ياليــــــــــــل

[align=center]هذي القصيــــده اعجبتني وحبيت أنقلـــها لكــمـ



عــســــى أن تنــال أعــجابكمـ


ياليـــــــــــــل



ياليل فيك من الطواري غير عـن كـل الليـال
كنّـك سحابـه والجـروح الماضيـه همّالهـا



من وين مالدّيت عيني فى الجنوب وفى الشمال
برّاقهـا يسبـق رعدهـا والـهـوى يبرالـهـا



ياليل جيت وجايب حمول الهوى اللي ماتشـال
حطّيتهـا ياليـل والقلـب الحزيـن اشتالـهـا



الحب كم لـي قاطعـه مابيننـا حتـى اتصـال
لكـن قناتـه قامـت بقلبـي تبـث ارسالـهـا



مـرارة أيـام الفـراق ولـذّة أيـام الوصـال
القلب ينشـد وينهـا ويقـول كيـف أحوالهـا



تركت لجله واقعي وابحرت في دنيـا الخيـال
متخيّـل اللـي دايـم ابّالـي وانـا فـي بالهـا



اللي معي بين الحنايـا ثابتـه فـي كـل حـال
حتى لو انّي رحت في حالي وهي فـي حالهـا



حبّي لها فى القلب راسي مثل ماترسى الجبـال
يطري علي لا شفت الارض وراسيات جبالهـا



سبحـان خالقهـا وفارقهـا ومعطيهـا الـدلال
الكاملـه فـي كـل شـي دقاقهـا وجلالـهـا



محتكره الاخـلاق والعفّـه وحاكـرة الجمـال
الزيـن كنّـه عمّهـا والغنـج كـنّـه خالـهـا



وعزّي لقلبي بعد صال بحبّها الطاهـر وجـال
اليـوم فاقدهـا وغيـره فـى الليالـي نالـهـا



راحت ورحت ومابقى غير الشقى لي راس مال
عسى السعـاده فالهـا فـى اقفايهـا واقبالهـا



البنت مـع رجّـال وام عيـال ولالـي مجـال
واكثر مايتعب قلبي المجـروح شـوف عيالهـا



القلب حاول بعدها ينهـض ويوقـف بإعتـدال
لكن عجز ينهـض ويعـدل كـل ميلـه مالهـا



نسيانها عندي محال ووصلهـا عنـدي محـال
والحـل مامـن حـل ميـر يحلّهـا حلاّلـهـا



هذا النصيب ومايجيـب وكـل ابونـا للـزوال
واللي ترك حاجه لجل ربّـي يعـاض بدالهـا



انا بشر مؤمن ولا ابغى غيـر شـيٍ بالحـلال
ولاّ العلـوم الثانـيـه فــال الله ولا فالـهـا



وياليل يامطولك مـدري ليـه خطواتـك ثقـال
مافيك حيله ليت لـي حيلـه معـك واحتالهـا



بسهر وابسولف معك مـادام ساعاتـك طـوال
باقي علـوم بوسـط صـدري يـدّرج محّالهـا



بقـول منهـا مايقـال وبتـرك اللـي مايقـال
مؤمن بقولة شرهة الكلمـه علـى مـن قالهـا



ببدى سواليفي معك واسمح لـي بفتـل الحبـال
وافهم سواليفي معك وانقـض جميـع حبالهـا



تدري خلاص أرجوك يكفيني عذاب وضيق بال
وعلومي اللي فى الصدر مالك ياليـل ومالهـا





وســـلامتكمـ[/align]



[align=center]فواز الشهيب[/align]

[align=center]ابو هجير مشكور على هالنقل الجميل وصح لسان شاعرها والله لايهينك[/align]

نورت المتصفح ناشي الصخيني
ودمت بـــــود لاتحرمنا جديدك

مايجيب الزين الا ازين

ويعطيك العافيه

بنت الذيــــب شكرا ياذوق
على مرورك ودمتي بـــود