قصيدة ياسعد ,, للشاعر خليل الشبرمي

[align=center]بسم الله الرحمن الرحيم




ياسعد وش شاف مجنون ليلى بالغـرام
أشهد انه وان بِلِـي بلوتـه ياهونهـا

ياسعد ليلاه وان مات فيهـا مستهـام
تدري انه بالهـوى ياسعـد مجنونهـا

المصيبه من غدى ميتٍ له كـم عـام
عشقته ماتدري انـه قتيـل عيونهـا

قرهدت نفسه عليها ومـرّ الكبـد زام
ودوك قلبه ياسعـد مزّعتـه طعونهـا

ياسعد والله يالولا الحيا واخشى الملام
والقرابه والحيـا والهـوى وجفونهـا

لاانهبه وانحاش واجلى جنوب ديار يام
ما يردن لو وقف جيش هتلـر دونهـا

ياسعد راع الهوى بالهوى لاضيم شـام
مايـرده طـول بيبانهـا وحصونهـا

وان غوى راع الهوى في هواها مايلام
لااجتمع غبن الزمن ياسعـد وغبونهـا

ياسعد هي منوة اللي تمنـى والمـرام
لعن ابو حظٍ قصر ياسعد مـن دونهـا

أسمع الرعاد واخيـل بـراق الغمـام
بس مادري ياسعد وين وبل مزونهـا

وياسعد والله فلا اسلى هواها لاحـرام
لو يلوح الشيب في لحيتـي وقرونهـا

وخذ وصاتي ياسعد وصلّه بنت الحشام
ذي وصاتي كان غيري غدى مظنونها

لا شرت ثوب الفرح تشتري لي باع خام
يدفنونـي ليلـة العـرس ويزفونهـا [/align]

صح لسان الشاعر خليل الشبرمي على هالقصيدة الجزلة

وتسلم يمين يالبرنس ماقصرت


تحياااااااااااااااتي

مشكووووووووور اخوي على النقل المميز

مشكورين على مروركم الطيب




تحيااااتي

الف شكر ع القصيدة





http://www.21za.com/pic/salam_kalam008_files/112.gif

شكرااا على مرورك


فجر الحمادين

وش اقول وش اخلي شيخة الغزل يهيب يالشبرمي شاعر بما تعنيه الكلمه

وشخصيه رائعه تفرض عليك الاحترام




تحياتي هو العز

صح لسان الشاعر خليل الشبرمي على هالقصيدة الجزلة

ويعطيك العافية البرنس على النقل