ديوان الشاعر الكبير فلاح بن مبرد الحميداني

[align=center]إخواني الأعزاء وأعضاء منتدى الحمادين يسعدني أن أضع لكم[/align]

[align=center]ديوان شعري للشاعر الكبير فلاح إبن مبرد الحميداني 00 عسى أن ينال

إعجابكم00 ورضاكم مع الرجاء التعديل علية من أخواني الأعضاء إذا كان

يوجد أخطاء أو تعديل00 كما أرجوو عدم الشكر والرد حتى ينتهي الديوان

وسوف أبلغكم حين ألأنتهاء[/align]


[align=center]عديت[/align]

[poem=font="simplified Arabic,5,blue,bold,normal" Bkcolor="transparent" Bkimage="backgrounds/4.gif" Border="solid,5,gray" Type=0 Line=0 Align=center Use=ex Num="0,black"]
عدّيت فـي راس الطويلـة وغنّيـت=أفرض رضا روحي على من كلفهـا
أغضبتها في موقف الطيب وأرضيـت=فكرٍ علـى درب المعاسـر عسفهـا
ياقوّ طاقتهـا بمـا شـال وأخفيـت=شيئٍ عليـه الـروح مـاالله كلفهـا
حاولت أغيّر في مجاريـه وأزريـت=ماينخصـم وجـه الحقيقـه عرفهـا
مـع الظّـروف بمقنعاتـه تقصّيـت=كم حلت به حيلـة تصيـب ونسفهـا
حتّى عليه من الغضب منـه ردّيـت=ردّة منزّحت السّـرب عـن عطفهـا
لا شكّ ماصـارت علـى ماتورّيـت=عند الغضب تخطي المصيبـه هدفهـا
جيته ليـا جيـت مطـوّع لعفريت=يخلي الجسد لاجى والى أقفى خطفهـا
وقفت مالي مـن جـدا إلا التنّاهيـت=ألعـن هكـا الحـزّة وحـظّ عرفهـا
ممّا بصدري سجت رجلـي وسجّيـت=أقنّـع النّفـس العزيـزة باسفـهـا
ما يرجع اللّي فات لـو قلـت ياليـت=دنيـا تخالفنـي علـى الله خلفـهـا
جلست فـي راس النّبـا واستمدّيـت=وحالي على غيـر أحتمالـي دغفهـا
كنّه لبس جسمي من الجـنّ عفريـت=يوم أرتهج وصفـوح طبلـه رجفهـا
نسنس هـواه اللّـي يهـزّ المنابيـت=صلفن ليـا هبّـت هبوبـه عطفهـا
هـواه حنّـت منـه روس النّحاتيـت=وتجاوبـت خضـر الجريـد بسعفهـا
قامت تصافقهـا هبـوب السّباريـت=لين العذوق الخضـر هلـت حشفهـا
ورّانـي الدنيـا عـلـى ماتمنّـيـت=هـدّم مبانيهـا وحـطّـم تحفـهـا
ضربه يفتّت عالـي السقـف تفتيـت=من أعلى طوابقها ليا آخـر غرفهـا
يشتّـت المجمـوع بالقـوع تشتيـت=صبّاتهـا كبـر الأظافـر شظفـهـا
من عابرات ماتمشّى علـى الزيـت=أحـدث صناعـات الخبيـر اكتشفهـا
فكري موقّتّها على الضيـق توقيـت=لو أطلب الصنـع المحـرم صرفهـا
هيجات فكري تجمع الحـيّ بالميـت=صنع الخفايا معجـزة مـن وصفهـا
دخلت في مثل الظلام وطفـيّ الليـت=وشـدّ الستـارة بالخيـوط وكشفهـا
أدرج شريطـه بالجهـاز وتحلّـيـت=يمشي على نـون النواظـر سلفهـا
تتابعـت فـزّات روحـي وفـزيـت=وكـنّ الوجيـه الغايبـات تعرفـهـا
تدفقـت عبراتهـا يــوم ونـيّـت=وجفني غسلهـا بالدمـوع ونشفهـا
في راس مرقاب العنـا ليـن ملّيـت=من عصر لين الشمس كفت طرفهـا
مع العذاب أبحرت وأحترت وأمسيـت=كنـيّ سفينـة نـوح ممـا صدفهـا
خوفّني الهاجـوس ليـن أستخفّيـت=وفكّ الحصار وقـال دنيـاك شفهـا
يوم أستهاض وهاض وصّفت واصفيت=نقعة بحـر لـو زاد ماهـا نشفهـا [/poem]



[align=center]الحلم[/align]

[poem=font="simplified Arabic,5,red,bold,normal" Bkcolor="transparent" Bkimage="backgrounds/4.gif" Border="solid,5,skyblue" Type=0 Line=0 Align=center Use=ex Num="0,black"]
وش حلّ حلمي يامفسّرت الأحـلام=للحلم أبي لي من هل العلم تفسيـر
اللّي بلاجنحان يصعـد ليـا هـام=يحوم في كبد السّماء حومة الطيـر
وش لون حلّ الحلم في حكم الأسلام=لا حمت فوق مركّـزات المعاصيـر
أنا عمـاً غافـلٍ بلـذّات الأنعـام=وابا أزعج المبصر بعرض التصّاوير
مشاكـل المخلـوق تيّـار الأيّـام=الوقت هايـج واللّيالـي معاشيـر
يعلم بها اللّي عالمٍ حمـل الأرحـام=المعتلـي منـه وعليـه التّدابيـر
ماهي بسلعه بيـن بايـع وسـوّام=فرضٍ من الخلاّق حكـم المقاديـر
بالنّاس منهو يجمع الكنس بخمـام=وفيهم من اللّي يصرفون الدّنانيـر
وفيهم من اللّي يعطب الطّق بلحـام=من ضربته جمع الحديـدة تنانيـر
بلشت مابيـن الحقيقـه والأوهـام=وأخشى يجي نفع الحقيقة معاذيـر
في غابـةٍ يلهمنـي الهـمّ بالهـام=بين الـورود الفاتحـه والعصافيـر
غديت أنا ويّا الهواجيـس بازيـام=تفرّني فـرّ المكينـة مـع السّيـر
ضرباتها بالكبد من نبـل الأسهـام=وش فايدة فكري برفـع التقاريـر
زاد الحساب اللّـي بعـداد الأرقـام=وعجزت لا القا للمفاتيـح تصفيـر
[/poem]


[align=center]الخيـــــل[/align]


[poem=font="simplified Arabic,5,sienna,bold,normal" Bkcolor="transparent" Bkimage="backgrounds/1.gif" Border="groove,5,crimson" Type=0 Line=0 Align=center Use=ex Num="0,black"]
يامـا نقلتـي مـن سـلالـه وسـلّـه=صنـع الفرنجـي والعيـال المداهيـش
تغذْيـن مـع شـولٍ تباريـن جـلّـه=ليا جا من الضـدّ المجـاور ختاريـش
لاصاح صيّـاح الضّحـى وفزعـن لّـه=جـرد السبايـا مـع زراج النشانيـش
يجـنّ ايديـهـن يطـرقـنّ الأجـلّـه=ضرب الحوافـر مثـل دقّ المهابيـش
لاباينـن مـع راس حـدبـاً مطـلّـه=وشيف السّلف قد شرعوا به هل الجيش
ورداً مثـل ورد القطـا واقبلـنّ لّــه=وكثرة صوايـح ناقضـات العكاريـش
ينخـنّ شغمومـن علـى عـادةٍ لّــه=عليه جوخـه والمـزرّج غلـب ريـش
ماقـطّ شافـوا لـه بالاكـوان ذلّــه=ينطـح سهـوم مخالفـات النواتيـش
وتواجهـوا كـلٍّ علـى ماحصـل لّـه=بيـن الفـزع ومدوّريـن المعـاويـش
وعندك خبر من هاش مـن دون حلّـه=ماينطحه بالهـوش حمـر الطرابيـش
يقلط على الصّابـور(1) لعيـون خلّـه=لوقدمـه العجـمـان والا الحناتـيـش
هـذاك هـو دورك وراعـيـك حـلّـه=ليا وصلـوا المظهـور والا القناطيـش
واليـوم لـك مابيـن ددسـن وفـلّـه=ما انشدك عن راعيك ركضك على ويش [/poem]

شكر ابوعبدالكريم وصح اللسان الشاعر --
فلاح مبدر الحمـــــــــــــــــــــــــــــــــــــــيداني

[align=center]قالوا علامك[/align]

[poem=font="Simplified Arabic,5,black,bold,normal" bkcolor="royalblue" bkimage="backgrounds/5.gif" border="groove,5,blue" type=0 line=0 align=center use=ex num="0,black"]
قالوا علامـك مـا تقـول القوافـي=وأقول انا ماني بعجلٍ علـى القـاف
كمّ كلمة كثـرت عليهـا الحسافـي=وكمّ ضاع من بين المخاليق ميقـاف
اللّي لمست من أكثر النّـاس كافـي=ياقلّ من فعلـه يشـرّف وينشـاف
بالنّفس عن بعض المواقف عفافـي=عن الطّمان أبدي على راس مشراف
لي مع بعيديـن الهقـاوي مطافـي=ولى دون عوجان المناهيج محـراف
واليا استوى المعنى على رسم قافي=لابد ما يظهر له أنصـار وإنصـاف
من واحـدٍ يعلـم كنيـن الخوافـي=علاّم سرّ الكـون يرجـى وينخـاف
هو خالقـي لـه ذلّتـي وأعترافـي=هو القدير بكـلّ شـيٍّ هـو الكـاف
هو الّـذي عنـد المواعيـد وافـي=وعلى وعيده تلحق اسلاف باسلاف
كم صفصفٍ يرفع عمـاره يشافـي=وكم عامرٍ ساوى مبانيه صفصـاف
تذري عليـه مصافقـات السوافـي=تطرد به السملول من عقب الارياف
دنياً اليا جا فـي هواهـا اختلافـي=من حكمة المولى لها عشق وعياف
ما جت على كيف الرديّ والسّنافـي=ذى قدرة اللّي خالقٍ كـل الاصنـاف [/poem]


[align=center]سود الليالي[/align]

[poem=font="Simplified Arabic,5,darkblue,bold,normal" bkcolor="skyblue" bkimage="backgrounds/8.gif" border="ridge,4,black" type=0 line=0 align=center use=ex num="0,black"]
سود اللّيالـي حدثهـا ماينسّينـي=ماني بتبعٍ حـدث ماضيـه ماهمّـه
ماني رديٍّ ولانـي مـن ردييّنـي=والطيب محدٍ قفـل بابـه ولا كمّـه
من روس ربعٍ مواقفهم تهقوينـي=حبل المواريد مايقصر عن الجمّـه
أفخر بربعي ليـا قالـوا حمادينـي=يوم انّ ساس الردي يكره بني عمّه
اللّي غرس حبّهم طبعي وتكوينـي=فرضٍ على الروح مثل الدين والذمّه
فكري على المنهج الطّيب مقدّينـي=يوم ان خطوا الولد يتبع وصاة امّه
المشتبه ما يجي دينه علـى ديـني=ساس الردي والبخيل وناقل النمّـه [/poem]

[align=center]هذه القصيدة من قديم الشاعر فلاح الحميداني[/align]

[poem=font="Simplified Arabic,5,darkred,bold,normal" bkcolor="burlywood" bkimage="backgrounds/8.gif" border="outset,5,darkblue" type=0 line=0 align=center use=ex num="0,black"]
راكب اللّي حرّكت وأستـدارت بالمطـار=شغّلـت بنكاتهـا واستعـدّت للمطـيـر
قابلت للنّـود واوقـف لتزويـد العيـار=وشلّعت تشليعة اللّـي مسابيقـه حريـر
وارفعت سمر العجل يوم ضفّت باشتهار=يوم ضفّت كنها فـرخ قرنـاس صغيـر
من طراز الميج بالجوّ عجـلات الطيـار=لعنبوا سوّاقهـا كيـف فكـره مايحيـر
نجّبوها في لزومي على موجـب قـرار=يوم شافوا منيّ الحال يادهيّـس ضريـر
بلّغ السواق بأمر مـن الحاكـم وسـار=ورسموا له بالخوارط مسافات المسيـر
يوم جا الشعبه ونزلّ كفّرهـا واستـدار=قال وين أنزل وقلت أنت في شغلك بصير
قال كيف انزل على سهلتن مافيـه قـار=قلت ملزوم نزولك لـو المنـزل خطيـر
لازم أشوف الغضي ولو لمحـت بصـار=لين أشوفه في عيوني ويرتاح الضميـر
عنق ريم قادت الصيد في تالـي النهـار=يوم سمع الرمي قاد الجميلـه مستثيـر
عينها عين أشقر من صواريم الحـرار=توّ جا طـرح الشبـك جايبينـه للأميـر
الوصـوف حـزوف وردوف صـغـار=في نظر عينها لأهل الهوا شـرٍ شريـر [/poem]

[align=center]تواضعي[/align]

[poem=font="Simplified Arabic,5,blue,bold,normal" bkcolor="transparent" bkimage="backgrounds/11.gif" border="solid,5,seagreen" type=1 line=1 align=center use=ex num="0,black"]
تواضعي بالطيب لاظهـار كبـري=في ماقفٍ يصعب علـى مستخبـره
ماضيق من شبرٍ ورى قوس شبري=يغضبني القاصر على شين دبـره
عليه من مقياس كـفّ المحبـري=مايحتميبـه لـو مثانيـه جـبـره
للنّاس في شين السّجايـا تعبـري=ولـو ماتمشّيهـم بالايـام عبـره
ولو يدرجون بهرج الاعراب عبري=وأدقّ بالتعبير مـن سلـك الابـره
اجيبها من ناتـج الفكـر جبـري=من فايض افكارٍ لهـا زود خبـره
فكرٍ مفاهيمـه للامـراض تبـري=طبٍّ يعالـج روح شـراب صبـره
نشرات فكري ما قراهـا باهبـري=منهـا مفاهيـم البشـر مستعبـره [/poem]


[align=center]حمر العقارب

قصيده في الشيخ متعب بن فيصل بن سقيّان[/align]

[poem=font="Simplified Arabic,5,sienna,bold,normal" bkcolor="burlywood" bkimage="backgrounds/11.gif" border="solid,5,seagreen" type=1 line=0 align=center use=ex num="0,black"]
دنّولـي اللّـي للّـوازم يـقـرّب=أدهم حدب له نازح الـدّار قـارب
ليا ارتفع ضغطه بزيتـه تشـرّب=واقعد على الطبلون حمر العقارب
يفزّ مثـل اللّـي عليـه المهـرّب=ممشاه فرق و في مقامه يقـارب
كنّه اليا خـمّ الطريـق و تكـرّب=مع ضيّق المجرى حصيل المسارب
سبّـاح دوٍّ دونـه القيـظ سـرّب=روس الروابي فيه مثل القـوارب
عليه منيوبٍ من الشـرق غـرّب=حاديه هاجوسٍ هـواه امتضـارب
دربه يدلّه واتّكالـه علـى الـرّب=امليح(1) ميراده عذيّ المشـارب
ينشد عن البيت القديـم المعـرّب=ماينتخفّـى بيّـنٍ بيـن اقــارب
للضّيف من تأسيس فيصل مجرّب=تنصاه بالشّده طـوال الشـوارب
بيت الكرام اللّي صغيـره يـدرّب=يطلع خلفها من سلفهـا مقـارب
متعبّ ولد عطّـاف حـدّ المـذرّب=بالكون من يمناً تجيـد المضـارب
له عـزوةٍ تعـرف ولا تنتقـرّب=تذكر وينسى غيرهـا بالمكـارب
عنها النشّامـا بالملاقـا تهـرّب=يعطون من عقب الوجيه الغوارب
أبي من الفعـل القديـم المجـرّب=وقفة غضب ماهيب لاهل التجارب [/poem]


[align=center](1)[/align] [align=center]مليح: بلدة ابن سقيان في طويق بين الغاط والزلفي[/align]


[align=center]حن العليل[/align]
[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=ex num="0,black"]
حنّ العليل وهـزّه الشـوق للولْـف=هزّ الهوا لغصون نبت الشّفاشيـف
صيف وعليه من الجنوبي هواً صلْف=منها دقاق النّبـت عـوجٍ مهاديـف
متمكّن بالجوف جرح الهـوا كلْـف=سهرٍ بضيق وغمضة العين تخريف
من الوليف اللّي مشاكل هواه ألْـف=مكتوبةٍ لالي ولالـه علـى الكيـف
على طريق الشّوق عكس الهوا خلْف=ولافي يدينـي للمقاديـر تصريـف
إلاّ الوفا ومعالـج اليـاس بالحلْـف=تجديد عهد أهل القلـوب المواليـف
لوكان هذا هو سبب حالـي التّلْـف=روحٍ نصوح ونوح معدوم توصيـف
مقسوم ضرب سهوم بمزارق الشلْف=بين الخصوم الخوف من سلّة السيف [/poem]

[align=center][align=center][align=center][align=center]ياعاذل المشتاق[/align]

[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياعاذل المشتاق مافيـك تقـوا=ولافي فؤادك مثل مابي حروقـي
لا شك أبا أصبر للدهر والله أقوا=لو أن لذّاتـه تحـش العروقـي
يوم الله أبدا الخلق ربحٍ وشقوا=متصرّفن منه العنـا والوفوقـي
سقوا ليا منيّ تريّحـت سقـوا=عرفت تسعير المبيعه بسوقـي
اكتال من هقوه على من تهقـوا=يرجح بها الميزان عند الحقوقي
[/poem][/frame]



[align=center]البــارق[/align]

[frame="10 80"][poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سرا بارقٍ ساقه نسيـم الهـوى حـدر=على غير مجراه الطبيعي سـرا نـوره
تكاشف مزونـه بالدّجـا بارقـه نـدر=على الخدّ هلّ من أطرف السّود شختوره
عسى الله يعين اللّـي يشوفـه ولاقـدر=على قطف زملوقه ليـا بانـت زهـوره
يجازيـك يالايـام مشروبـهـا كــدر=الايّام مـع سـود الليّالـي لهـا دوره
تزيّـن لهـا وقتـن وعاداتهـا الغـدر=ليا ذّوقت من حلوهـا تقلـب الصـوره
ليا قلت قلبي طاب ومن المـرض خـدر=تسبّب بـداه مـن المخاليـق دكتـوره
أبـو لبّـةٍ عفـرا كمـا شعّـت البـدر=تكاشف ورا شقرن على الصدر منشوره
قبالـه دقيقـه كنّهـا ليـلـة الـقـدر=تمتّع بها نفس مـن الحـب مقهـوره
عليّه من المجمول حكم الهـوى صـدر=حكمني على كيفـه بقانـون دستـوره
جداي افرك الكفّين والطم على الصـدر=كما لطمت الشيعي ليـا حـل عاشـوره [/poem][/frame][/align][/align]


[align=center]خانة الدنيا[/align]
[frame="4 70"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خانت الدنيا بهـا أفكـار مـن فكّرتحيـر=من تخاليف الدّواليـب مـا فيهـا قـرار
لو صفت في يوم باليوم الآخـر تستديـر=ما يجي من حلوها كثـر ماتعطـي مـرار
صار ممشاها بها الوقت مع مجرى عسير=غيرت منهاجها الزيـن والوقـت أستـدار
طمّنت روس الحمايـل مدلّهـت القصيـر=الرجال اللّي مـن أول لهـا قـدر ووقـار
وأرتفع فيها رجال أسم والأ الفعـل غيـر=صار طيب اليوم لأهل المناصب والتجـار
كـم تلقّـي وجههـا واحـدٍ مافيـه خيـر=لانصوه أهـل المواجيـب طيبـه بالعـذار
من عجب ماشفت فيها وانا تـوّي صغيـر=آخر الوقت أشترى الخيل ركّـاب الحمـار
قبـل مايقنونهـا إلا مفـرّحـت النـذيـر=لاسمـع فـي سربـةٍ حاولـت هكالديـار
لا توكّد بالخبـر واوصـل العلـم الأميـر=قال خفت يحاولون العرب مأنتـم حضـار
قال لّه علمك وصل وصّلـك ربـي لخيـر=بس مانرحل عن الدار لو راحـت عمـار
من كتبله طولت العمـر ماعمـره قصيـر=ولاتطول أعمار نـاس كتبهـا الله قصـار
يوم ثاني بالضّحى جاهـم الراعـي مغيـر=صاح بأعلى الصوت يالابتي يأهل البكـار
لجّ كلّ النجع صوت الكبير مـع الصغيـر=وأهل العادات ركبوا علـى قـبّ المهـار
جلّعن مثل القطا اللّـي يبـا نقعـة غديـر=صافقه لاهوب صيـفٍ ميبّسـن الخضـار
يوم شافوهم ولحقـوا علـى شـرٍّ وخيـر=اسهمت بمجرّب يوم شاف الجمـع أغـار
ضاريٍ في جدعة الشيـخ باليـوم الكبيـر=لا تلاقـن السبايـا وحـسّ الهيـج ثـار
وارده باللّي تداوي الغليـل مـن المغيـر=مانسى الصيحه وهو يسمع حنين أم الحوار [/poem][/frame][/align]

يــاه يا ســيدي الـــكريم

أضـــأت حــلكة قـــلوبنا بهذا الـــجمال الشعــري الآخــــاذ ,,,

فلقد كانت قــصائده كــقناديل مــعلقة على أسقف أرواحنا لتشعلها باستمرار

ما أبـــهى ما قــرأت هنا وما أروعــــه ,,,,


لا أملك سوى أن أقول ســلمت أناملك الذهبية يابو عبدالكريم على هذا المجهود الكبير والأكثر من رائع


وبانتــــظار البــقية


لا خلا ولا عدم

تحياتي لك

يعطيك العافيه يابو عبالكريم على هالمجهود الطيب ماقصرك

نقل رائع لقصائد شاعرنا الكبير ومدرستنا الشعرية

الشاعر / فلاح بن مبرد الحميداني


اتمنى لو كانت القصايد في صندوق واحد فقط


تحياااااااااااااااااتي


..

[align=center][frame="2 80"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دع الحــال
دع الحـال يـا عذالهـا لا تلومهـا=ينبيك مظهرهـا بخافـي همومهـا
ليا عسعس اللّيل الغدر حقّها السهـر=ليا طاب نوم الناس ما طاب نومهـا
تحلّل مشاكلهـا وتحتـار وضعهـا=على خارطة فكـرٍ يبيّـن رسومهـا
إن كان تعطيها من العـرف تجربـه=ما تمتلك بالفكـر ربـع امعلومهـا
وضعي مثل وضع الخلاوي مع الفلك=لياليـه قضّاهـا بحسبـة نجومهـا
من قال أنا جرّبت بالوقـت وأفتهـم=يجهـل بمقبلـة اللّيالـي علومـهـا
وزين الرجـال أفعالهـا لا بشكلهـا=ولافي ملابسها ولا فـي جرومهـا [/poem][/frame]


[frame="10 80"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دنيـــاً تــدور
دنياً تدور وكلّ عالـم لهـا دور=تدبيرها في حكم علاّم الأسـرار
تبيّن اللّي بآخر الوقـت مذكـور=ماقاله التاريخ في عصرنا صـار
أضفى الله النعمه على كل مقصور=أكبر دليل القطو ماياكـل الفـار
وقتٍ رخا ماعاد يسنى على الثور=من عقب مايعطى المناحي للأبيار
عاشت طيورٍ بلا مخالب ودنقور=قامت تحصل صيدها درج وطيار
صار الوفا معدوم والشين ميسور=تبنيه عشـاق النذالـه بـالأدوار
للعيب حطّوا تالي الوقت ديكـور=تنقيش ملبوس القراطيس بجـدار [/poem][/frame]


[poem=font="Simplified Arabic,4,black,bold,italic" bkcolor="transparent" bkimage="backgrounds/13.gif" border="solid,4,darkred" type=0 line=0 align=center use=ex num="0,black"]
دُولاَب الضّمَايِرْ
قصيدة سلام موجهه للأخ العزيز الشاعر برجس بن عصّاي العتيبي ،،،
والعصاي بينه أبو بدر رفقه قديمة وصداقة
البارحه يـوم أدبـح الليـل وأنـدار=دكّن علـيّ هجـوس قلبـي مناحيـر
فكّيـت دولاب الضمايـر للأفكـار=مستعرضٍ موجـز كلامـي بتعبيـر
بابيات نظم الشعر زينات الأسطـار=صّورتها من دقـة الفكـر تصويـر
تبقـى معانيهـا لـلأيـام تـذكـار=للّي عليه بهاجـس الفكـر تقصيـر
فكّـرت بالدنيـا والأيــام عـبّـار=ذولـي مقابيـلٍ وذولـي مدابـيـر
تجري بنا مجرى السفينـه بالابحـار=دنيـا مدبّرهـا ولــي المقـاديـر
دنيـاً سوالفهـا طويـلات وقصـار=ويبدي بها مع مبـداء الأيـام تغييـر
كمّ ماعرف عنها وكمّ تخفي أسـرار=ولابه حدٍ يعطي عن الكـون تعبيـر
ومن بعد ذلـك يانديمـي بالابصـار=ياعزّ راسي ياعضيدي علـى الغيـر
بالله خـذ لـي هالرسالـه ومقـدار=ساعه توصلهـا زبـون المخاسيـر
ملفاك برجس مكرم الضّيف والجـار=علـى اللّـوازم مايعـرف المعاذيـر
من حين تجلـس دلّـة البـنّ تنـدار=وتصحب بترحيب المـوده وتقديـر
ويبـا يخصّـك لابديتـوا بالاخبـار=عنّي فقل يهـدي التحيـات وبخيـر
منيّ سـلام عـدّ همّـال الأمطـار=وأحلى مـن السّكـر بـدر المباكيـر
حيثه عليّ أشفق مـن الوالـد البـار=لأغلـى عيالـه باللّيالـي المعاسيـر
الطيب ساس وطيّب السـاس مابـار=ولو طاب قدامـه رجـالٍ مشاهيـر
قدّامه العصّـاي صلبيـن الأشـوار=مقـدم عيـالٍ ينطحـون الصوابيـر
دلابحـه لامـن عـجّ الرمـك ثـار=لاصاح صيّاح الضحى عقب تحذيـر
آلاد روق اللّي يدوسـون الأخطـار=مركاضهم يشبع به الذيـب والطيـر
واللّي يبا يزعـل بمدحـي للأخيـار=يضرب براسه في حصى هضبة النير
قلته وأنا مالي ورى الناس مضمـار=أنا حميدانـيٍّ علـى الشـرّ والخيـر
من لابةٍ يـوم الحرايـب لهـم كـار=السّربـه اللـي يحتمـون المعاشيـر
ياما رموا بأرماحهـم طيّـب أذكـار=وعليـه داسـن الرمـك بالمساميـر
ولانـي بذمّـام لوافيـن الأشـبـار=كلٍّ يموح براس حبلـه مـن البيـر
وصلاة ربي عـدّ ماينبـت أشجـار=وعداد ماغرّد علـى غصنـه الطيـر
على رسولٍ في طريق الهـدى سـار=بأمر الإلـه وقـرّر الحـقّ تقريـر
_____________________________
رد الشاعر برجس العصاي
جوّ الفرح
أهتزّ عرش القلـب والبـال محتـار=في غبّةٍ يسبـح بهـا الفكـر ويحيـر
وأخذت مع موج الهواجيـس مشـوار=حتّى صفى جوّ الفرح عقـب تكديـر
فرحت فرحة سالـمٍ غـبّ الأضـرار=وأفرح من اللّـي يكسبـون الدنانيـر
ياعلي هات لي القلـم وأشعـم النـار=من شان أصخّر عاصي القاف تصخير
لياملت في سوق التماثيل أبـا أختـار=كنّي على فـرغ العيـون السواهيـر
يامرحبـا ترحيبـةٍ سـرّ وجـهـاربر=سالةٍ مـن صـادق القلـب تفسيـر
أهلا عدد مـن طـاف بالبيـت زوّار=وعـدّة هماليـل السحـاب المزابيـر
ومن بعدهـا ياراكـب شـدّ بيطار=مكرّرٍ في مصنـع الجمـس تكريـر
ماتسمع إلا صـوت سيـره ليـا دار=ماصدّ بلفه عـن عمـود العصافيـر
إليا حداه مـع أجـرد القـاع جبّـار=يفرض عليه يقـرّب البعـد ويصيـر
دندون غدراً ضابـط وزن الأقطـار=ينـدلّ بالحكمـه وحفـظ المواثـيـر
يعمل على ممسـاه قصـد بالأنظـار=ويلـقـى دروبٍ وارداتٍ مصـاديـر
موجـهٍ صـدره شمـالٍ بمـحـدار=عسـاه يكتبلـه مـن الـرب تيسيـر
مدهـال ربـعٍ يجذبونـه بـالأذكـار=أهل الفعايل يـوم سـوق المظاهيـر
القصر مايبنى بـلا سـاس وجـدار=والمـدح للطّيـب شهـاده وتشهيـر [/poem]


[frame="4 80"][poem=font="Simplified Arabic,5,deeppink,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سـرى الليــلْ
سرى الليّل كلّه والمصلّي نصى الجامع=وانا اخيل نـوّن نازحـاتٍ مرابيعـه
صدوقٍ من الرعّاد والبـارق اللامـع=ينثّر دقاق الما علـى يابـس القيعـه
صفا نقع شهلوله على مشرعه قامـع=عسيرٍ على الورّاد صافـي قراطيعـه
قريباً من الحدّاث عسرٍ على الطامـع=ربيعـه ورى حـدٍّ تعسّـر مطاليعـه
جديدٍ زهر نبته على مشرعـه شامـع=تداخـل نباتـه ماتعشّـا جرابيـعـه
يدير الهوى فكري على مخلف الرامع=تصافا خفى روحي وجوهر مواضيعه
اصوّر بنون العين من طبلة السامـع=معامل خبير الروس واسرار تصنيعه
[/poem][/frame]


[frame="5 80"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
سلام الله
سلام الله على اللّي هرجته بالحب مكتومه=بصيرٍ بالكلام ولا تنطّق منطقـه حالـي
يسولف له على ناسٍ ولايدرون بعلومـه=ولا منهم حدٍ يفهم معاني هرجـه التالـي
لأن الهرجه اللّي جابها المملوح مقسومـه=عطاهم مجمل الهرجه وفيها رمز غربالي
وأنا اللّي مثلهم مايفتهـم للرمـز مالومـه=سمينٍ مستريح البال عن درب الهوا سالي
ماهو مثلي شعا قلبي سوالف زاهي أرقومه=بمبدا الهرجه أبعدني وتالي الهرجه أثنالي
مليح الزول حبه بالضماير بانت رسومـه=هجوسي له تودّيني ولاجن أشغلـن بالـي
قعد قلبي يسولف به لو أنّه في حلا نومـه=صحيح القلب ما يلعب به إلا واحد غالـي [/poem][/frame]


[poem=font="Simplified Arabic,5,white,bold,italic" bkcolor="transparent" bkimage="backgrounds/3.gif" border="groove,6,silver" type=2 line=0 align=center use=ex num="0,black"]
سيّرت للشّـوخ
سيّـرت للشـوخ عنـوان المطيريّـه=نـوادرٍ مايهـابـون المخاسـيـري
شوخ القبيلـه لنـا منصـا وماليّـه=في مثلهم يستـوي قافـي وتعبيـري
دوشان اهل شيخةٍ من سـاس جدّيـه=عيال ماجد من الـروس المشاهيـري
ربـع فنـوا قبلهـم وفعولهـم حيّـه=لهم على لوحـة التاريـخ اساطيـري
ابطال اهل عزوةٍ بالضيـق منخيّـه=لاذيّرت مـن مراتعهـا المعاشيـري
يردون حوض المنايـا بيـع وقفيّـه=اخوان جوزاء مكسـرة الطوابيـري
يوم المراكيـض والاحكـام عرفيّـه=ياما ثنوا سربـه واقفـت مدابيـري
مـن البدايـه زعامتـنـا دويشـيّـه=في كل عهد لهـا وارث وتطويـري
شـوخٍ عليهـا بيـوت العـزّ مبنيّـه=نفخر ونذكر وجيه الخيـر بالخيـري
نصيت هزّاع واهل الطيـب منصيّـه=وصادفت طير السعد راع المغاتيـري
عبـدالله اللّـي بـه الامثـال معنيّـه=قبل امدحه قد سمعت المدح من غيري
ردّ الثنى حـقّ والاعمـال مجزيّـه=اخصّ من خصّني من دون تقصيري
اخـوان هـزاع مافيهـم دوينـيّـه=نعم بهم من كبيـر السـن لصغيـري
ترحيبةٍ مـن فـروخ الحـرّ جديّـه=تجلا صدى الكبد من بعض المساييري [/poem]


قصيده معايده لصديقة ( عبدالمحسن بن أبراهيم اليحيى)
بعد أن زاره يوم العيد ولم يجده وترك له هذه القصيده.
[frame="7 70"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صبح العيد
اليوم صبـح العيـد عـادت لياليـك=طقّيت ماجا من هـل البـاب فكّـاك
ماعاج دربي عنك أغيظه بطاريـك=وألعن مناسبـةٍ ليـا جيـت ماألقـاك
أضيق والحظ ألعنـه ليـن يطريـك=وأقرّ وأشهد له وأراضيـه لرضـاك
لو غبـت عنـك مناسباتـي تبديـك=وباق السنه لو راح يـوم يجـي ذاك
اسعد بهـا يـومٍ يجينـي بطاريـك=وأحيي سمر ليلٍ طرقنـي بذكـراك
ماقلتها مقضاة حاجه وأبـا أغريـك=تعبير عـن ملـكٍ ماابيعـه لمـلاّك
ماهي بطبـع لسـان منّـي لذانيـك=صنع الوفا من طيب حظك ويمنـاك
دنياي من حمـر النعـم ماتساويـك=ولا جودتني في سببهـا بالأشـراك
ماحركتني لين جـت مـن تواليـك=يمّك على مهياف جـرفٍ لـلأدراك
يوم أرتهج صاف المشاعر لصافيـك=شاف الخجل عن واقعه عرف ضحّاك
[/poem][/frame]


[poem=font="Arabic Transparent,5,red,bold,italic" bkcolor="transparent" bkimage="backgrounds/8.gif" border="inset,8,skyblue" type=1 line=0 align=center use=ex num="0,black"]
نظرة العاشق
قصيدة بالشيخ حاكـم بن مطلق الجبعا ،،،،
يوم دوّجت أمس بسدير والنّفس اسمحـت=التفتّ بنظـرة الشّـوق للبنـز الصغيـر
نظرة العاشـق لمعشوقتـه يـوم الفحـت=لاقله حلو الزميّم علـى الوجـه النويـر
بالسّويك النار والسلف والصّافـي بحـت=يرتهـج وارد بواجيـه ونـداق الذخيـر
لاسحبت القير واهتـزّ فـزّت وانزحـت=فزّة اللي صدّق الخشم عن شوف النظيـر
واندفعت موّرد النـار بالـدّو وّاسبحـت=من ثمانية البساتم على الشاصي القصيـر
الطريق ليا ارتكالـه نحرهـا وادبحـت=قام يرعد مقدم الشبك من صفـق العبيـر
كنّه اللي شاف من حومته طلعـه تحـت=انحذف مع ضفّة الريش لـه قـدام طيـر
من سدير بعصرها للصّـداوي روّحـت=ماقفلت سويكها الا علـى بـاب الاميـر
من هلا مع دخلة الباب حسّاتـي محـت=من غلا شيخٍ ليا جيت هلاّ مـن ضميـر
قال علمك قلت ولـدت حويـه ولقحـت=شيٍّ ماعمري سمعته ولا ظنـي يصيـر
حرب سـوة خطـةٍ ماتسـوى ونجحـت=يم عرعر مشتكـي بالحفـر هـدام بيـر
علمنا كد جا حـروب المدينـه وفرحـت=وجيت أبا نقض القضيه لبوك مع الظفير
كد صدر حكم الشريعه قصاص وصرّحت=قال مايذبح بدال العراقـي مـن مطيـر
[/poem]


هذه قصيده فخر للشاعر فلاح بن مبرد الحميداني
بقبيلته لعلها تحوز على رضاكم[poem=font="Simplified Arabic,5,blue,bold,italic" bkcolor="transparent" bkimage="backgrounds/7.gif" border="none,4,gray" type=2 line=1 align=center use=ex num="0,black"]
مواقف معجزات الطيب منـا=عوايدنا و من عادات اهلنـا
نبين اليا تخفـى كـل هابـي=ليا منه ربض ربضت مهنـا
مدام اني هل العادات ربعـي=لك الله غير ربعـي ماتمنـا
سلايل سربت ٍ تـرد المنايـا=هل العـاده مزبنـت المجنـا
فكم من فارس بنحور ربعـي=بعد طعن القنا طـاح وتثنـا
قعد في تختخن مافيه ساكـن=عليه الطير والسرحان غنـا
سند والمسندي من روس شمر=ينشدهم ردي العـرف عنـا
حمادينـن مواقفنـا صعيبـه=منجين الدريـك اليـا زبنـا
خفيفين النفوس بوجه مقبـل=ثقيلين النفـوس اليـا دقلنـا
اخذ علمي وسلملـي عليهـم=اليا منه نشـدك فـلان عنـا
انا في كل دار ارفع مقامـي=اشيل الحمـل كلـه ماتونـا
عساهم مثل ماذكر يذكرونـي=ليا جت ساعـة ٍماسـد عنـا
هبييل ٍ يحسب الطيب كلمـه=يسولف في هواه اليا استعنـا [/poem]


[poem=font="Simplified Arabic,5,black,bold,italic" bkcolor="transparent" bkimage="backgrounds/16.gif" border="groove,6,seagreen" type=1 line=0 align=center use=ex num="0,black"]
قالوا مطيري
قالوا مطيري قلـت افاخـر بساسـي=مبنى شرف ما غيّره كـل وسـواس
للمجد ماخـذ مـن عـدوي قياسـي=نختار من وقفـات اهلنـا ونقتـاس
يوم الوفـا ومصادمـة كـل قاسـي=تعرف مواقفنا على قـب الأفـراس
اهل النقا واهل الشـرف والحماسـي=مطير حمران النواظر هـل البـاس
بنـوا لنـا بالمجـد رقـم قيـاسـي=كسارة الجمعـه بعيديـن الأرمـاس
من خيلهـم بـاد الحديـد السداسـي=وبادت خفوق الهجن من كثر الأمراس
مرسين لو كثـرة علينـا الحساسـي=بين الجنوب ونجـد وديـار عبـاس
وشيوخنـا مثـل الجبـال الرواسـي=شـوخ لهـم هـده ورده ومفـراس
دوشان بشيوخ العـرب مـا تقاسـي=روس عليها وافـي الطيـب ينقـاس
وعموم شوخ مطير تجلى العماسـي=شقر الحرار اللي حوت كل نومـاس
عوق الخصيم اللي براسـه يباسـي=يهابهـم عنـد اللقـاء كـل مدبـاس
واليـوم بيّـن بالأمـور انتكـاسـي=ضاع الوفا يوم ارتفع تافـه النـاس
وقامـت تعذربنـا وجيـه البساسـي=ويروجون لهرجة مـا لهـا سـاس
مرضى النفوس اللي تحب السواسـي=نقالـة الشينـه مواريـث الأنجـاس [/poem]


[poem=font="Simplified Arabic,5,black,bold,italic" bkcolor="transparent" bkimage="backgrounds/27.gif" border="double,8,sienna" type=1 line=0 align=center use=ex num="0,black"]
عفتْ الكـرَى
ياخضير من كثر السّهر ما اقدر اشوف=يومين والثالث مضـى نصـف ليلـه
عفت الكرى من هاجسٍ يطرق الجوف=خيّـم علـى قلبـي يـروح ويجيلـه
ياخضير حدّتنـا المقاديـر لظـروف=مقضـاة حاجـه بـسّ اهلهـا قليلـه
من جيت قدّم لـي معاذيـر وحلـوف=واللّـي هقينـا بـه عرفنـا حصيلـه
وصل الخبر منهاه ياخضير وتشـوف=ورّدت للـبـارود نــار الفتـيـلـه
خبّرت من تنصاه شيخان وضعـوف=شيّـال حمـل اللّـي عجـز مايشيلـه
امجربّه بالطيـب مانـي بموصـوف=رفيـق دنيـا مـن سنيـنٍ طويـلـه
مازيف الرفقه على شـان مصـروف=ولاعشت مع من طاب حظّـه يجيلـه
لابـد ماتخفيـه الايـام مكـشـوف=ان كـان عشنـا فالليالـي طويـلـه
[/poem]


هايف الميلاف
[poem=font="Simplified Arabic,5,black,bold,italic" bkcolor="burlywood" bkimage="backgrounds/30.gif" border="solid,6,gray" type=1 line=0 align=center use=ex num="0,black"]
هايف الميلاف بالنّايف وحنّي=من خلاجه لاج ماله بالمكاني
له موارد لو مضاميه أبعدنّي=كم فجوجٍ باجها زمل الصخاني
تنعرف بيض اللّهود أليا سرنّي=يخلفنّ الوصف الأول وصف ثاني
كم جبا عدّ وردنّه وصدرنّي=مضمياتٍ مثل الأقواس الحواني
شيب أشابيبٍ مماشيهن تعنّي=مايجوب ادروبهن حشو القراني
حركن عرش الخفوق وهيضنّي=زين الأمثال الجزال من المعاني
من نسانيس الهواجيس أحضرنّي=فنّ أحاسيسٍ من السحر العماني
عن نواظر مدّعْ العرف أحجبنّي=العدو قبل الصديق اللّي يراني
آدمي روحٍ بجسم وفكر جنّي=بالبحار أسرار خلق ماخفاني
كم تدور اصدور أمور ماخفنّي=الطعم بالمستكا غير اللباني
أجهل اللّي مايعرف أسرار فنّي=المثايل للحكيم أقرب مكاني
ياحمد(1) لو تنشد الأيام عنّي=ماتصدق لو حكن لك عن زماني
دور حول أعطي الليالي ماعطنّي=بسّ أسرحهن وأضويهن بداني
كل مازادن من الربخ أفرحنّي=لا أختفا بجلودهن حبل البطاني
ياحمد ياكثر ماراحن وجنّي=والحصيل أكليل من شوك سعداني
والهواجيس العوابس داهمنّي=وصنعن لي حمل ياسٍ كبر أباني
وأن شربت من العزيمه زاد جنّي=والحكيم اللّي يحكمه ماقراني
الله اللّي زادني بالنقص منّي=في طريقٍ ضلّني مدري هداني[/poem]


[هذة القصيدة ربما ينقصها بعض التعديل وسوف نعدلها مستقبلا
[poem=font="Simplified Arabic,5,black,bold,italic" bkcolor="transparent" bkimage="backgrounds/33.gif" border="groove,9,silver" type=1 line=0 align=center use=ex num="0,black"]
مركب الشوق
البارحه يوم استمديت الافكار= واستدرجَن هاجوس راسي على الفور
اخذتِ لي في محوَر الكون مشوار=من هجعت الغافي الافجت النور
رَهَجت أحاسيسٍ تناجت بالاسرار= منها وفيها وافر العرف ميسور
تواردن فكري بتعقيد الاخبار=ودفعت زفرات الغضب عقب حاشور
زفرات مبلي تنكّس على الطار=لا سيطر الخاتم على روح مزيور
ضيعت درب المعرفه والقدم حار= مما يخصّ الروح بالروح مقصور
روحٍ توقد في جسدها لهب نار = يهزها هز البراكين لصخور
بأطرفها سيل الحمم مثل الانهار = تثور مما يرهب العقل وتفور
لين الشجر حتت ورقها والاثمار =النار ماخلت لها عروق وبذور
عظايم التشبيه من عمق الاضرار =نار القلوب الصادقه مالها سور
أنا بدار وهافي الخصر في دار = دونه زمت جرد الجراهيد والقور
حبه جذب روحي على الشرق محدار = وأمسيت دار اللي له الروح ماسور
أرجي وأراجى وأترجا اهل الدار = رجوى يهود المانيا وعد بلفور
من دافع الواقع ومكتوب الاقدار = لازم يجي لو قلت للنفس حاذور
جابتني القدره على غير مااختار = يزعلني أغلا غالي يبديلي الشور
كنه يحش عروق جسمي بمنشار = ليا قال ماعندك خبر قلت مجبور
قال أي اساس وقلت تأسيس تيار = والناس كل له من العرف مقدور
ادركت عرفه من تصفحت الاسطار = وحقي من اللي تسمع أثلاث وعشور
فكرت في جوهر معانيه تكرار = مجهود مشتاق وتحليل دكتور
في منتهى الدقه مقاييس وعيار = حتى هقيت انه من الروح مشقور
واللي ستر بالعنكبوته رع الغار = وبجنح الدجا ناجى نبيه من الطور
لاسابقه حب ولاغيره اختار = وزاده الله في جمالٍ من الحور
قلبي عشق حلو النبا ظبي الاقفار = هذا وأنا قلبي من الخوف مذعور
ناصيه منصى المتهم لابن عمار= غصبٍ عليه لملحس النار مصخور
كني من اللي يطرق الروح والزار = قبر الحسين بكربلاء عشر عاشور
اسباب من عسكر على الكبد مسمار =معاد خلابي من الصبر مذخور
إن كان غير عن قراره بالانكار = تايه وفي مسعاه ماهو بمشكور
راع الغنم يتبع مواشيه بحمار = وراع البقر يسقي غروسه على الثور
يموت بذر الهون بنفوس الاحرار = وبذر الوفى فيها من الساس مبذور
رجلي مدارجها رفيعات وعسار =وبالدرب ماتنساق مع كل مثبور
والعين مالدت على حرمه الجار =ولا ساقة النظره ورى كل غندور
خفيف نفس ليا تلقيت خطار = نقال كبر بمجلس فيه مغرور
لاجيت تقطع سالفة كل هذار = داب الخبايث بمجمع الطيب مشهور
ياللي خذابك مركب الشوق معبار = فكر ترى المخلوق منهي ومامور
ارفع شراعك كان شفت الهوى دار = خله يفرق هادي الموج بالزور
وليا استوى صنع الطبيعه بالانظار = بين أزرقينن لامعالم ولا نور
قده على النجم الشمالي اليا سار = وباق الكواكب لو تعلى حدر دور
يرضيك ربان السفينه بالاسفار =البر بين والمتاهات ببحور
احذر ليا ضاق الفضا والبحر جار = عن الغرق يرسي مراسيه بنجور
تمت وصلي الله على سيد الابرار = عداد مايذكر على الكون مذكور[/poem]



[frame="8 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هيه ياللي
هيه ياللّي دخلت المدرسه من هوايه= مقصدك دينٍ والاّ رغبةٍ عاطفيّه
صدفتك بالطريق اشتلت منها الكفايه= ضربةٍ جضّ منها القلب في داخلّيه
ليت قلبك لقلبي هارجٍ له برايه= هو هواه بهواي أو له هوى في نحيّه
البشر مستريحه بسّ انا واعنايه= وانت كانن قلبك دالهن واهنيّه
الله انّه يلومك كان هذا جزايه= يوم تسهر عيونٍ من عذابك بريّه
عن سهوم النّواظر ماتفيد الوقايه= ما يفيد الطبّيب ولا دوا الصّيدليّه
شخص ياعونة الله لو يقط العبايه= كان يقضي على سكّانة الثّامريه
لعن أبوهم يودّونه بليّا حمايه= عرّضوه الخطر لاوفّق الله وليّه[/poem][/frame]



[poem=font="Simplified Arabic,5,black,bold,normal" bkcolor="transparent" bkimage="backgrounds/35.gif" border="solid,6,indigo" type=1 line=0 align=center use=ex num="0,black"]
هوى نجد شرقي
هوى نجد شرقي واشرت ساعة الموقوت= فالأرصاد معلومات تفجير بركاني
يجيب أندفاعه من عميق البحور الحوت= ليا ثار في نص البحر هز الاركاني
يفور الخضر يأسواء المواعيد بعد الموت= إليا هزته شاطيه يخسر به الباني
عطى للحدث صوره مقاييسها بالفوت= خذت رونق التريخ بأحداث الأزماني
نتايج حدث من مرصد المملكه للكوت = لها رغبة التشكيل بالمحور الثاني
لتزويد معلومات تفرق حدث بيروت= يهودٍ وسنيه على حق نصراني
نتايج مفاهيمٍ تباهي عمل هاروت= تفاعل على مليون توزين رباني
صداها من الاحساس مليون هاتف صوت= لها من لغات الروح مليون رطاني
تبلور من المرجان والدر والياقوت= من اسرار فكري يحكم الجن سلطاني
لياهز نسناس الهواء غرسة المنبوت = تجاوب سعف خضرالجرايد بالألحاني
بها يفرق الحتات عن جامع السحتوت= هواء روح مايعرف لها طب نفساني
على وين ياللي تحسب الديَن مثل التوت=تمثل طبيب علاج من غير برهاني
ترى لو دخلت مع الجبل طبعه المنحوت=وترى لودخلت مع النفق مخرجه ثاني[/poem]



[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="none,4,gray" type=2 line=1 align=center use=ex num="0,black"]
الجنــــــــــي
ياليت ذاك الشخص يدري عني= يوم أختلف لامرني له طاري
أغديه يرحمني صغير السني= يلطف بحالي لادرى بالجاري
كم جاه فكري بالخيال وجني= من كل هم بحمل ياسٍ ساري
وأقول ليت الله خلقني جني= وأصيرله طول الحياه مباري
مافيه مخلوقٍ يفكه مني= لو كان في شمس المعارف قاري[/poem]



[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="double,6,sienna" type=1 line=0 align=center use=ex num="0,black"]
مركب الشوق
عبرت بمركب ماله مراسي= يعوم بغبتٍ صعب النكوسي
حدث بمحرك المركب عكاسي= بخضرنٍ مابها ناسٍ تنوسي
بعيدٍ عن محبيني وناسي= مع الهاجوس والهامي وبوسي
اعزز موقفي من قو باسي= وصبر ايوب بالوكت النحوسي
به الغصن الرطيب أصبح يباسي= ونبتت به شجر والعرق سوسي
فلا من رحمة الله قطع ياسي= لو أن الوقت في وجهي عبوسي
هدومي لو تقصّر عن مقاسي= عزيزٍ نفس مايعذربني لبوسي
شراب العزّ لوحنظل بكاسي= ولا نعمه يجي منها هسوسي
أقيس المعرفه من وقت قاسي= خساراته مكاسبها دروسي
بالأمثال الغريب من أقتباسي=أحاسيس تفجرها حسوسي
عطتني بآخر الرقم القياسي= نجاح في لقاح بمغروسي
عليه السور دور بعمق ساسي=شمخ مبناه والباب محروسي
دخوله للمفاهيم ألتباسي = تضيع الناس والدرب معسوسي
تذكر يامسولف به وناسي= ليا شفت الحصان بجلد عوسي
عميت الناس بغبار الكناسي= ترى شرواك مايصرف فلوسي
طلع تركيب عينك وأنت ناسي= ورفقاتك لها سمع دنوسي
ليا جابين الاسلاك التماسي= خبير الكهربا تخريج روسي
عمار الدار تجويد الأساسي=وحكر الما بصات الحبوسي
ليا هبت هبوبي يانجاسي= عيون الما مصادرها يبوسي
تكلم باعتبارك دبلماسي= ابا مفهوم راسك وش يسوسي
من الغربي بتلميع اللياسي= على تصميم من لوسٍ جلوسي
حرام اني ما اخاف من البساسي= وانا رجلي على البيدا تدوسي
عليه أحيا وأموت ولا أندساسي= شرف عنه الدنس عند النجوسي
اهز اركان نجد بصوت راسي= عداله ياعدالة نجد قوسي[/poem]



[poem=font="Simplified Arabic,5,black,bold,normal" bkcolor="transparent" bkimage="backgrounds/25.gif" border="double,6,blue" type=1 line=0 align=center use=ex num="0,black"]
الفنون جنون
ملوك شعوب احاسيسي بميقاف اتحاد الدين= رهجني من هلل جالٍ بعد هزّات زلزالي
تتالتها عواصف ريح عابرةٍ بحور الصين= على سطح البحر ترسم سلاسل ثلج وجبالي
رهج قوّة غضب حتى تهادى من عواطف لين= بصرخة مستغيث دارها والهامي أوحالي
تناجيني بسحر انغام لنسابت على التلحين= كما ينساب من شهد العسل جاري ليا سالي
تساقى باتصاله جوهرٍ كنه ذهب عشرين= عليه برونقٍ منسوج في تشكيل سلسالي
على طاقه سماويّه وزنها عالم التكوين= لها بأمره وتدبيره مطاليعٍ ومنزالي
هو اللّي في عصا موسى فرق عنه البحر قسمين= نجا من راد له منجا وطبّقها على التالي
صحيح انّ الفنون جنون رمز الشكّ للصاحين= دليل العرف للعارف حقيقة روح الامثالي
قضت حجّتك ياحجاج في مكّه بلادك وين= ترىالحجّاج لاطّاف الوداع من الحرم شالي
حديثك زين بسّ انّك تصلّي ماتقول آمين= على النّيات يجزي الله مخاليقه بالاعمالي
على شاطي خليج عمان حرّك مركب البحرين = عبر مدخال هرمز في طريقه و البحر عالي
ابا أعلّمك ياللّي تازن المعنى على وجهين= موازيني لها تسعه وتسعين اسم حلاّلي[/poem]


[poem=font="Simplified Arabic,5,black,bold,normal" bkcolor="transparent" bkimage="backgrounds/20.gif" border="inset,8,teal" type=1 line=0 align=center use=ex num="0,black"]
ياوجـــــــــــودي
ياوجودي وجد منهو فقد عزه=عقب ماهو حاكم صار محكومي
أو وجود اللي براس القنا كزه=واحدٍ بالكون محرج ومزهومي
التوجد كلمةٍ مالها مزه=بس للعشاق يقضي بها اليومي
واحدٍ مثلي لطيف الحشا هزه=هز بركان الزلزال لمزمومي
نوم عيني مايجيها على الحزه=لي ليالٍ ماتهنيت في نومي
سلت الخنجر على الكبد مرتزه=من عيونٍ ترسل الموت بسهومي
رمشها جيش حرب والعلم رزه=جيش روسي بالصواريخ مدعومي
حط قلبي مثل مستعمرة غزه= أمرها من وعد بلفور مرسومي[/poem]


قصيده في الشيخ : بدر بن سعود بن عماش الدويش . وهي عباره عن رد سلام
ارسلها للشيخ بدر يرحمه الله مع ابن الشاعر بدر ..
[frame="6 80"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
امانةٍ ياللي تبي الصبح مطراش=مني ثقيلٍ منقله حمل ريشي
سلامٍ احلى من نبا كل بهاش=والذ من نقع الصفا للعطيشي
رد الوفا من هاجسٍ بالوفا جاش=واعلمك بسباب حبي وطيشي
بدر السعود من مواريث عماش=من روس حمران النواظر دويشي
تعرف مواقفهم بأطاريف الادباش= خيالة البل بالنهار الوحيشي
كم جندلو بسيوفهم كل هواش= لاضيع الواجب خطاة المديشي
ماني بمن يبني كلامه على ماش= كلمة تعيش وكلمةٍ ماتعيشي[/poem][/frame]



[poem=font="Simplified Arabic,5,black,bold,italic" bkcolor="white" bkimage="backgrounds/15.gif" border="outset,4,gray" type=1 line=0 align=center use=ex num="0,black"]
يامشاري
يامشاري تجمل ودني للطبيب=لاتخلي رفيقك ياعزيز الجناب
ذابت الروح يوم اني ذكرت الحبيب=يابس الكبد مايقطع ظماه السراب
اشهد انه تمكن بي صواب عطيب=حل حالي على غفله بليا حساب
قام همي يراودني وفكري يغيب=وادخلتني خفايا الروح مليون باب
ما أحسب انه يعجز فكري أمرٍ غريب=يسرق اللي سرق سراق بيض الغراب
كان مالله كتب لي منه مقسم نصيب= تم قوله تبادلنا الهنا والعذاب
يابني عمي اللي تضهدون الحريب=عالجوني مدام اني جديد الصواب
ضاعت الحكمه اللي قبل عند الاديب=يوم قام يتساقا الروح من سم داب
والله أني من اللي صاب قلبي مريب=والخساره عليكم فقد مثلي شباب
ليت يوم الموده درب أهلها تعيب=يوم ماله معالج طب عنها وطاب[/poem]



[poem=font="Simplified Arabic,5,black,bold,italic" bkcolor="transparent" bkimage="backgrounds/8.gif" border="double,8,gray" type=1 line=0 align=center use=ex num="0,black"]
ياتل قلبي
ياتل قلبي تلت السيم عسرا=لاشدها الزند النشيط ونتلها
ألوج مثل مسعسع عقب مسرا =عشاه عدته الضواري ماكلها
ياطالبين الربح بالكون خسرا =تباً على الدنيا الخبيثه وأهلها
والله لو تعطيني اموال كسرا=تشري بها ساعة زعل ماحتلمها
ماني مثل ناس على الشين حسرا= لامالت الدنيا خطاي أعتدلها[/poem]



[poem=font="Simplified Arabic,5,black,bold,italic" bkcolor="transparent" bkimage="backgrounds/1.gif" border="solid,8,sienna" type=1 line=0 align=center use=ex num="0,black"]
مسراي
نهاري على مجـرى وغيـر هـوا مسـراي=مسيـر الريـاح بحكـم عـلام الأحـوالـي
تحركت في مركب غرامـي علـى مرسـاي=يفرق وجيـه المـوج فـي صـدره العالـي
ألّمس مـدارج داي وأجمـع حصيـل ادواي=واسولف مع الميـت علـى نفـس منوالـي
أحاسيـس تجذبهـا لروحـي بنغمـة نـاي=مع النـاس مجراهـا علـى سلـك عزّالـي
صنعت الطرب وأرضيت روحي وراس أرضاي=علـى كلمـةٍ منـي توارثـهـا الأجيـالـي
لهـا وارثٍ مغـرم وفيهـا هـواُ سـعّـاي=مع أرواح موهوبـه لهـا مستـوىُ عالـي
أعلمك ياللـي هـزّك الطـار عـن معنـاي=علـى شـان مايلحقـك شــكٍ بمزعـالـي
أنا لي هواُ جـذاب وأليـا أنحرفـت أقفـاي=على غيـر مايهقـا مـن المجمـع الحالـي
أقوله بعـد مادركـت حولـي وش الـزرّاي=مع الناس أخذت أقيـاس روحـي ومكيالـي
عرفتـه بروحـي ماعطانيـه صاحـب راي=عبـرت الــدروب وعلمتـنـي بمنـزالـي[/poem]



[poem=font="Simplified Arabic,5,black,bold,italic" bkcolor="skyblue" bkimage="backgrounds/20.gif" border="outset,8,teal" type=1 line=0 align=center use=ex num="0,black"]
المعـــــــزب
المعزب يشوف الضيف شينٍ مقـاده=مادرى أنّه يقاسي له همـومٍ عديـده
من غلاه أستخرت من السّفر للحماده=ماتعدّا الرفيق اللّي علومـه حميـده
في رضا الطيّب أنقل فوق حملي زياده=يوم ولد الرديّ هيّن ظروفـي يكيـده
أقدر الصبر لو أنّي فقـدت السعـاده=ماحدٍ جتلـه الدنيـا علـى مايريـده
أقرب النّاس ورّانـي حيـاة الزهـاده=موقف الطيب منّي ينقصـه مايزيـده
زودتي تنقصه والنقص منّـي زواده=خاسرٍ منه أنا والمبغضـه مستفيـده
لاعدوٍّ وأكرّس جهدتي فـي جهـاده=ولا صديقٍ تغيّر غيرته مع عضيـده
طاول الهمّ حالـي ماتحقـق مـراده=لافرقنا الممـات ولا حيـاة سعيـده
مالقى بالجماعه مـن يدلّـه رشـاده=كود نـاسٍ تفـرّح بالكـلام وتزيـده
حطّوا الدين عاده والنّميمـه عبـاده=كلّ هافي بخت يظهر خبايث وريـده
أسمع الهرج وأسكت كنّ بأذني سداده=كل يوم تـردد لـي علـوم جديـده
أفعل الطيـب مـادوّر وراه أستفـاده=نوهتي عن مجمّعة السوالـف بعيـده
ماتهزهز وأنا لي موقف الطيب عـاده=ألف عصفور مايقدر يهـزالجريـده
الرجا والمخافه مـن مدبّـر عبـاده=مايهزّون معرفتـي ضعافـا عبيـده
كلٍّ أقرا بوجهه ماضمر لـي فـؤاده=وأتصوّر علـى ظنّـه بمـا لايفيـده
كم صبي كلامه ماحسـب لاقتصـاده=لين يبرز هدف لأوّل فشقتن تصيـده
مع غـروره قرينـه للمقاديـر قـاده=موته الموت مهو مثل موت الفقيـده
ماجمع بالنّميمـه مايغطّـي سـواده=إن حداني على تطليع شـيٍّ ماريـده
والله أنّي لامشّيهم على غيـر عـاده=لين أخلّي جليس السّو ينكـر قعيـده
أجمع الضرم بالصوّان وأقدح زنـاده=وأحمي النار للمسمار يصفي حديـده
كـم هياكـل حديـدٍ تتعـود رمـاده=الحديد الملفّق مايجـي لـه شريـده
أتبيّن علن وأخوض حـرب الأبـاده=لين تفهم مدى القوة خبـاث العقيـده
كلّ تسديد ضربه قاضيه في شهـاده=زايف الهرج تمحاه العلـوم الأكيـده [/poem]



[poem=font="Simplified Arabic,5,white,bold,italic" bkcolor="transparent" bkimage="backgrounds/26.gif" border="none,4,gray" type=1 line=0 align=center use=ex num="0,black"]
يانديمي
يانديمي بالهقاوي ومخلفة النعوت=اختلف عد المسافات وانت تقوسها
بس لو امشي بالتأني والسكوت=شايفن رسم الخريطه على قاموسها
قدرت الله ماعليها من المخلوق فوت=لو جميع الخلق تجمع لها وتسوسها
السبب عندي سبب بالاماكن والوقوت=بس تقصر قدره الخلق عن قدوسها
للوفا واهل الوفا لو بغيت اجر الصوت=جاوبتني نجد بجبالها وحبوسها
واثنيت الصوت اطلع من الاعماق حوت=ماتحوش انيابها تطحنه بضروسها
في حياتي ماتذريت بيت العنكبوت=الهوى يلعبها والخشاش يدوسها
بالمواقف ماتعزر برديان السموت=ماتنومس عالم ساقط ناموسها
مايسر ولايضر المشني والشموت= شلة بهروجها ماتسر نفوسها
التحالف بالتخازل وسراد البيوت=انهزم جساسها وانكتم جاسوسها
ماتت الافراح بصدور ناسٍ تاتموت=القهر في نفوسها والردى في روسها
مهفن الله حظهم يوم يهفون البخوت= الحقايق عندهم غير ملبوسها
كل نمام مخرب وكل اهوج مقوت=شاطرين يبدلون الصور بعكوسها
الوفا دايم وفا والرداى ماله ثبوت=قد خذينا من قديم الليالي دروسها
ماتظلل شجرة طلع من الاغصان محتوت=يابسة وعروقها قام يمشي سوسها[/poem]



[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="double,9,silver" type=1 line=0 align=center use=ex num="0,black"]
اللى مهقويني
من بيت فاضل قمت بليل عجـلان=من الرياض منصن الجمس للعيـن
متـزهلله بـس مانـي بغلطـان=اللى مهقوينـي بفعـول الحماديـن
لاصرت مااقدر خابرن مثل عفتـان=ربعي على نطح المواجيب ناشيـن
مستارثينه مـن سلايـل احميـدان=نطاحة الكايد على العسـر والليـن
مصدرت عوج النحايـا بالاكـوان=لاثار عج البيد مـن خابـط القيـن
لاصاح صياحٍ من الضـد زمـلان=وتـلاوذوا بظهورهـن مستخفيـن
يردون نحيـاض المنايـا علشـا=عرج الرقاب وسايق الكحل بالعين
بالطيب نجزاء راعى الحسن بحسان=مسجلينه عندنـا حسبتـه الديـن
ون كان مانلقاء الوفاء كود شيبان=ولا ليا متنا يحصـل(0000)الطيـن
[/poem]



[poem=font="Simplified Arabic,4,black,bold,normal" bkcolor="transparent" bkimage="" border="solid,6,burlywood" type=0 line=1 align=center use=ex num="0,black"]
يارب
يالله ياوحدِ ماحول عرشك وزير=ولاحدِ يغير نظامك لاصدر به قرا ر
أنت المقد ر بكل الكون وأنت القد ير=والخلق تقديرهم من قدرتك مستعار
ماتملك الخلق للمخلوق شرِ وخير=الإ بما شئت يا علام أجآل العمار
أنت الحكيم العليم أنت السميع البصير=يامتقن الخلق ياوازن نظام المسار
ياقاهر الكون ترعد من غضبك السعير=رحمتك يامنتها شكواي والإفتقار
أنت الغفور الودود أنت الولي النصير=يارب مالي بغيرك غزةِ وإنتصار
في عزتك مستجير وفي هداك أستنير=يامولج الليل الأسود في بياض النهار
أنت المعز المذل أنت المحيط الكبير=مالك بملكك شريك ولاحدِ مستشار
ياسابق الفوت سامع صوت نجوى الضرير=في باطن الحوت بأسفل مظلمات البحار
سبحانك أدعوك يامن بالخفايا خبير=نفحات جودك عظيمة ياعظيم الوقار
أنت القريب المجيب أنت البشير النذير=عبدك على العهد مالي بالحياة إختيار[/poem]
قصيدة للشاعر / عبدالرحمن العطاوي موجهه للشاعر فلاح الحميداني
[poem=font="Simplified Arabic,5,black,bold,normal" bkcolor="transparent" bkimage="" border="groove,8,gray" type=1 line=1 align=center use=ex num="0,black"]
أشهدنك قديرٍ يافلاح=دقتك بالمعاني بينه
هاتها يوم هب إلك الرياح=والقريحه ماهي بمديَنه
مشربك من قراطيع القراح=للسديري حلبت محينه
أشهدإنه كسب منك الرباح=قلتها في سعود مزينه
يوم داعب وفاك الإرتياح =حاجتك في سعود معينه
لبَسه من عرايسك الوشاح=بنت فكر ماهي بالهينه
الوفا باهل الزمة مباح=بالردي يافلاح ملينه[/poem]
رد الشاعر / فلاح الحميداني على الشاعر/ عبدالرحمن العطاوي
[poem=font="Simplified Arabic,5,black,bold,normal" bkcolor="transparent" bkimage="" border="groove,8,gray" type=1 line=1 align=center use=ex num="0,black"]
الشهادة من العاقل سلاح=بالوفاء والعروض الصينه
يالعطاوي معانيك الصحاح=من تبر ياخبير العينه
يعطي النفس بهجه وإنشراح=زين لولا الخليط مشينه
قلتها يالعطاوي والسماح=الموارد وراك ضنينه
ماحسبتك مفاهيمك شحاح=قاسيٍ والهروج إحنينه
يامهندس مشاريع النجاح=زفلت الخط والإ طينه
لا تعاملت مع قلب النصاح=من سداد العميل أدينه[/poem]
[align=center][poem=font="Simplified Arabic,5,black,bold,italic" bkcolor="sienna" bkimage="backgrounds/19.gif" border="ridge,7,black" type=0 line=0 align=center use=ex num="0,black"]
يا للي تعاتبني
ياللي تعاتبني بليا بصيره=لاتحسبني عنك ماني بداري
إحذر ترا هيجات فكري خطيره=هواك لايبني عليك الذواري
وإحط هرجتك الطويله قصيره=لاصار ما قلبك من الحقد باري
ماني بمثلك ياردي السريره=إعطيك بالمعنى شهود ومواري
مشاعري شرواك ماتستشيره=في طيبٍ عزمك معه مايجاري
الطيب من ساسه ماهو مستعيره=ملحان إبن خالد وجدة مشاري
روس الشيوخ اللي تقود ا لجريره=لاولعت نار الحرايب جهاري
يردون لاثارت رعود الذخيره=في يومٍ أكدر بين بايع وشاري
والخيل بسهوم المنايا مغيره=فرسان فيها المنتخي والمثاري
يلقونها بمصقلاتٍ شطيره=وشلفٍ مضاربها وساع المفاري
ياما إنحدر بنحورهم من عثيره=وجابوا مراكيب النشاما عواري
زحام الحريب اللي تفك القصيره= يشهد طلال بحادثٍ فيه جاري
شيوخ لاعدت رموز الجزيره=يظهر لهم بين المشاهير طاري
وقفايهم بين الحمايل كبيره=أمجاد تبنيها جدود الذراري
على الطريق مواصلين المسيره=وهذا ولد خالد جديد الأثاري
ياما عطا طير السعد من بريره=عطية اللي للمواجيب ضاري
إن كان في راسك على الطيب غيَره=إفعل مثل فعله وأنا فيك أماري
لاتحسب إن الطيب هرجٍ تثيره= مع الخيال وضيعة الفكر ساري
الشاعر / فلاح الحميداني[/poem][/align]
قصيدة/ للشاعر فلاح الحميداني/ بالفريق / علي المشعوف عندما كان يتلقى العلاج بالمانيا
[poem=font="Simplified Arabic,4,black,bold,normal" bkcolor="burlywood" bkimage="backgrounds/24.gif" border="groove,8,sienna" type=0 line=0 align=center use=ex num="0,black"]
يابندر إفزع لي من الفكر بعلاج=كود إني ألقى بالحضور إندماجه
ضقت وتكدر خاطري والقدم ساج=وصدري تسولف عبرتي عن خلاجه
يلزمني المطراش ماعاد يحتاج=إن يسر المولى لذب الزراجه
من فوق ماتدني بعيدات الأفجاج=عريضة الجنجان صنع الخواجه
لا جالها بين المعابير مدراج=لها على وجه النسيم إنزعاجه
ترعد كما يرعد من المزن لعاج=صيف تخالط ماطره مع عجاجه
إليا تعلت فوق خافيت الأمواج=غادلها فوق العبير إرتهاجه
للمانيا مادونها الدرب ينعاج=إن يسرالله سفرتي للمواجه
أبي مريضٍ سفر العيد لعلاج=لولاه مالي في هاكا الدار حاجه
عليه في قلبي من الهم وهاج=وفكري من الطيَب تكدر مزاجه
قرمٍ لنا بالمرجله رمز وسراج=نفخر بوقفات الوفا من نتاجه
ماحط أبو فيصل ورا الباب مزلاج=دايم بوجه الضيف يضحك حجاجه
يمناً تجود ولاتحسَب للإخراج=وقلبٍ حديد ومن حديد سياجه
له في طريق الطيب مدخل ومخراج=على قدم مادخله بإنزلاجه
ياما وقفله في مهمات وإحراج=ولهل الوفاعند الصمود إنفراجه
ربعه على بيته مثل ورد هداج= والماء قراحه مايساوي هماجه
كم من ولد لو علق السيف والتاج=يفخر وطيبه مثل حشو الحداجه
لا جامله في مجلس السو هراج=يشره على نيل الوفاء من خداجه
وليا تنصيته عن اللازمه ماج=مثل الحصيني فزته بنعراجه
للمدح يلقاله من الناس سذاج=ومدح ٍ على غير الحقيقه سماجه[/poem]
قصيدة / بالشيخ عبدالرحمن الغزي
[poem=font="Simplified Arabic,4,white,bold,normal" bkcolor="burlywood" bkimage="backgrounds/22.gif" border="inset,8,burlywood" type=0 line=1 align=center use=ex num="0,black"]
على حزة اللازم ركبت الجديد وسقت=بقومة نبيراته على طفية اللمبات
على طول من حيث إشتغل موتري عشقت=قضبت الطريق وقام يصرخ مع اللفات
تركت البلد كله وللعاصمة شرقت=تنصيت بن غزي سلالة هل العادات
تذكرت أبو خالد عقب مازعلت وضقت=رفيق الوفاء اللي نحتزم به على الشدات
أبنخاه يومني على أقصى الحقايق وقَت=رفيقي راع الفزعه ليابانت الفزعات
تبين المواقف كل ماشان وجه الوقت=ليا ضاعت الهقوة تبيَن هل الوقفات
حصل من ردي العرف موقف وأنا ماطقت=ولاهو بداري وش معي من هل الرفقات
تكلم معي في لهجة الغطرسه والمقت=حسب له حساباتن وأنا حاسبن حسبات
انا حاسبن له موقف الطيب لاحققت=ليا منها زانت لنا نقلب الصفحات
أنا عادتي في نادي الطيب لا سابقت=أراهن على حصنٍ تعدى ورا الهقوات
الشاعر / فلاح الحميداني[/poem]
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
هذه القصيدة / رداً على القصيد المستعار والأسماء المستعارة00 يقول الشاعر فلاح
الحميداني 00
أولاً: نتحدث عن الذي سمى نفسه الأصيل ونقول ماهوالأصيل لأن الأصيل لايخفي إسمه00
ثانياً: الذي سمى نفسه البارق والمعروف أن البارق يشاف وهذا بارق كاذب00
ثالثا: الذي سمى نفسه الجارح والحقيقة إن المسكين ماجرح إلا نفسه والبين من تعبيرهم وسواقط شعرهم أنهم متخلفين فكرياً والطارد أمكن من المطرود وأنا لهم بالمرصاد00
[frame="7 80"][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياطير يافرخ الحمام=غرَد ليا هب النسيم
سلَم ورَد من السلام=من الخليج الى القصيم
سلَم على الربع الحشام=ربعي هل الفعل القديم
أهل المواقف والمقام=والطيب والرآي الحكيم
وأترك سفاسيف الخمام=من كل مغبون ٍ غشيم
يشقى الكذوب مع الغرام=يمشي على سيل الحميم
ماعاد يلحقني ملام=عاذرني الرجل الفهيم
الطق بالميت حرام=مالي قبيل ولا خصيم
لو حذفوَا شين الكلام=تستروا مثل الحريم
والبوم يسري بالظلام= من الذل ينعق بالعتيم
واللي جرح نفسه وهام=تبع ٍ يضام ولايضيم
أكيد في وجهه وشام=ماهو نظيف ولا سليم
الضد لو يبني خيام=يرحل وأنا شعري مقيم
شعري عليه إسمي وسام=مكسب نديم ٍ من نديم
يمضي مثل حد الحسام=يجرح ويشفي له سقيم[/poem][/frame]



أعزائي الكرام نعود لكم مرة آخرى لنكمل لكم بعض قصيد الشاعر فلاح الحميداني
من قديم الشاعر
قصيدة إهداء للفريق أول / محمد بن هلا ل ( قديمة)
[poem=font="Simplified Arabic,4,black,bold,normal" bkcolor="burlywood" bkimage="" border="groove,8,teal" type=0 line=0 align=center use=ex num="0,black"]
يابو فهد جيتك من الوقت مجلوب=من الوفاء كثرت عليَ المطاليب
فكري من أسباب الهواجيس مصحوب=متكدرٍ وهموم قلبي مراقيب
يجرنَي دالوب هجس لدالوب=في نون عيني تظهر الشمس وتغيب
عليَ لاهل الطيب حقٍ وماجوب=وأشره على اللي ينطحون المواجيب
راع الوفا في ماقف الطيب مطلوب= وأنا تنصيتك على ماضي الطيب
أصبحت لي في صوب وأمسيت في صوب=أمشي وأنشَد عن مكان المعازيب
أنشد عن اللي ماقفه يقضي النوب=قرم ٍ بوقفاته يحقر الاصاعيب
لي مع هل الوقفات ميقاف وإسلوب=ماني بمن يمدح على غير تجريب
ماورَد المعنى على كل منسوب=على الهقاوي يخطي الهرج ويصيب
مهو بعندي بعض الأوضاع مرغوب=كم مصدر للكسب لي عنه تجنيب
والرزق عند مكوَن الكون مكتوب=يعطي ولا يمنع عطا عالم الغيب
الشاعر/ فلاح الحميداني[/poem]




قصيدة إهداء للفريق أول / محمد بن هلال (جديدة)
[poem=font="Simplified Arabic,4,black,bold,normal" bkcolor="silver" bkimage="" border="solid,8,gray" type=1 line=1 align=center use=ex num="0,black"]
ليا نشد تم خوذو العلم ياعيال=مني وخطوله بالأمجاد تدوين
علم ٍ تسولف به كريمين الأسبال=لاساقوا البن الحمر بابيض الصين
في مجلس مابين سامع ونقال=ربع على طيب المواقف حريصين
عشاقة الماقف وزينات الأمثال=عندي لهم صنع الوفا بالوفيين
أبيات بفعول ٍ كبيرات وجزال=وللطيب عند أهل المواجيب تثمين
جبت البكار وخلَف وإلقاح وحيال=نقيت لي شمشول ذود ٍمزايين
طوال الغوارب حرش وقصار الأذيال=خضع طوال أرقاب عوج العرانين
نقيتهن من كل بايع ودلال=صفر ٍ خوات اللون ماهن ملاوين
أشري ومن كيس الفريق بن هلال=اللي نقيته من هل السوق عشرين
غير القعود اللي زهى الخد بهلال=جاني عطا ماسقت فيه المثامين
هذي عطايا الصيرمي ماض الأفعال=ماقلت لي قولن بليا براهين
ليا بغيت لكايد الحمل شيَال=من بين تسع إميه وتسعه وتسعين
يسد عنهم واحدٍ يشرح البال=شروى محمد والنوادر قليلين
من شبته بأعلى المعالي ولا زال=بالطيب منهاجه على المنهج الزين
هذا الوفا يامجمعَة روس الأموال=عشتم على الخيبه ومتم شقيين
إلا وفي ٍله بالأمجاد منزال=لاهابت الوقفه إقلوب الكراوين
فعل الوفا مايقدره كل رجال=لوكان في منصب ويملك ملايين
بعض الرجال مع الرياجيل مخيال=لافاز بالدنيا ولا فاز بالدين
والطيب له عد ومواريد وحبال=والناس ماهم بالفعول متساوين
أهل الردى ماتشري الطيب بريال=وبالخبث مع عسر الليالي معاوين
طيب المواقف خلدت ذكر الأبطال=ومن الردى ماعاش ذكر الرديين
ينبيكم التاريخ عن كل الجيال=كم مات حي وكم بالأموات حييين
وختامها من عندي القاف مرسال=مضمنه مني عضيم المضامين
سلام ٍ أحلى من نشانيش همَال=على صفا قفرٍ سقته الودادين
مني لمن تزهاه زينات الأقوال=للطيب نبع وللقصايد عناوين
الشاعر / فلاح الحميداني[/poem]



قصيدة / إهداء للفريق أول / محمد بن هلال ( جديدة)
[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="solid,10,burlywood" type=0 line=0 align=center use=ex num="0,black"]
يابو فهد بالطيب زدت وتعديت=لاتعتذر مع قومتك وش وراها
أنا أشهد إنك في مقامك تعليت=فوق النجوم العاليه في سماها
ماتنحقر مدتك ياطيب الصيت=وافي ونظراتك بعيدٍ مداها
يابعد نوزك عن عظام الخراتيت=اللي من التافه تكابر عطاها
فعل الوفاء عشقتك من يوم شبيت=والمرجله تشفق على مشتراها
وأنا بفعل الطيبه منك غنيت=رد الوفاء من هاجسي من وفاها
لوكان ماوفيت الوفي لوتقصيت=بعض المواقف معجزت من رواها
في سيرتك ياكثر ماشفت وأوحيت=مواقف ٍ فيها النشاما تباها
أفخر بها وإن قلتها ماتدريت=ولا أسمع سوالف واحدٍ مارضاها
لو قال قلت وبالمواجيب سويت= سوالف ٍ ماهو على مستواها
يعد نفسه من خيار النعاتيت=ذباح قوم وبندقه في خباها
بالحكي مامثله حدٍ يبني البيت=وبالفعل وقفات الوفاء ما قواها
هذا لو إني مانسيته تناسيت= أصد وأرض الله وسيع فضاها
الشاعر / فلاح الحميداني0[/poem]



[frame="7 80"][poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يـاا لطـارشين
ياالطارشين اللّي هواكم شمالي=فوق أدهم من مصنع ا لغرب مكفول
اليا أنسرق كنّه حصيل التلالي=اليا قضب مجراه مع بطن هذلول
ينساب من دفع الوقود الزلالي=صوت اربعه بالقاع نشناش هملول
لا عطا الخط الطويل العدالي=كنه من أسراب القطا مفرد الجول
يضيق في صدره وسيع المجالي=ليا ينقطع كنه من الصيف مسيول
بالله عليكم ياقروم العيالي=من منكم اللي ياخذ الخط مزهول
خفيف بالمخبا العلوه يشالي=ويحوى من المعنى ثقل كل مشيول
سلام أحلى من حلى كل حالي=وألذ من نقع الصفا عقب شهلول
مني لبن مطلق كريم السبالي=زبن الرفيق اللي من الوقت مذلول
[/poem][/frame]




وكبدي
( قديمه)*
[poem=font="Simplified Arabic,4,black,bold,italic" bkcolor="transparent" bkimage="" border="solid,8,gray" type=1 line=1 align=center use=ex num="0,black"]
وكبدي اللي من غذا الروح مسموم=مشكاي للي بالخفيات علام
بالكي جلدي من هل الطب مأسوم=وعيت تطيب إجروح روحي لها أعوام
قضيتها مابين هاجوس وإهموم=وإحساس ياسن يسرق الحال بهيام
نطيح مع درب الرياجيل ونقوم=وتاريخنا الماضي من الربع قدام
ياللي تبي ماضيك يكفيك لليوم=الملك جدد له بيمناك مرسام
والراس مهجور المباني من البوم=والحر له كل المواطن لياحام
قلته وانا مالي بدعواك ملزوم=أبيك تفزعلي على عوج الأيام
ليباعني وقتي على وقتك السوم=أدفع خسارة غرم من شان ما نظام
عبرت فوق الموج الأزرق عن القوم=على جسور ٍماتخلخل لهدام
الشاعر / فلاح الحميداني[/poem]


يالطارش
قديمه
[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="double,8,black" type=1 line=1 align=center use=ex num="0,black"]
يالطارش اللي رحلتك سجلوها=موكدن بالحجز ميعاد الإقلاع
رحلتك في يوم الخميس أكدوها=الصبح لك في مدرج البنج مطلاع
لقفلوا بيبانها وأدرجوها=إدراج دابن بالمصايد ليا جاع
دارو نحرها للهوى وإزعجوها=وإشتالها ضغط الهوى وأخلت القاع
ليا تعلى صدرها وإرفعوها=تشبه لصاروخ الأمريكي ليا زاع
الصبح عاصمة الجزيرة نصوها=عسى لنا فيها على الحي مرجاع
يالطيبين إرسالتي وصلوها=لإبن يحيا المشهور دكتور الأوجاع
لايبعد من رفقتي ماجنوها=مجمعين الهرج من كل قرقاع
مافكرو في سلعتن ثمنوها=مثل المحرج كل مايشتري باع
ياسرعهم في بيعها لو شروها=هاذي سوات الناس شينين الأطباع[/poem]



( قديمه)
[poem=font="Simplified Arabic,4,darkblue,bold,normal" bkcolor="transparent" bkimage="" border="groove,8,blue" type=1 line=1 align=center use=ex num="0,black"]
ياوجودي
ياوجودي وجد من ودي وخلي=في ديار ٍ مايعرف إلغات أهلها
جوهم خلوه في هاك المحلي=هو ردي والناس مشغلها عملها
ميسين ٍ عارفين إنه مولي= ضاربن كبده سرطان ٍ وأكلها
ذاك أنا مثله على شئ ٍ حصلي=لي سنين إطوال نفسي في زعلها
القريب مايبا عقدي يحلي=والبعيد أوضاع مشكلتي جهلها[/poem]



قصيده في الشيخ عبدالله بن عبدالعزيز بن فيصل الدويش
[frame="2 80"][poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
نصيت بيتٍ مدهل للرجالي=راعيه عن ناصيه ماقط لاذا
عبدالله اللي نظرته للمعالي=وله بالمعالي مركز مايحاذا
زعامةٍ تعرف من أول وتالي=من فيصل الاول الى الشيخ هذا
دوشان بالشدات مثل الجبالي=فيهم لمن ضدّه زمانه ملاذا
مدّاتهم عند العطايا جزالي=وهداتهم فيها هلاك ونقاذا
يردون لاجا للفتيل أشتعالي=ويثنون قفوا اللي باهلها تجاذا
وأن صبّحوا عند الحلل والحلالي=كلٍّ على منسوبه الاصل لاذا
كم نطحوهن جمعةٍ ماتبالي=وخلوا مقاديم السرايا جذاذا
بصنع الفرنجي محدبات السلالي=وشلف تلظّى من رمقها استعاذا
زحام الحريب مفرّحة كل غالي=غب الوقايع بالقلايع تحاذا
ريف الركايب سايجات الحبالي=فجّ المناحر ضيقات الفخاذا
شليلهن درهام عقب الجفالي=عمسين اهلهن والمزاهب نفاذا
متلطمين وسوقهم بالعجالي=كنّه يخل جلودهم شوك حاذا
بشتويةٍ صلف هواها شمالي=كتما ويمطر مع هواها رذاذا
يبون نزلة مكرمين السبالي=نوادرٍ بين الحمايل فذاذا
شيوخ قومٍ يحتمون التوالي=لالتم جمع الحرب عقب الشذاذا
مطير مأحصي فعلهم بالكمالي=لا جيت ابا احصي كيف واعد ماذا
ربعي رموز الطيب مابه جدالي=ماسمع سراد الناس لاذا ولاذا
ناسٍ عن الماقف بعيدة منالي=تجّار هرج بالمجالس تهاذا[/poem][/frame][/align]



[align=center]طَـابْ كيفِيْ
قالها الشاعر في إحتفال عيد الفطر المبارك بالثامريه عام 1405هـ ,,,
[poem=font="Simplified Arabic,4,black,bold,normal" bkcolor="burlywood" bkimage="backgrounds/4.gif" border="solid,8,skyblue" type=0 line=1 align=center use=ex num="0,black"]
عَزّ والي بارقٍ حاجبٍ حدره كتام=إرتدم نوّه يخيف ويخاف ويستعين
هزّ الأرض براعدٍ من مرازيم الغمام=من صدا صوته بروس الرّواسي له رطين
فيه من سوط الغضب بارقٍ يجلى الظلام=هلّ هملول الحيا من هوا شوق وحنين
طاب كيفي يوم هبّت عواصيف الغرام=مبتدا فصل الشتاء أوّل نهار من أربعين
في حلول مناسبتها بعد شهر الصيام=إدفعي يامقفيه شرعوا يامقبلين
من يبا يقدر ليا قلت مردود الكلام=يامحبّين الذهب وين صرّاف الثمين
يقضي الطرقي لزومه ويعطيه العلام=وإسمحوا لي كان ماعن لزومي مرشدين
ما بخص الديره مقيضي على وادي الهيام=الدبش فيها هرايا وهو يمشي بدين
لاحتمت شمس الضحى وأشقر الجنحان حام=إستكنّ مدوّج اللّيل فيها مايبين
وين درب الحادره علّموني والسلام=إن عرفتوها عسى وإن غديتم عابدين
يامرونقة المباني بتلميع الرخام=لاتطير القشره اللي على المبنى يبين
قالها اللي مايقلّد على ربد النعام=من دفن راسه يحسب أنّ جسمه مايبين
ماأنقل القفش المكاذيب في مشط الحزام=مع مقادم لابتي وأفتخر بالطيبين
عزوةٍحطّت على أردى خلايفها وسام=ما ينقصّها الرديّ دام غيره وارثين
تتمشى عبر الأجيال في نفس النظام=ترفع المبنى على قوّة السّاس المتين
في سبيل أمجادنا يوم أشارك لي مرام=انشدوا ضيرالمعاني عن الولف الحزين
فكّروا فيها ومعكم ليا تسعين عام=واعسى من عقب هذا يجي رد اليقين
يمكن أن المستحيله تحرك لي عظام=لادرك التصوير فيها من آخركم جنين
رددوها وأذكروني ليا هبّ الولام=وجنّبوني لا مشى سرحكم متفاختين
حقكم مني ماأدق الخدود من الوشام=الجزله هديه وهزلتكم سمين
يابني عمّي ترا الزيف مايبني سنام=بالتّوالف عزكم والتّخالف خاسرين
يبذر البذّار والخاتمه عند الصرام=يدري اللي مادرا وش مدار الناصحين[/poem]


[poem=font="Simplified Arabic,5,black,bold,normal" bkcolor="skyblue" bkimage="" border="ridge,8,blue" type=1 line=1 align=center use=ex num="0,black"]
عِندْ الفـَرَج
عند الفرج ماياخذ الضيق ساعه=دنياً تضيق وفزعة الله سريعه
أجاهد الدنيا بعزم وشجـاعه=مالين لو ضاقت فجوج الوسيعه
ماارضى بنقص أن ما قدرت ارتفاعه=امّا يطيع الوقت والاّ ماأطيعه
امّا بها المركب يقبْقبْ شراعه=والا يخيط الموج دونه بريعه
عن مايهين النفس عندي مناعه=الله خلقها في ضميري طبيعه
لولازمي يقضيه بعض الجماعه=الله ولا بعض الرجال ونفيعه
[/poem]



[poem=font="Simplified Arabic,5,black,bold,italic" bkcolor="silver" bkimage="" border="solid,8,teal" type=1 line=1 align=center use=ex num="0,black"]
غريِق النـّومْ
قمّ ياغريق النّوم واسمع ياغشيم=ياظالمين المعرفه روفوا بها
يظهر لك الصّافي من الفكرالسليم=أقلّ مكسب سالفه وأحْكوا بها
العرف نعمه من عطا الربّ العليم=ربّ النفوس اللّي ضمن مكتوبها
احلا النّعم سمّي بها ابن آدم حكيم=والحكمه العظمى لقاضي نوبها
عطاه ضدّ المعرفه قلّ النّديم=وعدالها كثر النقم بجنوبها
ممشى الضحى يفرق على ممشى العتيم=خلّ الهقاوي عنك ما انت بصوبها
[/poem]


[poem=font="Simplified Arabic,5,black,bold,italic" bkcolor="teal" bkimage="" border="outset,8,gray" type=1 line=1 align=center use=ex num="0,black"]
فَعَـايـل الطّيـبْ
من شبّ ماطاب ماينفع ليا شيّب=لا غرّ بأول حياته غرّ بأتلاها
فعايل الطيب هي مالية الطيّب=وإلاّ الدراهم راعي المكناس يلقاها
لاجيت من ديرةٍ لك وقت متغيّب=قولة هلا مايحوش العفن تسواها
أقولها ما أستحي لبعيد وقريّب=لعلّ من ينكر أهل الطيب يفداها
واللّي نقل هرجة القاصر ليا عيّب=في طيب سيرته مهو بوياها
[/poem]



[frame="6 70"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كنّـــه ا لشيهان
راكب اللّي فزّته فزّت ربيبي=طالع الصقّار يصعق له ويومي
ضاع صبح وحصّله عند المغيبي=وانحذف له من على عال الرجومي
مع سماحلخدّ ينشاف ويغيبي=يطّرَدْ مثل السّراب مع السّمومي
كنّه الشيهان تصميم الصليبي=بنز توّ مورّده حطّ الرسومي
لادفعت اللّي لمشروبه يجيبي=اقعد العدّاد قبل انه يقومي
لين يمسح وجه الارض من الرسيبي=ثم تحرك من وقوفه للقدومي
ماتمنّيته حلالي من نصيبي=عند باب البيت حاسيه اللزومي[/poem][/frame]




لاباس
في الأخ سعود بن غازي السهلي يرحمه الله,,,
[poem=font="Simplified Arabic,5,black,bold,italic" bkcolor="skyblue" bkimage="" border="solid,8,teal" type=1 line=0 align=center use=ex num="0,black"]
لاباس ياجفنٍ تذيّر نعاسه=ماني بلوم ليا تذكّرت مسيار
بغياب أبو غازي تغيب الوناسه=لوجيبت الدلّه ولو شبّت النار
وين الرفيق اللّي من الطيب ساسه=متى نشوفه مكرم الضيف والجار
حلو النبا له بالمعالي فراسه=فذٍّ ليا عدّوا بعيدين الأنظار
طيبه يجدد من مفاهيم راسه=ماهاب من دون المواجيب مخسار
سعود في عزمه وصبره وباسه=ياما قطع مع سكّة الطيب مشوار
يطرب له الخاطر ويجلي عماسه=انسى لياجيته همومي والأفكار
كمّ مجلسٍ ماأشفق على قرب ناسه=عن الردى لي مع هل الطيب معبار
أليا نصيت البّر أعرف العساسه=واليانزلت السوق قيّمت الأسعار
ماكلّ من يشري لباسٍ قياسه=الله فرق خلقه طويلين وقصار
وأن شفت في بعض الأمور أنتكاسه=أصبر ولا بدّ أن الأيام تندار[/poem]



[poem=font="Simplified Arabic,5,black,bold,italic" bkcolor="burlywood" bkimage="backgrounds/29.gif" border="solid,8,teal" type=1 line=0 align=center use=ex num="0,black"]
مرحبا
مرحبا ترحيبةٍ عطرٍ نسيمه=ريح وردٍ من خفايا الروح فاحي
بالرفيق اللي مطاليعه عظيمه=حطّ له بالقلب مسراح ومراحي
صمّم المعنى وجابه من صميمه=صاحيٍ فكره ومفهومه نصاحي
زينة الصفحة نقشها بالوسيمه=ثم لبّسها الجنايب والوشاحي
بارع المعنى عوايدنا مقيمه= مايردّون الكرام إلاّ الشحاحي
الرجال اللّي معانيهم عقيمه=مثل ممشى اللّي تردد بالمناحي
النشاما بالمواقف مستقيمه=والردي ماينفعك لوقام طاحي
لو وصفت الدرب ماذب الخريمه=الرداء عنده مع الطيب متواحي
وأن شكيت من الليالي وتعتيمه=خلّ نور الله معك تشرق صباحي
ماحدٍ حاله من الدنيا سليمه= لوتطوّر بالعلوم وبالسلاحي
دايما تلميذ لوزاد تعليمه=تتعب الفاهم ولو نال النجاحي
يابومرشد لي زمن حالي مسيمه= أتلفت مثل مكسور الجناحي
خير وقتي مايلادي ربع ضيمه=وارجي الله عن خساراته رباحي[/poem]



مرّيت
في الفريق متقاعد علي المشعوف المطيري
[frame="10 60"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مرّيت للمشعوف أسلّم وأبا أروح=في مجلسٍ ماهو بمجلس مهونه
الباب والديوان والقلب مفتوح=أمطير واللّي غيرهم يدهلونه
صخى وترحيبٍ من الروح للروح=زوّارته من كل بدّ ونمونه
عليه زوّاره مراويح وسروح=ربعٍ يودّعهم وربعٍ يجونه
صدر أبو فيصل للمشاكيل مشروح=يدرى خواطرهم ولايغضبونه
وربعٍ لهم بالطيب هومات وشبوح=عيال أبو فيصل عضوده وعونه
هاك الوجيه اللي سناها لها ضوح=نوادرٍ بالطيب ماهم بدونه
قلته وأنا مالي ورى الربع مصلوح=مثلي يعدّ اللّي تشوفه عيونه
المدح ما أسعى به على كل ممدوح=مغليه ماني مثل من يرخصونه
أقرأ ويكفيني من العلم منضوح=إحساس فكرٍ نظرته ماتخونه[/poem][/frame]


[frame="5 70"][poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
من عباد الله
راكب اللّي يطوي الخّط الأسود طيّ خام=من تصاميم أخبرا الغرب والبستم ضخيم
لاهمزت سليتره ماتلهوث بالمقام=كنّ صندوقه تحلّل من الشّاصي السّليم
مشكلة راعيه دايم مع الخطّ السلام=كن كلّ اللّي بوجهه مع السّكّه مقيم
أرْكبه لامن تذكّرت مردوع الوشام=لوحكوا بالحب ماغَيّر الحب القديم
من عباد الله ماهمّني كثر الكلام=بس نور العين في هالبشر كنّه غشيم
[/poem][/frame]



نسيم ا لوجد
قصيده في صاحب السمو الملكي الأمير سلطان بن عبدالعزيز آل سعود حفظه الله,,,
[poem=font="Simplified Arabic,6,white,bold,italic" bkcolor="transparent" bkimage="backgrounds/3.gif" border="double,8,white" type=2 line=1 align=center use=ex num="0,black"]
من نسيم الوجد هيّضني عبيره=أنجلا المعنى وهاجوسي عصاني
دار للنّاشي هبوب المستثيره=أرتدم نوّ الحيا والنور باني
أستخيل البرق في عين البصيره=لين شفت اللّي عليه الله هداني
من ضواحي ديرةٍ روّحت ديره=سجت يوم أنّي جزيت من المكاني
عارف منصاي من راس المسيره=منتهى المركب على مرسى المواني
مزبني سلطان بن صقر الجزيره=مزبن الخايف ليا شان الزّماني
جاذبه عودٍ ليا قاد الجريره=هزّ نجد بخيل وسيوف محاني
حاكم القطرين وقعاته خطيره=ماركب مثله مقاضعت العناني
لاتنصّاله بلد وألاّ عشيره=خاضها في سر وألاّ علاني
هو سياسي البلاد وهو خبيره=أهل الخبرات خلاّهم هباني
كلّ صاحب فكر في فكره يديره=لين أخذها بالسياسه والسناني
أستعان الله وبارك في نفيره=وأستجابت من تبوك ليا عماني
سلّمت وأصبح بها كلٍّ ظهيره=من بلاد الشام للحدّ اليماني
فعل مايستكمل القاف تعبيره=القليل من الكثير اللّي خفاني
وارثه سلطان ماهو مستعيره=مستمدّه من عريبين المجاني
نادرٍ بالطيب مايوصف بغيره=تستوي فيه المثايل والمعاني
مع هل الوقفات وقفاته كبيره=كم نقلها من لغات وترجماني
من وفاه الشعب في ماله خشيره=من عطى يمنىً تمدّ لها اليماني
من صواديف الزمان الله يجيره=فيه ملجاً للضعيف وفيه أماني
كم سمعت اللّي شكر فضله وخيره=من مراديد الثنا طيبه دعاني[/poem]



[poem=font="Simplified Arabic,6,white,bold,italic" bkcolor="transparent" bkimage="backgrounds/9.gif" border="double,10,sandybrown" type=2 line=1 align=center use=ex num="0,black"]
نشد تك عنّي شرفْ
قالوا لي أنك تنشد قلت أبا أمرّه=نشدتك عنّي شرف ياطير حوراني
أنت الفخر والمشاعر منك مسترّه=أرض سقاها الحيا من غرّ الأمزاني
أصلك فخر من فخر حضره وأهل برّه=متسلسلٍ من شرف وايل وعدناني
أنا مع أهل الوفا لي نظرةٍ حرّه=مشاعري فيه تامرني وتنهاني
ماني بطايع المشير ولا أتبع الجرّه=إلاّ ليّا صار لي في دروبها شاني
أنا رفيق الوفا والكلفه المرّه=لو آخر الناس أجعلها بميزاني
كم كلمة لو قلت ماتازن الذره=يلقابها صاحب المفهوم نقصاني
أقولها مره وآخذ بها كرّه=لا جالها مع زبون السوق ميداني[/poem]



[poem=font="Simplified Arabic,6,black,bold,normal" bkcolor="transparent" bkimage="backgrounds/14.gif" border="groove,8,gray" type=2 line=1 align=center use=ex num="0,black"]
نظرة عمــرْ
ياللّي زها لبس نفنوفك=جسمٍ حسدني بها جيلي
نظرة عمر عند مخطوفك=سدّ الفراغ بتماثيلي
شفتك ولا ادركت من شوفك=إلاّ العنا والغرابيلي
ياجارح القلب بسيوفك=لوّعتني بالمصاويلي
لاتلحق اتلاك مسلوفك=تليّـني ما استوى شيلي
ماشفت عطفك ومعروفك=عيّت لياليك تصفيلي
حبّيت طيفك على طوفك=عن لابسات الخلاخيلي
تسري لك الروح وتحوفك=ما شفت ضدّي من اللّيلي
لو تشرك السلك بظروفك=فتّحت باب المداخيلي
ابذر لي الحب في جوفك=واسقي جذوره بتعديلي
واسعد من شال ملفوفك=وشرّع بنقع الشهاليلي
حكّامة الموت بزلوفك=تهوش الاشقر عن النيلي
يفهق عن الخد لكتوفك=ليا خضبًا للمظاليلي
مشرع جدايلك سرجوفك=تحويلها للنحر سيلي
عيلات جسمك بمصفوفك=لا تحكم الليّم بالميلي
تذبح على امرك وتصروفك=لاتفرض الحقّ وتعيلي
عطني معانيك وشفوفك=نوري وغيبة قمر ليلي
خوفتني زاد من خوفك=ذبحي ولاالخوف تاجيلي
حلل عقد حبل مكتوفك=عطني خبر درب تسهيلي
اكتب على البوك بكفوفك=تعبير الاعماق تفصيلي
ابا اتصرّف بمصروفك =حسب ردود المراسيلي
حكمي بحكمك لمهدوفك=الميت ما احييه بالويلي
لا قلت حسناك لضعوفك=حقّ بليّا معاديلي
اظهر مكارمك لضيوفك=وانطح وجيه المقابيلي
احجب هواك بذرا صوفك=من نقص خافيك تكميلي
ليا احتما برد هفهوفك=ترجع لعرفي وتكليلي
اعجبك لا هبّ عاصوفك=يعطيك ضرب المثل قيلي
تخبرك دنياك بحسوفك=في عجز نقضك لتفتيلي
ماتطرد الحيف بحلوفك=يامودّي الجدي لسهيلي[/poem]



[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="double,8,white" type=1 line=1 align=center use=ex num="0,black"]
نهاري على مجرى
نهاري على مجرى وغير هوا مسراي=مسير الرياح بحكم علام الأحوالي
تحركت في مركب غرامي على مرساي=يفرق وجيه الموج في صدره العالي
ألّمس مدارج داي وأجمع حصيل ادواي=واسولف مع الميت على نفس منوالي
أحاسيس تجذبها لروحي بنغمة ناي=مع الناس مجراها على سلك عزّالي
صنعت الطرب وأرضيت روحي وراس أرضاي=على كلمتن مني توارثها الأجيالي
لها وارثٍ مغرم وفيها هواُ سعّاي=مع أرواح موهوبه لها مستوىُ عالي
أعلمك ياللي هزّك الطار عن معناي=علاشان مايلحقك شكٍ بمزعالي
أنا لي هواُ جذاب وأليا أنحرفت أقفاي=على غير مايهقا من المجمع الحالي
أقوله بعد مادركت حولي وش الزرّاي=مع الناس أخذت أقياس روحي ومكيالي
عرفته بروحي ماعطانيه صاحب راي=عبرت الدروب وعلمتني بمنزالي[/poem]



[poem=font="Simplified Arabic,5,red,bold,normal" bkcolor="skyblue" bkimage="" border="solid,4,chocolate" type=1 line=0 align=center use=ex num="0,black"]
نوٍ حدر
نوٍّ حدر عزّاه لمخيّلينه=تقطع صلاة المستغيث بنصدها
مترادفٍ كنّه جبال المدينه=سودٍ حجب برّاقها في سددها
قامت تسوقه من هواه السكينه=من صادق المنشا تدافع قودها
ما طاح قطّار الحيا من غشينه=بأمر الولي جرعا طويلع وعدها
يوم أستوى بين القسومي وبينه=نقر له الشرقي وُوندق رعدها
مع فرعة الوادي غدا له رطينه=تلحاء الغصون المبذره من بردها
يفرح بها اللّي مارداته ظنينه=هاك العدود الراهيه ماوردها
كبده على مشروب ماها متينه=لاماءً قراح ولا صميلٍ صمدها
بالعون نكسات الحمايل غبينه=ماتنفع الفزعه بردّت سعدها
يشوف طيّبهم عوينه يهينه=باصابعه عينه يفضّخ بردها
احسبت وقفاتي عليكم ثمينه=اليوم عندي طلبةٍ مابعدها
ليا جالك الهرّاج من شامتينه=مستانسٍ في صدّها وأنتقدها
خلّه يسدّ اطراف شدقه بطينه=لايحسب إنّ فحوس كبده بردها
طيب المواقف مانبيعه بدينه=لياجت مواقفنا يسند مددها
فزعة هل الحرداء لراع الدّفينه=ماجنّبت ميقافها لو طردها
افعالنا عنها تقصّر يمينه=إن شافها طيب الهقاوي فقدها
مواقف منها يضيّع يقينه=يصبح عواقب زمرته ماحمدها
ماهو بطيب اليوم مستارثينه=عندك خبر رفع البيوت بعمدها
ماني بشرّاي النميمه بدينه=خيبة حصيله من قليله خردها
خطوى الهبيل اللّي سواة الطبينه=من قهرها بالقدر تطبخ ولدها
من ضمن ناسٍ بالمعادي ذهينه=ماشافت اللي بالمحارف رصدها
ان كان كلٍّ قام يظهر خزينه=والله إنّي لذوّقهم من الموت وأدها
كلٍّ لوريّه المناكر بعينه=بمطولاتٍ ماتحلّلّ عقدها
لين الكديش اللّي صدوغه سمينه=ينسى الهروج ولا يكمّل عددها
الصبر مزعلني بكثرة سنينه=الحال ساقمها وكبدي لهدها
الشاعر / فلاح الحميداني
[/poem]




[poem=font="Simplified Arabic,6,red,bold,italic" bkcolor="darkblue" bkimage="" border="groove,4,orangered" type=1 line=0 align=center use=ex num="0,black"]
نوم الكوع
يوم انّ كلٍّ نام نومي على الكوع=لين انّ ضوح الفجر بين شعاعه
من كلّ هاجوسٍ تسلّمت مشروع=ابيع واشري مثل راع البضاعه
اهجوس تدعمها وكالات وفروع=تطويرها فاق الخيال اتّـساعه
من واق شيف وراعي الحكي مسموع=الفعل للتّاريخ والناس اذاعه
زود الكتاب وناقص الحرف مرجوع=تجري له التعديل دار الطباعه
كلّن يضيع ليا جهل لّه بموضوع=الاّ من الله فضّله بالشفاعه
وانا جهلت وغرّني حكي مصروع=من شوخ مير انّه ضعيفٍ رعاعه
لا ضَدّ قوم ولا يجي منه منفوع=مايسقي الضامي من الماء ذراعه
اللّي يحسب الطيب بالحكي مجموع=شراء الرداء بالمال والطيب باعه
اختار عشّاق الردا وجه جربوع=ارزل بشر ولاّه شون الجماعه
لعل جنسه من ضنا علي مقطوع=ومن السّلايل مايجيله تباعه[/poem]

[poem=font="Simplified Arabic,5,black,bold,italic" bkcolor="transparent" bkimage="backgrounds/7.gif" border="inset,8,gray" type=1 line=1 align=center use=ex num="0,black"]
هَات العلُـومْ
ياورع جاب اقصاك ضاف الدليقي=يوم انّك اطّلبت المسّير بمسيار
هات العلوم وخاطرك لا يضيقي=ممّا يقولونه ضعيفين الافكار
لاتسمع اللّي هرجهم مايليقي=نقّالة النمّه قصيرين الاشبار
هروجهم ماهي بقفلٍ غليقي=لوانّها قفلٍ فتحته بمسمار
انا ان كان انّك جهلت بطريقي=تبا تعلّمك الليالي بالاخبار
ليتك بصندوق الضماير تويقي=وتشوف ماسجّل بلوحات الاسرار
صبر وحيا وادراك عرفٍ غميقي=ورجلٍ مدارجها رفيعات وعسار
مواقفي ترفع نواظر صديقي=لها مع النّاس الوفيين تذكار
تلقى الوفى الصّافي جديد وعتيقي=وقفات طيبٍ مااشتريها بلاشوار
ماني بمن يمشي بعقل الغريقي=خبلٍ علومه مستحيلات وكبار
واليا بلش في لقو ةٍ مايطيقي=حقّه من القدره تصفصيف الاعذار[/poem]



[poem=font="Simplified Arabic,4,white,bold,normal" bkcolor="transparent" bkimage="backgrounds/10.gif" border="double,8,gray" type=0 line=1 align=center use=ex num="0,black"]
هَايف الميلاَف
هايف الميلاف بالنّايف وحنّي=من خلاجه لاج ماله بالمكاني
له موارد لو مضاميه أبعدنّي=كم فجوجٍ باجها زمل الصخاني
تنعرف بيض اللّهود أليا سرنّي=يخلفنّ الوصف الأول وصف ثاني
كم جبا عدّ وردنّه وصدرنّي=مضمياتن مثل الأقواس الحواني
شيب أشابيبٍ مماشيهن تعنّي=مايجوب دروبهن حشو القراني
حركن عرش الخفوق وهيضنّي=زين الأمثال الجزال من المعاني
من نسانيس الهواجيس أحضرنّي=فنّ أحاسيسٍ من السحر العماني
عن نواظر مدّعْ العرف أحجبنّي=العدو قبل الصديق اللّي يراني
آدمي روحٍ بجسم وفكر جنّي=بالبحار أسرار خلق ماخفاني
كم تدور صدور أمور ماخفنّي=الطعم بالمستكا غير اللباني
أجهل اللّي مايعرف أسرار فنّي=المثايل للحكيم أقرب مكاني
ياحمد(1) لو تنشد الأيام عنّي=ماتصدق لو حكن لك عن زماني
دور حول أعطي الليالي ماعطنّي=بسّ أسرحهن وأضويهن بداني
كل مازادن من الربخ أفرحنّي=لا أختفا بجلودهن حبل البطاني
ياحمد ياكثر ماراحن وجنّي=والحصيل أكليل من شوك سعداني
والهواجيس العوابس داهمنّي=وصنعن لي حمل ياسٍ كبر أباني
وأن شربت من العزيمه زاد جنّي=والحكيم اللّي يحكمه ماقراني
الله اللّي زادني بالنقص منّي=في طريقٍ ضلّني مدري هداني
الشاعر / فلاح الحميداني
(1)الشاعر حمد الأسعدي.[/poem][/align]



[align=center]قصيـده مرسله الى الشّــاعر حمد الأسعدي :
[frame="7 70"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
هبوب الهيف
هبّت هبوب الهيف واستبرق اللاّل=يطرد سرابٍ سال بارضٍ عزلها
يجي لها بين الروابي تزهلال=خيالها الزوّال مخفن سهلها
شهبٍ شلاهيبٍ شجرها ليا زال=شولٍ على دفّاق صيفٍ هملها
من النوا سيلٍ وازاويل وضلال=ماها ضماها اللّي ينشّف بللها
هوجا سفوح وموجها فوق شعّال=من ريح لافوح الجنوبي عللها
تخفي لها بيدا ويزمي بها جال=ليا اختفت جردا توايق جبلها[/poem][/frame]



قصيدة في الأخ برجس بن عصّـــاي العتـيبي ،،،، [frame="4 60"][poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هدّاج
البارحه في مجمع اهل التّعاليل=جماعةٍ مستانسين بوجودي
كلٍّ يسولف لي وانا احطّ واشيل=فكري يراود له بلاد ويعودي
قالوا علامك قلت ماني باالحيل=عليّ مردودالسوالف تكودي
يوم انّها ضاقت عليّ المداخيل =وفَترت من الحمل الموسّق عضودي
عوّدت للموتر وشغّلت باللّيل=أدهم ليا اسهم مثل فرخ الجرودي
عشّقت وافترّ الكفر واقعد الميل=في ماقفه من قوّ دفع الوقودي
قيره يحضّر للتّروس التباديل=على هوى البستم وفرّ العمودي
ماحطّ به من مصنع البنزماشيل=شدّالبلد توّه ترسّم سعودي
عطا طريق سدير يزرق كما السيل=اليا حدر وادٍ فروعه سنودي
وادٍ فحل له عدّة اعوام ماسيل=وليا مشى ماينقطع عشر سودي
رجّه من الوسمي صدوق الهماليل=من قوّ ماطرها تسيل النفودي
على الشّجر غثوه كما دفّت الفيل=ومن الزبد بالعود مثل العمودي
لي ماردٍ تضرب عليه التماثيل =هدّاج مايوصف بكل العدودي
ماهز جمّه ورد قطّان ومحيل=لازاد ورده قام جمّه يزودي
من خلقتي ماشفت مثله ولاقيل =عن كلّ منهو بالجميل محمودي
مضر ب مثل للطّيب جيلٍ بأثر جيل=لادار بافعال الرّجال معدودي
مازوّد افعاله بزيف التماثيل=ان كان مانقّصت منها مازودي
ماتنتسولف عند بعض الرياجيل=ولا تنحكي لو ماعليها شهودي
قرمٍ مـحـلّه للنّشامى مداهيل =ساس السّخا من جود ربي يجودي
كم شال عنّي ماعسرني من الشيل=ليا ضيّقن روس الظلاف البدودي[/poem][/frame]



[poem=font="Simplified Arabic,5,royalblue,bold,normal" bkcolor="silver" bkimage="" border="double,8,royalblue" type=1 line=0 align=center use=ex num="0,black"]
هـواجس
بيّن شعاع الفجر ما ادركت هملوج=من كثر هاجوسي وقلّ أندماجي
هواجسٍ تصفق براسي كما الموج=إليا تتالت وأزرق الموج هاجي
شاطيه من مترادف الهدْج(1) مرهوج=توارده مثل الهجوم المفاجي
ما ارتاح لين آخذ من الفكر منتوج=هجْسي مرض حالي وفكري علاجي
دنياً تبذّ الحيل ودروبها عوج=لعلّ كسبي من سببها خراجي
خلّتني أهزلْ من ذلول أبن عرّوج=عقب الشّحم في بطنها الحبل ساجي
(1) الهدٌج: الموج القصير المتتابع. [/poem]


[poem=font="Simplified Arabic,5,black,bold,normal" bkcolor="transparent" bkimage="" border="solid,8,red" type=1 line=1 align=center use=ex num="0,black"]
ياتايه الأرياء
ياتايه الأرياء(1) ورى فكرك يغيب=غرّيت في دنياك وأخطيت الصواب
ياشين نقص المرجله عقب المشيب=اللّي هقا بك طيب ظنّه فيك خاب
لو قالوا أنّ البندق العوجا تصيب=نـقّالها مثل الهليك مع السراب
بأي الأسامي للحميّه تستجيب=سؤال لو يحرجك في ردّ الجواب
أن طبت وإلا جعل عمرك ماتطيب=الطّيب في ربعي مطوّعة الصعاب
يجمعهم الماقف على الجدّ العريب=أليا تنادوا به قصر عنك الحساب
لا صار ماتفرق مشبّب من شبيب=يخبرك وقف السّوق بأسعار الجلاب
وأن كان صحّ القول فرخ الذّيب ذيب=باكر تنشّد عن مواريث الشباب
سلايل السّربه منزّحت الحريب=مقابس الفتنه ملايكة العذاب
أهل الفعول اللّي سعدها مايغيب=وأن ضاقت الدنيا لهم بالضيق باب
الماص مخلاص الطّليب من الطّليب=ليا مال في راس الكْتَب(2) ثقل الزهاب
أن دارت الهيجا لنا فيها نصيب=عاداتنا بالكون تفريق الضباب
في ساعةٍ مابه حديث ولا خطيب=ناخذ بها حقّ الزكاة من النصاب
(1) الأرياء : جمع رأي.
(2) الكْتَب :الشّداد الذي يوضع فوقه المتاع.[/poem]



في الشيخ عبدالرحمن بن محمد الغزّي
[frame="8 60"][poem=font="Simplified Arabic,5,crimson,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياراعي المنسف
ياراعي المنسف نصيتك على الطيب=والطيب عسر الا على فاعلينه
عسر على كل المخاليق وتعيب=الا على عشاقته قادرينه
وانتم يابو خالد رجال المواجيب=اهل المواقف بالسنسين الظنينه
جدّك حمد منصى هل الفطّر الشيب=نسمع بطيبه وانت من وارثينه
ياما نصنّه سايجات المحاقيب=يبون بيت بالكرم خابرينه
راعي دلالٍ يبهجن الشواريب=ونجر على الحزات تسمع رطينه
وصينيه تصحب ليا جت بترحيب=اما عليها سمن والا سمينه
على دلاله والصحن يرخص الجيب=يصرف عليهن ماتحوش يمينه
يصرف عليهن بالسنين الشلاهيب=يوم ان ولد اللاش تقصر يمينه[/poem][/frame]



قصيدة بالأخ العزيز/ عبدالمحسن اليحيا
[frame="9 60"][poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يارفيقي
يا ابن يحيا يارفيقي عند مس الحبال=وش حيلتك بالرفيق اللي فواده عليل
تشوفني كل ماذعذع نسيم الشمال=ياخذني الشوق في عكس النسيم العليل
تروح الافكار تسبح مع سراب الخيال=ياشين شرهة قوي العرف بالمستحيل
مايطرد الفقر عن راعيه مكسب حلال=الا بعد يدرج المربح بصبرٍ طويل[/poem][/frame]




[frame="8 60"][poem=font="Simplified Arabic,5,red,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ياروح روح الروح فكـّر وقلي=أنـا بقـلبــك ويـن موضـع محــلّي
مـلكتـني في صـادق الـحب يـالـّـلي=لاغـبت عنّي كيف أبا أرتاح وأنساك
***
مادام هـذي لوعـتي وأشـتيـاقي=وأنا معك مرتاح وش عـاد باقـي
أخشى بـلاي ولوعـتي مـن فراقـي=ويبقى عذاب الروح مع رسم ذكراك
***
أرحم رحمك أللّي بعبده رحومي=تـرى الحـيـاة لمثـلـنـا مـاتـدومـي
الّلـي سكـنها أعـوام ماقـال يومـي=لمـّـاوصــفـهـا عــدّهــا فتـح شــبـّاك
***
هواك ضيّعت الحياة بعبيره=وأستاقني من جو ديره لديـره
الله أعلـم بآخـري وش مصـيره=مع رغبـتي بأولـك خـوفي من أتـلاك
***
أهمّ شئٍ فـي حيـاتي نسـيته=بعتـه وبالغـالي غـلاك أشتريتـه
جميـع ماترضـاه روحـك رضيـته=عندي زعلك أزعاج ورضاي برضاك[/poem][/frame][/align]



[align=center][poem=font="Simplified Arabic,6,black,bold,normal" bkcolor="silver" bkimage="" border="double,8,black" type=2 line=0 align=center use=ex num="0,black"]
ياسـايق الـموتـر
ياسايق الموتر براس النبا عدّ=فوق البلاد ليا تعلّيت ردّه
واليا أنحدر صدره على مطلعه ردّ=وقّف وسحّاب البريكات شدّه
هذا علاج المشتكي كلّ ماأشتدّ=غيضه وغاب أرضاه وأنباح سدّه
خذ فيه غفلة تطرد الشوف وتلدّ=لين أظهر المعنى قويٍّ مشدّه
اليوم أحاسيس الوفا مزحها جدّ=خلّ الدموع بناظرك مستعدّه
أعطيك من مطلاع الأشقر لياهدّ=نظرات سحرٍ بالوفا مستمدّه
حقّك على اللي صرتله بالسفر لدّ=اللّي فقدت من النظر تستردّه
أليا تعلّت فيك خدٍّ على خدّ=تفرقبها العالي من المجرهدّه
يرضيك من ناظرك عن مارثت جدّ=أليا شفت حجم البيت مثل المخدّه
خذ لك بها تدقيق نظرات وتصدّ=واعطيك عن ماضيه تصوير ضدّه
مواقف تحييها الأيام وتعدّ=أسمالها بنفوسنا مستجدّه
نفخر لنا بأمجاد ماضٍ لنا ضدّ=ورث عطانا من رخا الوقت شدّه
لنا الفخر منها ومنّا فخر غدّ=لاصار ميقاف الردي مايسدّه
بالطيب صورها رضانا بلاحدّ=تاجٍ على روس الوجيه المصدّه
روسٍ بفوس ومرخي الحبل ماشدٍ=تهقوت الميراد من دون عدّه
كثروا وحطٍوا للرداء شيوخ وعمدٍ=بذّارة البغضى بحوض المودّه
بالشّين يسقونه هل الخبث ويجدّ=في مربط العلاّف ناسٍ تمدّه
تبيّنت تجار مالٍ بلا كدّ=ورايتنا يمشيبها جيش ردّه
حتّى ظهر من ساس مبنى الحجر ندّ=ياكل به السكّان من كيل جدّه
لو بالردى يبنون دون الوفا سدّ=ساعات من هبّت هوانا تهدّه
دنيا تعدّت حدّها وأكملت عدّ=منتظرةٍ بجداد الأيام ضدّه
ياقربها تاصلّ لّها حدّ وتلدّ=مكتالةٍ غلّ المثاري بهدّه
ملبوسها من عقب الأرناق مسودّ=تصبح عليها مثل لبس المحدّه
ليا أختلف توقيت جزر البحر مدّ=مجرى الثقيل من العوابر يصدّه[/poem][/align]



[align=center]قصيده في الشيخ سعود بن عبدالرحمن السديري,,
[poem=font="Simplified Arabic,5,orangered,bold,normal" bkcolor="white" bkimage="" border="double,8,red" type=1 line=0 align=center use=ex num="0,black"]
يا سعود
اليوم دار الفكر يامركز الجود=هيضّتني ياناطح الموجباتي
الباب عن بعض المشاريع مسدود=بالنّفس عن بعض المواقف غناتي
فكري على الماقف فتيلٍ وبارود=الفرق مابين الهدف والرماتي
واللي يهيّضني على القاف ياسعود=روس الرجال وعالي النايفاتي
رجلٍ على الماقف مجرّب ومفقود=ورجل يخفّف لا خذاه المماتي
أقولها لك ياسديري لمقصود=هذي تماثيلي وهذي صفاتي
عليك منّي من ثنا الطيب مردود=وأنا مع أهل الطيب هذي سواتي
ماني من اللّي عنده الطيب مجحود=ولا المدايح عندهم سابقاتي
أصفّهن صفّ المغنّي على العود=لين أنهن يمشن متوالفاتي
هذي سواتي كل ماهبّت النود=أليا أظهرت من عمق المشاعر حداتي
يجي لها من سرّ الأرواح مجهود=عين الوفا منها تهلّ عبراتي
قولٍ على فعل مجرب ومنشود=تعبير له عند الخوافي ثباتي[/poem][/align]



[align=center][poem=font="Simplified Arabic,5,teal,bold,normal" bkcolor="white" bkimage="" border="inset,8,gray" type=1 line=0 align=center use=ex num="0,black"]
يَاعاذِلْ المشّتـاق
ياعاذل المشتاق مافيك تـقوا=ولافي فؤادك مثل مابي حروقي
لا شك أبا أصبر للدهر والله أقوا=لو أن لذّاته تحش العروقي
يوم الله أبدا الخلق ريّح وشقوا=متصرّفن منه العنا والوفوقي
سقوا ليا منيّ تربّحت سقوا=عرفت تسعير المبيعه بسوقي
اكتال من هقوه على من تهقوا=يرجح بها الميزان عند الحقوقي[/poem]


[poem=font="Simplified Arabic,6,black,bold,normal" bkcolor="gray" bkimage="" border="outset,4,burlywood" type=1 line=0 align=center use=ex num="0,black"]
يالله دخيلك
يالله دخيلك من عماة البصيرة=لاسيطرت ظلما الغشامه على النور
وشلون ماشيها يقدّي مسيره=لا صار مايمشي على درب ماثور
دعواً للأعصاب القويه مثيره=تحليلها يصعب على كلّ دكتور
حيث أنها غير الغرابه كبيره=يتهم بها اصدق شخص في كلمة الزور[/poem][/align]



[align=center][frame="4 50"][poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يـالله ياالمقصود
يالله يالمقصود في كلّ نايبه=يامن على خلقه جزالٍ وهايبه
الأرزاق لايسّرتها ماتعسّرت=وما عسّرت حكمتك محدٍ بجايبه
تفرج لحالٍ حلّها وأستحلّها=خميسٍ من الهاجوس نوّخ ركايبه
الأحساس جردّها السياده وسادها=فرض عليها مخطي أمره وصايبه
عطاها من أحكام العنا رغبة الهنا=غريبٍ سقمني والغرابه رضاي به
حياتي بطيفه جوّ صيفٍ ليا أكتسا=سرابه وطالت به مباني زرايبه
تغيرت منه المعالم من النّوا=على جوّ دوٍّ زامياتن جذايبه
كما السّفن من روس الروابي تعوم به=ليا سربّت جردا من القيض شايبه
سنا جمر سمرٍ وقفة الظلّ بالعصا=بها روية البلور والشمس غايبه
مع الفايق الماثوق شوقٍ يسوقني=على نسمة الشرقي ليا جت هبايبه
جذبني بسلك العنكبوته وجابني=ولا أستكمل القدره على ملتقاي به
على رغم تعقيد الليالي لحبلها=على النّور ممشى الليل ماني بهايبه
تعاملت من صورة خيالي لواقعي=أساوم بسوقٍ ماتثمّن جلايبه
أعدّد نتايج مكسبي من خسارتي=عميلي بكسر السوق هاذي سبايبه
من العلم مثل الحلم بالقول والعمل=تجي بين عثرات الزمان أو عجايبه
تساقت خلايا الفكر من خافي الأسى=عليها مراديم الهواجيس ذايبه
مضى الوقت بين النّاس واليّاس والرجا=فلا أزددت من نقصي ولا النفس طايبه[/poem][/frame][/align]




[align=center]
[poem=font="Simplified Arabic,5,royalblue,bold,normal" bkcolor="transparent" bkimage="" border="groove,8,royalblue" type=1 line=1 align=center use=ex num="0,black"]
يا اليّ تقول
ياللّي تقول أنّك على علم وقياس=خذ منّي الصافي بليّا نقاشي
أذكر تراي أبني كلامي على ساس=نظرات فكري ماعليها غطاشي
اللّي يهيّبني من المدح بالناس=كثر الهروج اللّي على مثل ماشي
أشوف في بعض المخاليق وسواس=يحطّ من نفسه بعيد المعاشي
ألقى مثل ماقيل ببنوك الأفلاس =سوالفٍ تجمع وتصرف بلاشي
مايشبع الجايع من السور بلحاس =وراس الظبي محدٍ ذكر به عراشي
ناسٍ مجربهم على كلّ الأجناس=حلوين الألسن والضماير غشاشي
إلاّ القليل اللّي بهم رفعة الراس=قلوبهم عند المواقف هشاشي
فكري لهم يندار والقاف ينقاس=على موازين الوفا بيع كاشي[/poem][/align]






][align=center]السلام عليكم ورحمة الله وبركاته


اخواني الاعزاء احببت ان اضيف اليكم قصيده للشاعر فلاح بن مبرد لم تنشر من قبل

واتمنى انها تنقل للقسم الخاص بقصائد فلاح بن مبرد

هذه القصيده مهداة الى الشيخ غازي الياور عندما حاز على منصبه بالعراق ولكم القصيده



[poem=font="Simplified Arabic,6,black,normal,normal" bkcolor="transparent" bkimage="backgrounds/49.gif" border="none,6,gray" type=0 line=0 align=center use=ex num="0,black"]
مبروك يانسل الكرام المشاهير=عسى لك التوفيق والحظ قايم

مبروك في فوزك وحب الجماهير=ايدك باحزابه وكل الوسايم

ونجد{ن-- ظهر فيها الفرح والتباشير=تباشروبك لابسين العمايم

وانا من الفرحه عن الارض ابا اطير=واقول ياغازي عسى الفوز دايم

حيث ان لك عندي محبه وتقدير =على الفعول الحاظره والقدايم

سلايل الجرباء حماة المظاهير=اشيوخ شمر كاسبين الغنايم

لاجاء نهار{ن-- فيه ظرب القناطير=وراجو بسوق الموت بايع وسايم

وكثر الصياح وزغرد{ن-- الغنادير=وغاب اليقين وحذف{ن-- اللثايم

وركبو سروج مسودسات المسامير=قب{ن-- يدكن الوطاء بالقوايم

بالسيف نطاحت وجيه الطوابير=وفكاكت التالي اليا جت هزايم

كم سربت{ن-- من عقب ضرب المناعير=يضيق باولها وساع الخرايم

ليا اقبلت خيل وخيل{ن-- مدابير=في معتركهم يشبعن الحوايم

زبن المخيف ليا حدته المقادير=يلقى الذرى من عقب لفح السمايم

اليا جاء الخبر من بين طلاب ومجير= يامن ويصبح ساهر الطرف نايم

والجار حامينه طوال الاشابير=يمشي هيت ماله من الناس ضايم

وابيوتهم تبهج صدور الخطاطير=يفرحبها ضيف{ن-- على الريق صايم

يلقى وراها مثل حذف الجزازير=من كثر ماقلطبها من ولايم

اول قراه اهلا وسهلا وتقدير=ويقلط على جنب الشداد بلزايم

وبن{ن-- حمر في مكرمات مباهير=تقعد خوى راس{ن-- على الكيف سايم

ويعطون زينات البكار المغاتير=وسرد المهار مناتلات الشكايم

نوادر{ن-- مايذخرون المذاخير= شوخ{ن-- بنو صرح الفخر بالعزايم

ذاسر حبي للوجيه المسافير= اهل الوفا بالمعظلات العظايم

هذا وصل الله على داعي الخير= وسلم عدد ماهل وبل الغمايم[/poem][/align]

والآن أخواني الأفاضل بناء على طلب أخي الغالي سعادة / المدير العام أبونادر

تم بعون الله تنسيق ديوان الشاعر الكبير فلاح إبن مبرد الحميداني

ودمجة بصندوق عسى أن يحوز على إجابكم ورضاكم 00

وتقبلووو ا عاطر مودتي

شكرا اخي ابو عبدالكريم على الجهد الكبير في جمع قصائد الشاعر/فلاح بن مبرد الحميداني...!!
واتمنى ان اصبح مثلك في اجتهادك وتفانيك في طرح المواضيع اللي تشد العضو والزائر...!!
ومن اقرب القصائد الى قلبي وافتخر فيها...!!

قالوا مطيري قلـت افاخـر بساسـي
مبنى شرف ما غيّره كـل وسـواس
للمجد ماخـذ مـن عـدوي قياسـي
نختار من وقفـات اهلنـا ونقتـاس
يوم الوفـا ومصادمـة كـل قاسـي
تعرف مواقفنا علـى قـب الأفـراس
اهل النقا واهل الشـرف والحماسـي
مطير حمران النواظـر هـل البـاس
بنـوا لنـا بالمجـد رقـم قيـاسـي
كسارة الجمعـه بعيديـن الأرمـاس
من خيلهـم بـاد الحديـد السداسـي
وبادت خفوق الهجن من كثر الأمراس
مرسين لو كثـرة علينـا الحساسـي
بين الجنوب ونجـد وديـار عبـاس
وشيوخنـا مثـل الجبـال الرواسـي
شـوخ لهـم هـده ورده ومفـراس
دوشان بشيوخ العـرب مـا تقاسـي
روس عليها وافـي الطيـب ينقـاس
وعموم شوخ مطير تجلـى العماسـي
شقر الحرار اللي حوت كل نومـاس
عوق الخصيم اللي براسـه يباسـي
يهابهـم عنـد اللقـاء كـل مدبـاس
واليـوم بيّـن بالأمـور انتكـاسـي
ضاع الوفا يوم ارتفع تافـه النـاس
وقامـت تعذربنـا وجيـه البساسـي
ويروجون لهرجـة مـا لهـا سـاس
مرضى النفوس اللي تحب السواسـي
نقالـة الشينـه مواريـث الأنجـاس

السلآآآآآم عليكم /

اولا الله يسعدك ويوفقك على المجهود الجبار,,

والشاعر الكبير والجزل فلاح ابن مبرد يستاهل

لااااااهنت طال عمرك لاهنت

مطلوب قصيدة العم ابوبدر في الامير ملحان بن خالد البصيص
color][/size][/font]

احببت ان اضيف القصيده المطلوبه للعم فلاح ابن مبرد

[poem=font="simplified arabic,4,black,normal,normal" bkcolor="transparent" bkimage="backgrounds/43.gif" border="none,4,gray" type=1 line=0 align=center use=ex num="0,black""]

نو نشا يردم تحت سبـع الاسمـاك= قام يتخالف حـدر ظلـه نسانيـس
يرعد غضب واسترسل الوبل سفاك= حتى تخلخل وانفجر سـد بلقيـس
كم دولة سادت وبادت لهـا امـلاك= ورايات مرفوعه والاخرى مناكيس
للعز ياشيخ علـى الطيـب مبنـاك =مسيس من عهد الاجـداد تاسيـس
ياشيخنا الوافي عسى الشوخ تفداك= اللـي يـردون العوانـي مفاليـس
تسلم ويسلم من هل الجود شـرواك= شيخ بوقفات الوفا يرخص الكيـس
لاجيت لك شفت السعد في محيـاك= اخير من شوف الوجيه المعابيـس
فكـري تعدالـك وانـا مااتـعـداك= لاضيقت صدري كبار الهواجيـس
ان قلت عن ماضيك وان قلت مبداك= تجـود ياترثـة بعـاد المراميـس
اهل الشداد اللي يجيبـون الارواك= قطاعة الفرجه على حزب العيـس
بصايصه يردون لحيـاض الادراك= ليا اقبلت جـرد السبايـا كراديـس
فرسان في هداتهـم فـك واهـلاك =على المهـار ينزحـزن الملابيـس
شوخ بنولك منـزل بيـن الافـلاك= ملبسينـك حلـة المجـد تلبـيـس
حر ليا هديـت مـن راس مجنـاك=ت صيد وتعشـي فـروخ القرانيـس
افخر بوقفتـك ووفـاك وعطايـاك= من فايض افضالك تجود الاحاسيس
من طيب راسك صافح المجد يمناك= والناس فيها طيب الحـظ وتعيـس
نجم طلعت ووالي العـرش عـلاك= من طلعتك غابت نجوم الغطاليـس
اليا اقتبسنا مصدر النور بضـواك= والا رمـاد النـار مابـه مقابيـس
ياابو مشاري جعل شانيـك يفـداك =ويفداك شينين الطبوع النواديـس
الطيب كله فيـك والمـدح يزهـاك= ومدح على غير الوفا فيه تدليـس [/poem]

[poem=font="traditional arabic,5,crimson,bold,normal" bkcolor="transparent" bkimage="backgrounds/19.gif" border="outset,4,gray" type=1 line=0 align=center use=ex num="0,black""]
يالله انك ترحم اللـــــي وقفوه بلا خطيـه = ساجنينه ناس عن ناس رفيعن مستواها

ياهل المعروف ودوني وزير الداخليـــــه = البيوت الي يعبر مابها عن من بنــــــاها

مثل منهو عن مرض ناقه يكوَي له مطيه = يكوي الي سالمه والي مريضه ما كواهـا

وانت حدر الحر الاشقر يوم نفجها خويــه = يا منجيها من الي فوقها والي وراهـــــــا

هايفت فيني الثعالب للسباع الحضرميـــة = والسباع الي تحد سنونها تبغي عشاهــــا[/poem]

والله ابوبدر مدرسة اكبر من شاعر وقصايده اكبر من كثرن من المفاهيم الوقت الحاليييييييييي

مشكور من قام في تدوين هذه القصايد الجزله والله يمد في عمر ابو بدر وهو شاعر الخليج
تحياتي

مشكوووووور والله يعطيك الف عافيه وكبييييير ابن مبرد