ياصغيره ماجنيتي الا التعــب

السلام عليكم ورحمة الله وبركاته

هذه القصيده موجهه الى من لم تحترم نفسها وتكون مؤدبه مع الغير في احد المنتديات
والتمس العذر من اخواني
الموجودين حيث انها وصل بها الأمر بمهاجمتي بعدة منتديات
فارديت عليها بهذه القصيده واتمنى ان يكون درس لها ...





[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

بيت واحــد مايعــادل بالـذهـب = قايـله مـن قـبلي الشيخ الأمــير
((ياصـغــيّر مايكــبّرني لـقـب = ومايصغّرني اذا انكرني صغـير))
وانا اقول المجد من ربٍ وهـب = ومن سعى للمجد من ساسه كبير
بنت شيخ وشامخه ليه العجب؟= ذي فعـول جدودي وفـيها أسـتنير
الكرم والطيب فيهم انكتب = ومجــدهم جابوه بالسـيف الـشـطـير
بنت حرٍ وانتمي لأعظم نسب = وامـتلك مجــدٍ عـلى غـيري عـسير
شامخه ماني مثل غيري ذنب = قـلتها واقـولـها بصـوتٍ شـهــــير
أكتب القيفان والهبها لهب = ماعـصاني الـقـاف او قـمـت استعــير
جـيت أدب من بها قــلّـة أدب = وفـي غـيابي تنهـق سـوات الحمير
ياصغيره ماجنيتي الا التعــب = حـاقـده والعـقـل فـي راسـك صغـير
ماعـلى أمـثالكـن ادنى عـتب = انبـحــن والعــز مع مـثلـي يـســير
معـدني يالتافهـه معدن ذهـب = ماجـذبني مثلـكـن سـاسٍ حـــقـــير
في مديح مطـير يزهـالي الطرب = يوم مثلك بالغـزل تربـط مـصـير
وافتخـر فـي لابـتي بيـن العـرب = يوم باعـك بالفخـر دايم قـصــير
ياصغـيره مـاعلى الدنيا عـجــب = مـن يعـيش النقص بالدنيا حسير
من يطاوعكن ولوهو اطلق شنب = في عـلوم المـرجـله هـذا فـقــير[/poem]


وســـــلامــــتـــكـــم


اخـــتــــكــم //شــبــيــه الـلـول

والله وستين الف نعم يالشامخة فيك وفي لابتك والشك بغير ذلك

وصح لسانك مليوووون على هالقصيدة الجزلة والقوية جدا جدا

ومثل ماقيل لاتحذف غير الشجرة المثمرة .


لاهنتي اختي شبيه اللول


ودمتي بكل خير



اخوك ابونادر



..

صح لسان شاعرتنا الكبيره .. شبيه اللول.


وعزالله انها قصيده قويه وجزله بنفس الوقت ..


صح لسانك وعلشانك .



دمتي بود ..


سجلي اعجابي بشعرك العريق ..

[align=center]صح لسانك شبيه اللول

بجد راائعه

دمتِ بود[/align]

صح السان الشاعره
والقصيده اكثر من رائعه
تحيااااااااااااااااتي

[align=center]بنت شيخ
بنت حر
والله والنعم
في مديح مطير يزهالي الطـرب
يوم مثلك بالغزل تربط مصيـر
وافتخر في لابتي بيـن العـرب
يوم باعك بالفخر دايـم قصيـر


كفووو والله هذي الهقوه[/align]

فديت إمطير


ولي يكتب

في طاريهم


ويعطيك العافيه


وانا معجبه حد الإعجاب

سيدة الشعر

هكذا سيكون لقبك في ردودي