قصيده في حمران النواضر

[align=center]البارحه فالثلـث الأول مـن الليـل
دعتني أجـزال القصايـد وجيتهـا

وكتبتها والشطر الأول علـى أيـل
وفي شطرها الثاني كتبته على أيتها

وحشمتها عن صاقط القال والقيـل
مثل الذهب من نبع فكـري نقيتهـا

نوادر(ن) ماجابهـا بـارد الحيـل
ماصاغ معناهـا ولا صـاغ بيتهـا

كتبتهـا وللمجـد فيهـا تفاصيـل
ومن طيب حمران النواظر عطيتهـا

وسرّيتها وأمجـاد ربعـي مداهيـل
دعتنـي الأمجـاد مـدري دعيتهـا

كتبتها فالرمـح والسيـف والخيـل
والحرب وأرجال(ن) تزامى بصيتها

نظمتها في مدح قـوم(ن) مشاكيـل
مطير ربعـي عزوتـي لا نخيتهـا

أهل السيوف المرهفات المصاقيـل
عدوانهـم ماتهتنـي فـي مبيتهـا

ربعي حمات الذود قوم(ن) حلاحيـل
قصة صلاطيـن الوغـا ماوفيتهـا

المعجزات ألهـم توثّـق بتسجيـل
في صفحة التاريخ سيـره قريتهـا

متوارثين المجد جيل(ن) بعد جيـل
أمجادهـم ماتنتهـي لـو بديتـهـا

ربعي ذخر سـود الليـال المقابيـل
والماضيـات بطيبهـم مانسيتـهـا

فيهم كرم مثـل المـزون الهماليـل
قبيلة(ن) تلقاء الكـرم لا نصيتهـا

ستر الهنوف أم الرموش المظاليـل
هيبة مطيـر أتشوفهـا لا رئيتهـا

الله منزلهـم مـع الحـق تنـزيـل
هاذي أعلوم الصدق ياللي بغيتهـا

ماهمهم هـرج الرخـوم المهابيـل
اللي ضمن حزب الهوامش لقيتهـا

كدوش(ن) على الخيبه تجر المواويل
جلايب(ن) لـو بعتهـا ماشريتهـا

توافه(ن) كبروا وعاشـوا مباديـل
قصة توافـه تافهـه لـو رويتهـا

ولا والذي نـزل تبـارك والأنجيـل
أفعـول ربعـي كلهـا ماحصيتهـا



الشاعر عبيد البديري[/align]

صح السانه


وسلمت يمناك ابو حور


فااائق احترااامي

مشكور اخوي منابع الطيب على مرورك الكريم وتقبل كل الاحترام والتقدير

صح لسان الشاعر

وسلمت يمينك على النقل الجميل

مشكوره اخت فجر على المرور

عزيزى/ ابو ا حور

تسلم الايادى لاعدمناك ولاعدمنا حمران النواضر

مشكوره المويهيه على المرور الكريم

صح لسانك بس


البارحه فالثلـث الأول مـن الليـل
دعتني أجـزال القصايـد وجيتهـا

وكتبتها والشطر الأول علـى أيـل
وفي شطرها الثاني كتبته على أيتها

هذا الابيات عاجبتني



مشكووووووووووووووووووووووووووووووووووووووووووووووو وووووووووووووووووووووووووور

يا البناخي

يامرحبا بالذيب ومشكور على مرورك الكريم

[align=center] تسلم يمناك ويعطيك الله العافيه أخي أبو حور وصح لسان شاعرها ويسلم ناقلها تقبل من كل الاحترام والتقدير ودمت.[/align]

هلا وغلا بخوي غنام العرافه وتسلم يمين من قراها ومشكور يالغالي على مرورك الكريم

يعطيك العافية ابو حور على النقل