القراءة قبل النوم ......!!!

أحبابي والله ....
شلونكم .....

والله يا جماعة ... أنا متعود على القراءة قبل لا أنام ...

يعني الحين على سريري .. تقريبا ... عشر كتب ... واللي تحت السرير يمكن 15 كتاب ....

قبل لا أنام لازم أقرأ ... حتى لو كنت منهار من التعب وبس أدور النوم .. لازم أقرأ قبل لا أنام ....

والكتب تنام بجنبي .. واصبح في وجهها الصبح ... وياحلوه من وجه ... لأني أعشق الكتب ...

هالكتب اللي أقراها قبل لا أنام ... منوعة ... فيها كتب عربية ... فيها .. كتب انجليزية ...فيها الديني ... فيها الموسوعي ... فيها الحكم .....الخ



أنتم .... هل مصابين بهذه العدوى الجميلة ......


ويبقى .........

الصعيري 314

القراءة ياعزيزي تفيد العقل وتنشط الذاكرة وتصقل المواهب

بس والله انا أقرا الجرايد وأهم شئ المقالات00

تقبل عاطر محبتي

اي جريدة تقرا... وهل هناك كاتب معين ...؟؟

الوطن

فؤاد الهاشم اهم كاتب

والباقون احيانا

مثل نبيل الفضل

عزيزة المفرح

وكل مقالات الوطن

الجرائد الباقية احيانا

تقبل تقديري

والله أني أحبك .....


بس الوطن .... ما أدانيها ......

لو تحول على القبس أبرك ..................

ليش

القبس كنت من زمان أقراها


بس الوطن هي افضل جريدة عندنا مع أنة فية جرائد جديدة الظاهر

بتغطي عليهم كلهم

ليش: ياخي أحس انها ضد ... الكثير من الوطنيين... تجربة انتخابات 2006 أكبردليل على ذلك ... كانت واقفة ضد معظم النواب الاصلاحيين ...

أفضل جريدة: ما أظن ... لكن أكبرتوزيع .... وبعض أخبارها زينة ...
كل المشكلة تقع في توجه الجريدة .... الصراحة توجهها مو وطني ...

عالم اليوم .... يمكن ......

بس اكثر كتاب عندهم جراءة فيها

تكفى لاتقولي احمد الفهد

هههههههههههههههههههههههههه


يعني .. أوافقك انه فيها كتاب زينين ....

لالالا

مو هوو غيرة كثير


بس فؤاد الهاشم عندي احسن واحد

والله فؤاد ... حلو لما يتكلم في القضايا الوطنية ...

نفسه حلو بالكتابة ... لكن للأسف .. انه ماعنده أي توجه ...

يعني حاط دوبه ودوب الشعبي .... ما أدري ليش ؟؟

هل عشان ..معازيبه هادينه ....عليهم .... ولا عشان أمر ثاني ..

الله أعلم ....

وبعدين الله يهديه ... أحيانا ... كلامه يعني .... مش مؤدب ....

يعني يتكلم عن شغلات مو زينة .... للأسف أقول ....

الصراحه انا ماحب القراءه لانها متعبه حق العين وتعور الرااااس

ليه يا نوني .... هههههه ( لا أتغشمر ...)

موعشان جذيه انا أقرأ ... عشان أدوخ وانام ... هههههه

اقتباس:

---

المشاركة الأصلية كتبت بواسطة الصعيري 314

والله فؤاد ... حلو لما يتكلم في القضايا الوطنية ...

نفسه حلو بالكتابة ... لكن للأسف .. انه ماعنده أي توجه ...

يعني حاط دوبه ودوب الشعبي .... ما أدري ليش ؟؟

هل عشان ..معازيبه هادينه ....عليهم .... ولا عشان أمر ثاني ..

الله أعلم ....

وبعدين الله يهديه ... أحيانا ... كلامه يعني .... مش مؤدب ....

يعني يتكلم عن شغلات مو زينة .... للأسف أقول ....

---

[align=center]بالعكس أخي الصعيري فؤاد يكلم على كل خطأ سوأ من الحكومة والا الآعضاء

وكلام دائما صح00


تقبل صادق ودي[/align]

القراءة قبل النوم جميلة جداً

ولا اقطعها الا بالبر فاني لااضع رأسي الا وانا منهك

والأهم ان يكون الكتاب الذي اخترت مفيد

فانا بدأت بالمجلات الهابطة خاصة التي تحتوي على صور الحسناوات

اما الآن فلا اقرأ الا كتب الادب والتاريخ

تحياتي لك

هلابوعبدالكريم ...

وين الصح لما يطعن في مسلم البراك .... وياليت يبين حقائق .... لكنه كان يتصيد على مسلم .. كل صغيرة ويحاول يكبرها ....وين الصح لما يحط دوبه ودوب أحمد السعدون ....
يعني شي غريب من هالهاشم ....

يعني أنت ممكن تقول ... طيب ليش نعطي السعدون ومسلم قداسة ...؟

أبدا والله..... أنا أول واحدمع النقد البناء ... خصوصا هالشخصيات العامة .. ماعندي مشكلة أبدا ... خله ينقد على راحته ....

لكن وين المشكلة ...؟

قبل الغزو ... لما حلوا مجلس 85 سنة 86 قامت مطالبات شعبية كاسحة .. لأعادة مجلس الأمة ... وتكون ما يعرف بدواوين الاثنين .. اللي هدفها .. الحشد الشعبي لأعادة تفعيل دستور 61 .... تدري منو أهم عناصر قاموا بهالدور ... السعدون ... وجماعة اخرون ... ومسلم كان له دور فعال كذلك ...

المعنى ان هالناس توجههم اصلاحي ... ومع الشعب مو ضده ....

يعني أنت شوف الوضع السياسي في الكويت ... وشوف أحسن التوجهات .. راح تلقى السعدون والبراك وغيرهم من الشرفاء في هالطرف ...

وشوف التوجهات الحكومية .. اللي تبي تحول مجلس المة الى مجلس 90 الوطني ... راح تلقى الهاشم في الطرف هذا ....

يعني خذ نظرة عامة ... وصدقني راح تلمس هالشي ....

ناهيك .. عن سمية الخشاب اللي أذانا فيها .... ههههههههههههه

هلا بأخوي الليث ...
يالله يحفظك ويبارك فيك .... وفي الجميع ... امين ...

أدري ... هي مسألة تعود ... اذا تعودت على هالشي .. صعب انك تترك القراءة قبل النوم .....

تشكراتي ...

انا معك في بعض الشئ ووانامن مؤدي مسلم بشدة والكتلة الشعبية

بس انت شفت مواقف السعدون الأخيرة من القروض السعدون يلعب على

الحبلين ورزة مسلم والكتلة الشعبية أقنعة قامت تنكشف ياعزيزي

يوم السالفة وصلت عن الفلوس 000

والله بالنسبة لي اللي يلعب على الحبلين في قضية قابلة للأخذ والعطى أهون من اللي يلعب على الحبلين في قضايا مصيرية تندرج تحت عبارة أكون او لا أكون ...

يعني والله لو هي رادة على نظام الحكم او على الحكومة .. كان أستعادوا .. أيام.. (ياسيف يامنسف) ..... اللي دمرها دستور 61 ...

لذلك هم يكرهون دستور 61 ويكرهون كل رجل وطني مخلص للوطن وللشعب ...

أنت شفت موقف الوطن من فيصل المسلم في انتخابات 2006 ....؟؟؟

سبحان الله .. موقف غير مبرر .. الا اذا حطيت في بالك .. كرههم لأي رجل وطني ...

ياخي يكفي .. ان راعي هالجريدة ...هو .. علي الخليفة المتهم (سابقا) .. بسرقة المال العام .....

ههههه

الصعيري314

والله فيصل المسلم ماهووو على الهقوة كلامة 2006 غير اداءة بالمجلس

وتبي الصج الحكومة والمجلس كلهم يلعبون على ذقون الشعب00

فاز فيها التاجر وبس00

تقبل تقديري

هلابو عبدالكريم .........

مشكور على المساهمة الحلوة ...

والله ياخوك خلنا نتكلم كلام عام .....

فيه ناس تدافع عن ثوابت شعبية .. ومكتسبات وطنية ... كفلها دستور 61

وفيه ناس .. موعاجبها هالشي .. يعني تحاول تخلي أعضاء مجلس الأمة أعضاء مجلس بلدي .. (مع أحترامي للمجلسين و أعضاؤه) ....

طيب ............

الناس هذي اللي مو عاجبهم هالشي ... قاعدين يعملون ليل نهار لأفشال المجلس .. بشتى الطرق .... مثل .. التسويق الاعلامي لفشل المجلس .. محاربة الاصلاحيين والوطنيين ونشر اي زلة في تاريخهم مهما كانت صغيرة .. وغيرها وغيرها من الطرق ...

وبعدين ... انت تدري ان مو كل الأعضاء ينطلقون من مبادئ وقيم وطنية ... بعضهم نجح فقط لأنه يخلص معاملات ... يعني هالنوعية لو يفتحون محل تخليص معاملات يطلعون ذهب ... هههههه

صج والله هالنوعية نجحوا فقط بسبب المعاملات ...

والمجرم الأكبر اللي ساعدهم في هالشي هي الحكومة ...

طبعا .. الحكومة تبي أشباه رجال .. مو رجال ....

زين ... انت فسر لي شغلة ؟؟؟

شنو معنى ان بعض الاعضاء لهم بريد في كل وزارة ... لتخليص المعاملات ..

شنو معنى هالشي .... ؟؟ ...

ج: معناه شي واحد فقط ... وهو تقنين الواسطة ...

الحكومة تبينا تحت رحمتها ....

لكن العتب على الشعب ... اللي يطلع نوعيات أشباه الرجال ...

مساكين هذولي ... على بالهم التاريخ يبي يرحمهم ....

ويبقى مالم ...............

ياعزيزي البريد لكل عضوو مجلس امة بريد بكل وزارة

ولكن منهم من تمرر معملاتة وواسطتة وهذي سياسة الحكومة لكسبة

الوقوف معا000


وبالنسبة للشعب سابقا كان الشيبان لا يقيمون المرشح من حيث الأداء

إنما ينظرون لخدماتة حتى ولو كانت تافهه أو العنصرية والتحيز00

أما الأن أعتقد أن الشباب المتعلم وأغلبهم متعلم ومثقف يستطيع

نقد أداء الأعضاء وأخيار المرشح00

والحكومة تلعب بذيلها00

تقبل شكري

الصعيري 314

كنت اتمنى ان اصاب بهذه العدوى

لكن للاسف ليس عندي صبر وكلما اشتريت كتاب تركته زين اذا خلصت اول عشر صفحات منه ,,

خالص تحياتي

ليش منابع ناقصك انت متاعب تبي عدوى القراءة

خلك باللي انت فية00


تحياتوووووووووووووو

أقرأ دوماً روايات عالمية وتساعدني على النوم عوضاً عن تضييع الوقت في التفكير

أشكرك يالصيعري على هذا الطرح الحميل والروح المشعة

تحياتي لك

الله يحفظك ياحورية

والشكر لكل المشاركين بالموضووووووووووووع