قصيده في مطير

[align=center]بسم الله الرحمن الرحيم
السلام عليكم ورحمة الله وبركآته .


اخواني واخواتي
اعضاء الحمادين
قريت في احدى المنتديات قصيده
لشاعر معروف !! وكآنت القصيده مدح في قبيلته
لحد انهم اصبحوا ملائكه ( أستغفر الله )

ولكن يومه مدح ربعه !! ليته كف مدحه بأدب !!
وذكر فعلهم الطيب وقبيلته معروفه بالطيب .. لكن كان مدحه
سب علني وامام الكل !!

واللي اغضبني بحق !!
أن ما احد حرك ساكن والكل كان متجاوب معاه
تجاول كلي ..
ومؤيد لما قاله في قصيدته ..

فـ انا كان لي موقف معآه ومعا من كان حوله
وقلت هذه القصيده بعد ماقريت قصيدته ..

وتقول القصيده :





[poem=font="Simplified Arabic,5,darkblue,bold,normal" bkcolor="transparent" bkimage="backgrounds/6.gif" border="solid,5,black" type=0 line=0 align=center use=ex num="0,black"]
يالله يامفرج كرب من لجاله=ياخالق ٍ سبع السموات بيام
ياواحدٍ كل البسيطه حلاله=بيدك زمام الكون . من شرق في شام
سبحانك اللي عالم ٍ كل حاله=وعزيتنا يارب في دين الاسلام
بمعونتك ابدي وارد العداله=للي غدت مابين بايع وسوام
الهرج واجد واكثر الناس داله=والفعل عند اهل المواقيف مقدام
اشيل حملي وأرتكي لشتياله=وامشي قدم .. لاقالوا الطيب قدام
مالد في عين السفيه وضلاله=إلا ليا رد الخبر كذب .. وحطام
زاد الحكي . واخطا الهدف بحتماله=وشفت العرب حوله يرزون الاعلام
كنه خذا جوه وزين احلااله=وارخى على ذيك المواكير بفلام
يمدح ربوعه ! ماعلينا وماله=ماهو بهمنا طاح يافلان او قام
لكن لا يرجح علينا خباله=حنا نعرف العلم .. صبحٍ ومجهام
حنا نعقد كايده في حباله=وحنا نضده كان غرته الاحلام
لا يحسبٍ محدٍ يجي في قباله=وإنه خذا من مجد الاقوام مادام
ان كانها بالفعل !! لا واحلااله=يذكر زمان ٍ مالحق لحمه عظام
يذكر زمانٍ ماضمنته لياله=ومن كثر خوفه يسهر الليل مانام
زور من التاريخ علمٍ بداله=اصبح امير وباقي الناس خدام
ليته تريح مابلش اليوم حاله=ماعاد إلا مطير .. في ضلك أتضام
حنا دروع المجد وحنا رجاله=حنا صقور الارض . يافرخ الاشوام
حنا رجال العرف واهل الشكاله=وحنا زحازيح الوغا طول الاعوام
حنا كنوز الارض واصل الأصاله=وحنا علينا مايجي لوم لاوام
تاريحنا وسط الجزيره مجاله=امدون ٍ مع كل وافي وعلاام
محد جهلنا .. فالجنوب وشماله=افعالنا ماشابها راع الاقلام
فينا الشجاعه تنحدر من سلاله=ماهي حديثه يوم او عدة ايام
فينا الدويش الفيصلي . من لجاله=يبشر بعز ٍ ماحلم فيه او هام
الهارف اللي مابغينا بداله=زيزوم حرب وقت الاكوان ضرغام
قوي باس وكاسب ٍ كل طاله=شتت اساطيل ٍ يكفون الاكوام
وحد لنا الصمان من كل عاله=واخذ عليه اشهود واصكوك واختام
فيصل ينومس كل فعل أنتماله=قايد زحول امطير وامير وامام
هو الابوى ومطير كلهم عياله=للعز رباهم .. وللمجد .. أفهام
وعلوى علوّا شجعان حرب وبساله=علوى ياجاهلهم على الطيب ميدام
علوى حقايق مجد ماهم خياله=لطامة ٍٍ في خد هافي ولطام
عدوهم !! لو يعتزي في خواله=ماهو بسالم كان لشر جزام
إليا اعتزوا غط العدو في كباله=وليا غزوا ماردهم حوم حوام
تاريخهم يعط الفخر من خلاله=وافين مع كل المواقيف وأكرام
والعبدلي قرمٍ كريم أبخصاله=يسبح على بحر الشجاعه وبقدام
اللاد عبدله على كل قاله=إسلام للمسلم .. ولضلم ضلآم .
حول الحجاز وهضبة مع جباله=علم ٍ يعلم لأهل السيف تعلام
اهل الكرامه والكرم والجزاله=كمٍ عقيد ٍ حولوبه ! بلا خطام
حريبهم لاقام !! يطلب زواله=ذولا مناعير الزمن فعل وأتمام
العبدلي دايم على الطيب فاله=للعز والنوماس .. يجريبه ألهام
وحنا هل البيدا .. رجال الكماله=حنا نواميس الفخر بين الانام
حنا بريه أمكملين الجماله=تاريخنا بين التواريخ .. دوام
رجالنا لامن بغى الشي ناله=ماضد رايه جمع غانم وغنام
محدٍ بيقوى !! هيبته مع نزاله=يشهد لنا منهو على الحق فهام
برهان للعليا تراهم دلاله ..=كم معجزه ماجت بيدين الاوهام
نردع جموعٍ ضاريه .. للهزاله=ومنهو نوانا شر ! نجزيه بإعدام
فينا الضفر ! فينا القيم والبساله=والطيب مزروع ٍ مع عود وغلام
ماهمنا منهو !! يغرّه هواله=راسه نجزه !! مثل ماجز الأنعام
برهان ناصل كل طيب بوصاله=وياما ردعنا شيخ لابه وهمام
مطير اسم ٍ مايشكك حواله=الرقم الاول رقمنا بين الأرقام
أفعالنا ! ماتنحصر في مقاله=وموثقه مانجمت بيد نجآم
الطيب له إجابة ٍ في سؤاله=وحنا بحر يصعب على كل عوام
هذا كلام اللي على الحق قاله=امدح وأبصم فوق مدحي بالأبهام
لي حق ٍ اقصد فالجبال الطواله=وااطا على روس الأفاعي بالأقدام
والطيب مع كل القبايل زلاله=وكل ٍ على فعله يحكم بالاحكام
ولاهمني هرج ٍ تقوله حثاله=مادام راسي للنواميس .. جزام
وهذي قصيده ختمها والكفاله=من ذكر قوم ٍ رامت المجد بحسام
من هاجس ٍ تم الشعر وأرتكاله=من دون ربعه تمم البيت بإتمام
واعداد مازان السما في هلاله=واعداد من صلى وكبر ومن صام
صلوا على من ضلنا في ضلاله=نبينا اللي عزنا بدين الأسلام [/poem]



وسلامتكم ..
وسامحوني كان فالقصيده قصور
ومطير .. تستآهل أكثر من القصيد .. والكلام



منقووووووووووول[/align]

ونعم بمطير ومطير مشهود لها بين القبايل ......


ياليتك يابو حور نسقتها دوختني

والله ياخوي يالقصيم التنسيق في المنتدى معقد في المنتدى عكس المنتديات الاخرى

والنعم و الله والنعممم مشكووور على القصيده الحلووو وان شاء الله القصايد
اليايه بتكووون احلى و احلى

هلا اخت نوني الحماديه وانشالله اكون اجيب الي يثلج الصدر

مشكوور عل يابو حوووور على النقل

هلا اخوي ابو عبدالكريم مشكور على مرورك
تقبل كل الود والاحترام