شاب يرثي امه

[align=center]الســــلام عليكــــــــــــم

اقرأوا معي بعض ما كتبه هذا الشاب الذي كان في يوم من الايام شاب متهور وغافل وفي اثناء
تهوره تعرض إلى حادث مرور مروع وكانت معه أمه فتوفيت!! وبقي هو علي قيد الحياه


وكتب القصيده هذي :



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات



أسال الله أن يغفر لها ولامواتانا ولجميع موتى المسلمين

وإن كنت محظوظاً ببقاء أمك على قيد الحياة فلزم قدميها فثم الجنة[/align]

[align=center]صح لسانه والله يرحم والدته

وسلمت يمناك ابو حور

دمت بكل الود[/align]

هلا اخوي منابع الطيب مشكور يالغالي على مرورك الكريم

ابو حور شنو ناوي عليه تبى تبكينا

عزيزى كلمات يدمع لها القلب قبل العين

وهذا يدل على رقة قلبك لختيار للقصيده

سلمت من كل شر

تقبل مرورى

لاوالله ولكن قريتها في احد المنتديات وأعجبتني وحبيت انقلها ومشكوره على المرور

وانا مشتا قه لك يمه


واليتم ماينحمل همه


ويعطيك العافيه


وماقصرت بكيتني

هلا اختي بنت الذيب انا والله مابي ابكيج ولكن نقلت الموضوع للحث على بر الوالدين

ياربي قصيده تحزن
يعطيك العافيه