه=ودايم طفارى الله يجيرك ويامنك
البنـك لـولا لوحتـه ماعرفنـاه=من قل ماندخل على موظف البنك
ماغيـر نقـرا لوحتـه ونتعـداه=وإن قيل هذا البنك قلنا اتركه عنك
لاوا هنيـك يالغنـاوي هنـيـاه=ترقـد وحنـا بالدراهـم نمونـك
نفرح إلى من المعـاش استلمنـاه=ويهـج منـا قرشنـا ويتزبـنـك
والله يالو تصرف ربع ماصرفناه=ليصيبك السكر مع الضغط والتنك
ولولا جهدنا وجهدنا اللي بذلنـاه=ماتنفخ ذروبك وتمـلأ مخازنـك
مير المقدر مالنا غيـر نرضـاه=رزقك منا وسقمة أرقابنا منـك [/poem]

طبعا والشاعر سعود جمعان المطيري
هو صاحب القصيدة اللي يرددون الناس بيتها الأول دايم

والقصيدة هي :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لاصار جدك ماترك لـك ملاييـن=ماهوب لازم تشتري لـه ضحيـه
قل له ياجدي جعلك من المناجيـن=والله ماتسـوى قيمـة البربـريـه
عقبتني للديـن ومصـارع البيـن=ومن زين طبعك كاتبٍ لك وصيـه؟
لو أنت ما أخذ لك من الخد حوشين=يوم الأراض بلاش وسـط العليـه
إن كان تلقاني من أهـل الدكاكيـن=مطنطـخٍ هالحيـن ميـة بمـيـه
لكـن ياجـدي ضحيتـك بعـديـن=إن سهـل المولـى ثمنهـا عليـه
حنا بوقتٍ شين وأشين من الشيـن=فيه الخـوي ماعـاد ياثـق خويـه [/poem]


وسلامتكم جميعا من الحال الشين

سلمت والله اخوي ابن رويل

وسلمت على الموضوع

وصح الله لسان الشاعر

وأنت سالم يالغالي



شكرا من الاعماق لك

الله بييض وجهك اخوي ابن رويل


طبت وطاب نقلك

وصح الله لسانك ولسان الشاعر سعود المطيري

ابن رويل


الله يعطيك العافيه


قصائد ممتعه وجميله


والأجمل هو من نقلها لنا



شكرا جزيلأ



ســـــــــ ابوــــــــــاره

الله يعطيك العافيه علي النقل الجميل والاسلوب الذي ابدعت فيه
وصح لسانك انت والشاعر
تحياتي لك
الغريب؟؟

ابن رويل
بيض الله وجهك وصح لسان الشاعر سعود ابن جمعان الهاملي المطيري
ومقتطفات جميله جدا
وهناك كثير من قصائد الشاعر سعود موجوده لدي
امل من الدويله تثبيت الموضوع ليكون مرجع لمن يرغب ويحب ويتابع قصلئد الشاعر الفذ سعود ابن جمعان
لك الشكر لك يابن رويل
وللاخوهجميعا
دمتم بخير

اخوي غريب الدار لك ماطلبت


غالي والطلب رخيص


وياليت والله توافينا بقصايد الشاعر الكبير سعود الهاملي

ولك تحياتي

ابشر يالدويله
قصيده للشاعر سعود تعتبر من اروع القصائد
(((حكمه+نصيحه))) يقول سعود
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
بعدك عن اللى مايعزك معزه=وصدك عن اللى يعتنيبك رداً منك
اللى يعزك لازم إنك تعزه =وتلعن معه طول الليالي تضامنك
لاصار في لازمك عجلٍ مفزه=اكبر خطيه في لزومه تهاونك
والصاحب اللى صحبته بس رزه=مثل العدو اللى قبل ساكتٍ عنك
لاتجرح شعوره ولاتستفزه=وترى الكلام الشين دايم يشينك
واهل النفوس اللى قبل مشمئزه =إحذر ضعنهم لايباري ضعاينك
وللهرج حزاتٍ وللصمت حزه=ومن لايعرفك معرفه مايثمنك
وإكان عينك كل دربٍ تقزه=إعرف ترى غيرك عيونه تعاينك



وله ايضاً
الشيخ جعل الله يطول حياته=عن حال بعض المجتمع ويش يدريه
يمسى ويصبح ما تعدى بناته=ومن الدراهم ضايقاتٍ مخابيه
ومدام هذا للاوادم وصاته = لاطايع ٍ علمه ولانيب عاصيه
ولاكل ماوصى الرسول بسواته =فرضٍ على من كان مسلم يسويه
هذى حقوق المال وإميزاته=عند الذى ربي من المال معطيه
والمال يعرف صاحبه واجباته= ماهو بحاجة طالب العلم يفتيه
لو عندنا شي ٍ دفعنا زكاته = مير البلا ماعندنا ما إنزكيه[/poem]
ولي عوده مره اخري انشاء الله

ابن رويل

شكرا على مشاركتك الرائعه

وسعود هو اللي يقول


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا تزكي قلت والله مازكي = والا اذكر اني ياعرب يوم زكيت
الموجب ان الفقر عندي متكي = ماكنه الا واحدٍ من هل البيت [/poem]

سلمت احسنت على ها النقل الطيب.....

ابن رويل

يا مال العافيه على نقل قصيد الشاعر المعروف سعود جمعان

وصح السان الشاعر

احتر////////مي

[hide][glow1=#FFFF00]مشكور
اخي ابن رويل على النقل الرائع
وسلمت يداك
تقبل تحيات
اخووك
الـــحـــ شيخ ـــمـــاديـــن[/glow1][/hide]