طلب عالسريع لمشتركه جديده

[align=center]السلام عليكم ورحمة الله وبركاته



أشلونكم يا إخواني عساكم بخير إن شالله


حبيت أطلب القصيدة للبيت التالي وأسم الشاعر لوتكرمتوا



الولد وإن طاب طيبه من خواله
وإن تردى قال جوه الذاهبين




وسعيكم مشكور مقدماااااااااااااااااااااااااااا[/align]

اخي العزيز

القصيدة لبن الذيب العجمي

الان ماحفظ منها شي لكن اوعدك باحضارها قريبا


تحياااااااااااااااااااااتي


..

[align=center]هلا اختي الكريمه منوره

اسم الشاعر كما ذكر اخوي الكبير ابو نادر

هو راشد بن حسن بن الذيب العجمي ( ابو الشاعر محمد بن الذيب ) المعروف

وعلى فكرهـ انتشرت بكذا صيغه وقيل انه تم تحريفها ,,[/align]

[poem=font="Simplified Arabic,4,crimson,bold,normal" bkcolor="transparent" bkimage="backgrounds/19.gif" border="double,4,crimson" type=1 line=0 align=center use=ex num="0,black"]
قالها إبن الذيب من هاجوس باله=كلمةٍ يلعب بها والبال زيني
قالها يومه طراله ما طراله=من هواجيسٍ تشيب المرضعيني
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طيني
ماش وين اللي عوايده الشكاله=مثل إبن ظافر حمد ليته يجيني
الثنا والجود دايم في خياله=علّمه ظافر سلوم الطيّبيني
جوّد العليا ولزّمها عياله=وأدركوا من علمته دنيا وديني
واهني من باع حظّه وإشتراله=سار في درب النبي وأخزا اللعيني
موقفه ماكل رجّالٍ يناله=ومن بغا ممشاه يقعد مرّتيني
وكم ذبح من حايلٍ من حر ماله=وعادته لطمة خشوم لعايليني
حالفٍ ماخذ على الطرقي رياله=وبالثلاث محرّم إنها ما تجيني
لا لقيت اللي على السكّه لحاله=يلتفت ويقول : وين المستحيني
أوقف الموتر حيا وأبغا الجماله=يوم ولد اللاش وجهه ما يليني
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينه من كلام الطيّبيني
الولد وإن طاب قالوا : من خواله=بالخوال يسال قبل الوالديني
وأركبه لعيون من زينٍ دلاله=ما تحاكوا في قفاه الرامسيني
ما بغى غيري وأنا مابغا بداله=قاعدٍ لي بالرجا مدّة سنيني
ما قعدنا فالعمل نبغا الرزاله=ناخذ العليا طريق الفايزيني
وأشرب الفنجال وأكب البياله=تابعٍ سلمي سلوم الأوليني [/poem]

[align=center]دمتي كما تحبين

منابع الطيب[/align]

مشكور اخي منابع الطيب


وبيض الله وجهك كفيتني عنا البحث عن القصيدة


يعطيك العافية







..

انت تامر امر يابو نادر


لاعدمناك طال عمرك


تحياتي

السلام عليكم ورحمة الله وبركاته

دخلت الموضوع قلت يمكن اساعد

مشكورين يا اخوان كفيتوا ووفيتوا

اختكم رهوفه