أشهر الكلمات المضحكه بالسعوديه

--------------------------------------------------------------------------------

أشهر كلمات مضحكه فــي السعوديه العرييه العالميه



الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.



المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم .



المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...



السلنتح : قليل الأدب


جحلط ( بتشديد اللام ) : وهم مرحلة متقدمة للسلنتح



مزّلب : يعني بايعها بتراب !



مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة



الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له



المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...



المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ...



الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....



العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه ......



العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري...



المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة . و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .



المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....



الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .



زعّيط : مسوي نفسه يفهم في كل شيء وهو من جنب العارضة.



المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...


المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....

الخكري : ببساطة الخكري = نعومة + دلع + ليونة والله لايبلانا ...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا


الرخمه: هو شخص لايفقه في الدنيا شيء يعني بكلام الفصيح من برى الملعب
خخخخخخخخخخخخخخخخخ

[align=center]ههههههههههههههههههه...


يا خي المفهي هذا يذكرني بواحد من الربع...

خخخخخخخخ

يسلموووو ع الموضوع الحلو وننتظر جديدك...

تقبل تحياااااتي[/align]

مشكوووووووور اخووووي لامبارد على مرررورك
........................................
.................................
.......................

هههههههههههههههههههههههههه..

مرره جوناااااااان بالذات الجحلط :)

يسلموو عالموزووع ..

شكرأ أخي على ها لموضوع..

وكل ماذكرت من فصايل متوفره .. حتى لو يمرض واحد منهم .

فصيلته متوفره ..الله يقلل فصايلهم حتى تطهر الارض منهم

حلا الحماادين ثااانكس على المرووور

..............................
..............
.........

راعي المعطا يسلموووووو

مروورك عطر الصفحه ... تقبل تحياتي

...............
..........
......

[align=center]

اقتباس:

---

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

---

يقولون لي في دائرتي الاجتماعيه اني انا ياجدتكم يبالفيت ملكعه :embarassed:ههههههههههه


بنتاجون

يعطيك العويفيه موضوع كله ملح وقبله لاعدمناك:shade:

دوووك ورده:rose:[/align]

هلا فيكـ يا جدتهم ربي يسلمك ...

ويسلمووووووووووووو على الورده

يا الجده الملكعه ...

مشكوووووور على المرووور

هههــــــــــــاي بصرااااااااااحة خطيـــــــــــــــــــــــــرة الله يعطيك العافية

أثير قلم يسلمووووو على المروور

ربي يعافيك يالغلا...