خساره كيف حبيت؟؟نعم والله ندمان

:wink:[align=center]كتبت الشعر مو لجلك ولكن فاض بي بركـان
واما انتي فلا تسوين قصيده فـي نظـر عينـي







حلفتي لي تصونيني إذا صـار الزمـن خـوان
وأول ما عثر حظي علـى دربـك خذلتينـي





كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتينـي






خسااااره كييف حبيت؟؟! نعـم والله ندمـان
غبي أدري نعم ادري ما دام انـك سكنتينـي




سنه من عمـري وانـا فـي لعبتـك غرقـان
أشيل الشوك من دربك وجرحي كان يدمينـي




وكنت أبكي إذا تبكي وأكون لبسمتك فرحان
وكنت اقرب من رموشك لعينك يوم تبغينـي




عرفتك للآسف صحراء وحولتك إلى بستـان
وشلتيني غصن أخضر وفي صخـرك زرعتينـي



حفرتك داخلي وظني تصوني عشرتـي أزمـان
وكنت أحفر قبر موتي على ساحـل شرايينـي




على كف الشقا نامت جروحي والألم سهـران
يحطمني .. يبعثرني .. وفـي صحـراك يرمينـي




ولكن عزتي تفرض أكـون بدنيتـي سلطـان
وإن ظنك أجي أركع لرجلك... مـا عرفتينـي






انا ما عادتي اشحذ من أمثالك رضا وإحسـان
امـوت بعزتـي ارحـم ولا ذلـك يغطينـي







وما دام الوفا عندك يدور لـه علـى عنـوان
بدور لي على قلب يصـون الحـب وسنينـي






ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي






ولو دار الزمن ضدك وجيتي تطلبـي الغفـران
وجبتي الشمس في كفك لـعندي..ما بتلقينـي






تقول الناس في وصفك:جميله مثل عود البـان
وإنك أجمل وأحلى بشر مخلـوق مـن طينـي




وإنك غالية وأثمن مـن الياقـوت والمرجـان
تقوم أكوان من أجلك وتقعد لـك بلادينـي






حساااااافه غرهم شكلك ويا ما تخدع الألوان
عموماً .. بقت كلمة أخيـرة لـك واسمعينـي





اذا كنتي بنظر غيري ملاك على هيئة انسان
قسم بالله ماتسوي شعره من رمش عيني



منقول[/align]

يعطيج العافيه سوار على روعة النقل ياليت تقولين اسم الشاعر

وبعدين فيها اخطاء املائيه واجد تاكدي من النقل الله يعافيك00000

وهي كالتالي

كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتينـي

نزعتي 00 تكسر الوزن يكون زائ

اعتقد انه كاتب نزعت وكذا تطلع صحيحه

وغيرها كثير
والرمح مايكسر يطعن يخج كذا

دمتي بخير ومشكوره على جهودك الواضحه

تقبلي ووودي برق الوســـــــــــــم

صح لسان الشاعر صاحب القصيدة

وتسلم يمين الناقل




تحياااااتي













..

[align=center]::
::

اقتباس:

---

ولو قلبي رجع حَبـك بولـع فيـه بالنيـران
وبكسرها أنـا رجلـي إذا صوبـك تودينـي






ولو دار الزمن ضدك وجيتي تطلبـي الغفـران
وجبتي الشمس في كفك لـعندي..ما بتلقينـي

---

أختي 00 ســـــوار الذهب


قصيده رائعه 00بروعة حضورج

صح لسااان شاعرهااااااااا

وسلمت يمناااااااااااج

تقبلي مروري 00واعجااابي

دمتي 00كما تحبين

0
0

ريميه مطير

نشميه

:rose:[/align]

[align=center]ولو دار الزمن ضدك وجيتي تطلبـي الغفـران
وجبتي الشمس في كفك لـعندي..ما بتلقينـي


يسلموو الاياادي اختي الفاضله..
لاعدمتك..

قصيده بغاية الروعه..

بنتظار جديدك..[/align]

اشكر مرور الشاعر الكبير برق وتسلم على التصحيح كلك ذوق
اشكر مرور الاخ القدير ابو نادر والاخوات العزيزات ريميه ودلوعه
ولاتحرومنا من مشاركاتكم

تسلمين و تسلم ايدج اللي كتبت القصيده بصراحه وبجد مره حلوه

صح احسااااااااسج حبيبتي ’’

وتسلم يمينج ,,


ودي واحتراااااااااااااامي ’’