إلى كل مطيري او حميداني >> السفر للخارج خدمات مني

السلام عليكم ورحمه الله وبركاته
كيفكم اخواني اعضاء المنتدى جميعاً
ومساكم الله بالخير
وكل عام وانتم بخير وإنشالله التقديرات الزينه لك اللي يدرسون من ابناء القبيله

اخواني احترت وين اضع موضوع هذا واخترت هذا القسم لانه يجمع كل ويليت الكل يستفيد من هذا الموضوع

طبعاً الكل استغرب من العنوان وكلن يقول هذا مسوي >> وزير الخارجيه وبيسفر الاعضاء لا ياخواني بس خلوني اعطيكم القصه والخدمه اللي راح اسويها للي حابها

اخواني انا حالياً طالب في الجمهوريه الايرلنديه واعتبر اول حميداني يدخل الديره هذي ( إنجاز طبعاً ) :angel: وانا جيت على حسابي الخاص ومنها انضميت إلى بعثه خادم الحرمين الشريفين اطال الله في عمره وكانت قصتي التالي >>

اخوكم محمد الحميداني طالب في المملكة العربيه السعودية المنطقة الاحساء تخرج من الثانويه العامه بنسبه 87.25 علمي وكان (دافور) ممتاز يعني ومنها درس في جاماعات الاحساء فسيرت ترم على جامعه الملك فيصل والترم الثاني في كليه الامام وهي الشريعه الاسلاميه ولا فيه فايد احضر اسبوع واطلع وماخذ الدعوه لعب ولاني جاد في الموضوع ففصلت من كليه الامام (بيكوز) << مسوي انقليزي >> الكليه اكثرها مطاوعه وانا احلق لحيتي فينظرونلي بنظره الزاحف وانا عاقل ترى :tongue: المهم فصلت من الكليه وزعل الشايب ودر اني راعي لعبه وانا طبعاً انقليزي زيرو صفر يعني ما اعرف الا الحروف وكنت بدخل شركه ارامكوا بواسطة فقال ابوي دقيقه خلونا نسفره يدرس لغه وبعد ثلاث شهور من الدراسه انقليزي يرجع عشان مايصير له عذر ويقول الدراسه انقلزي وكذا قلت انا اوكي >> الدعوه في سفره قدام << فقررت اني اسافر إلى الخارج ووقع الاختيار على إيرلندا بسبب ان ايرلندا لا يوجد فيها عدد كبير من الطلاب والجليات العرب وان الدريه لغهتها الاولى الانقلزيه والديره هذي فيها خضره عجيبه وجو مميز امطار واجاوء صراحه مميزه اول مره تمر علي الاجواء هذي فذهبت إلى ايرلندا وانا اول ماوصلت اقول متى برجع لاني صراحه زهقت اول يومين لاكن يوم تعرفت على شباب سعوديين هناك وتعلمت اللغه والله قررت اني اكمل الجامعه هنا لاني داري ان رجعت السعوديه بيشغلني الشايب غصب فالحمدلله حاولت اني انظم للبعثه وانظميت ولله الحمد

<< هذي قصتي والان بعرض عليكم الخدمه وهي :
لأي حميداني او مطيري حاب انه يدرس الخارج لغه او جامعه لا يتردد بالطلب مني فسوف اقدم له خدمه مميزه وراح اجيب له القبولات وكل شي لان صارت لي خبره في الديره هذي
يعني اللي يبي يدرس لغه 3 شهور يخبرني >> وأرسل له القبول مع قيمت المعهد وكذا والتكلفه عامه والمعهد مميز من احسن معاهد اللغه أسمه أتلنتك

واللي حاب انه يدرس جامعه نفسي >> راح اجيب له قبول معهد لمدت ثلاث شهور لازم هو يدفعها مع السكن طبعاً وفي هذي الثلاث شهور راح اجيب له قبول معهد لمده سنه واجيب له قبول جامعه مشترط انه يخلص اللغه
ونرسلها للملحقيه وهم راح انشالله يضمونه ومن عقبها راح يعوضونه بكل اللي دفعه مثلي يعني >> تجيب تقريباً 50 الف سعودي لان تقريباً هذا اللي بتخسره في مده الثلاث شهور طبعاً انا كنت ما ادري انها بتتعوض فكنت فاقد الامل ماخذيت الا الرجال محولينها لي طنخت طنخه الله لايوريكم

المهم اخواني ما ابي اطول عليكم انا حبيت اخدم وحنا نعين ونعاون وحاظرين لكم كلكم ولاي استفسار يرجى طرحه هنا عشان الغير يستفيد
واللي صامل في المووضوع ياخذ ايميلي وهو بالتوقيع ويضيفني وانشالله راح افيده بكل شي

وفي الاختام تقبلوا فائق إحترامي اخوكم ابن جمهور ...

ابن جمهور تدمت ودام ابداعك

وتقبل مروري

حياك الله يا بو علي وتشكر علي المجهود ولا خلا ولا عدم

بيض الله وجهك ابن جمهور

وبارك الله في جهودك

ترجع بالشهاده سالم غانم

ان اشهدنك سنافي يابن جمهوووور واخيرا وليس اخرا مشكووووووووووووووووووووور

ابن جمهووور بيض الله وجهك وكثر الله من امثالك وماهي غريبه منكم يالجماهره

داايم ورايتكم بيضاء ... ان شالله تجيب الشهاده الجامعيه وترجع سالم لأهلك ..

تقبل مرووري

أخوكـ بنتاجون

اخوي ابن جمهور تراي من ربعك القريبين ولتصغي لنصحي وتفتح لي قلبك اوصيك ونفسي بتقوى الله في السر والعلن وانت في ديار الغربة عليك بالصحبة الصالحة والاستقامة على الدين وابشر بالتوفيق من الله واسعدني حرصك على خدمة ربعك فالله الله بان تكون مع الله يكون الله معك فمن اصلح سريرته اصلح الله علانيته ومن وجد الله فمافقد شي ومن فقد الله فاته كل شي وتقبل تحياتي اخوي ابوعلي الله يرجعك سالم وغانم

ابن جمهوووور... بيض الله وجهك....

ماهو غريب عليك الطيب....

وانشالله ترد من ايرلندا ومعك الشهادة....

تقبل تحيااااااتي....

واللــه انــك كفوو ..

ماقصــرت ياولـد العــم ..

الله يجزاكم خير الجميع
ويعطيكم ربي الف عافيه
وماسوينا شي هذا اقل شي إتجاه ابناء عمي
أعقب على رد مشعل >> وش دراك اني ابوعلي وان اسم ابوي علي
واخوي عبدالله جعلك ذخر ولانخلا منك ولا من نصايحك وانشالله انها حلقه بأذني
والباقي ربي يخليكم كلكم لي
لكم ارق تحيه اخوكم ابن جمهور ...

[align=center]ابن جمهور




ماتقصر ياوليدي وعساك على القوه وترجع بالشهاده باقرب وقت



الا العجزز مالهن مكان بجامعتك:embarassed: <<<جدتك معها التوفل


دوووك ورده:rose:[/align]

الله يوفقك دنيا واخره يااخوي ابن جمهور وصراحه انا ودي اخذ لغه 10 شهور كذا
بس لين يرسموني الشركه اقدر اخذ سنتين بس ودي اخذ 10 شهور لغه بس
اطلع بلبل انقليزي زالله اني متحمس على اللغه حتى اذا طبيت الرياض
اشوف اللوحات الانقليزيه حفظت الكلمه يعني الولد وده باللغه
وابي الله لايهينك كم التكلفه على 10 شهور وتقبل.......@

[align=center]ربي يعطيك العافيه ابن جمهور

وما هي غريبة عليك أن شاء الله

وألف شكر

لا عدمناك

تحياتي [/align]

العفوووو واشكركم على المرور
يا الجده التوفل مايبونه يبون الايرلس ولازم تجيبين 6 على الاقل عشان ياخذونس
ههههههههههههههههه يالله حسن الخاتمه
اما ابوغزوى ابشر وانا اخوك في اللي تبيه والديره راح تعجبك وراح تستفيد من اللغه هنا بشكل كبير يليت تراسلني على الايميل عشان افهم القصه بالضبط
منابع الطيب يا اخي دايم تخجلني بكلامك الله يعطيك العافيه وجعلك ذخر في المنتدى
لكم خالص تحياتي اخوكم ابن جمهور ...

ابن جمهور الله يعطيك العافيه

ولاهي مستغربه منك

محمد ياخوي روعتنا التوفل معترف فيه في بريطانيا وامربكا وكندا

يعني ماينفع

وياليتك تشرحلنا عن الايرلس

هلا وغلا اخوي شقران مرحبا بك
التوفل معترف فيه حتى في إيرلندا
لاكن اكثر واغلب الجامعات حالياً ماتعترف الا بالايلس
وانا مرت علي تجربه في الجامعات انه لازم اختبر الايلس واجيب فيه 6 عشان انقبل انا وغيري من الشباب اللي موجود هنا

اما النبذه عن الايرلس هو اختبار عادي جداً وسهل يعني يبيلك انقليزي وهو يقيس مدى قوتك باللغه الانقليزيه
فالاختبار مقسم الا كذا جزء ومنها سهوله السمع وسرعه النطق وإملاء الكتابه
فيعني فيها اسأله تفيد الاجزاء اللي مرت لاكن لازم تتحسن باللغه الانقليزيه لكي تجتاز الاختبار لانك راح تدرس برا والجامعه كلها بالانقليزي والدكتور راح يشرح وبسرعه فلازم تجتاز الاختبار كي تتعاون في الجامعه وتكون لغتك زينه
اما بعض الجامعات واكثرها يهترفون بالتوفل لاكن حالياً الايرلس هو الاضمن وبعض الجامعات مثل جامعتي وغيرها اللي هي احسن الجامعات في ايرلندا قابليني لاكن قبول مشترط اني اتجاوز الايرلس بدرجه 6 عشان انقبل وابداء الدوام

والله ولي التوفيق
لكم مني تحهه معطره اخوك ابن جمهور ...

مشكور على الشرح الوافي والله يوفقك

محمد انا جايب في التوفل558 تتوقع اعدي الايلس

اقتباس:

---

المشاركة الأصلية كتبت بواسطة ابن جمهور

الله يجزاكم خير الجميع
ويعطيكم ربي الف عافيه
وماسوينا شي هذا اقل شي إتجاه ابناء عمي
أعقب على رد مشعل >> وش دراك اني ابوعلي وان اسم ابوي علي

---

ههههه بصراحه انا ما عرفك بس شفت كاتب بأيميلك
بوعلي عدل كلامي
يعطيك العافيه

مشكور اخوي ابو حور على الموضوع

شقران : انشالله بتعديه مشالله عليك تقديرك في التوفل حلو
مشعل : اها اوكي الله يعطيك العافيه بس انبهت توقعتك عرفتني
غرم : خخخخخخخخخ انا اللي كاتب المووضع مو ابو حور بس ماعليه شكلك خاشه موضوع ثاني وراده على موضوعي هههه
الله يعطيكم العافيه وشكراً على المرور جميعاً
ولكم تحيه معطره اخوك ابن جمهور ...