جولة في ربوع منتدى الحمادين 1

سلاااااااااااااااااااااااااااااااااااام اخواني اعضاء المنتدى
طبعاً هذا الموضوع جوله صارت في المنتدى وطبعاً من نسج الخيال فيها من الضحك والفله ولا اريد الزعل لاني بذكر اسماء من الاعضاء للي تعرفت عليهم من خلال مواضيعهم وتواجدهم في المنتدى فيليت الموضوع يعجبكم والزعل مرفوض والعذر من الاعضاء اللي لم يتم ذكر اساميهم والجولات الجايه انشالله ..

في يوم بارد جداً دبت الامطار على منتديات الحمادين وبينما كنت اتوجل لوحدي في المنتدى لابس جكيت اسود ونظرات سود ( جمس بوند) شفت من بعيد فوق المتواجدين الان واقرب ويزيد الصوت وهو صوت زي صوت الدباب ويوم قربت عدل الا هو العضو ( القصيم ) راقد وحاط الكتب تحته ويوم قربت عدنه قام والا الاخلاق زاقه شغل الزقاره ويكفسها ويدخن بحذر دار بيني وبينه الحوار هذا :

انا : وش فيك تدخن كن ابوك هنا .
هو: أسكت بس اخاف المشرف موجود يحقطلي ولا شي
انا : ليه وش عليك منه ابوك هو .
هو: لا بس ممنوع التدخين في المنتدى .
انا: اها .. يرجال دخن بس اخاف مطار هثرو ممنوع التدخين
الا تعال وش عندك عيونك حمر وراقد هنا ليه ماتروح بيتكم
هو: يرجال اليوم ما داومت ساحب ماتشوف الكتب معي
انا : لاحول وفي نفسي >> ابتلشنا بالزاحف هذا << وليه ماحظرت وساحب على المدرسه .
هو: يرجال امس هجوله هنا اخر الليل في المنتدى تفحيط ورجه وضحك .
اما : انت ومن والا لحالك
هو: اما لحالي لا انا وشقران فلينها فله.
انا : شقران هذاك اللي مسوي شاعر يهجول معك وفي نفسي >> ولله في خلقه شؤون .
هو : أيه أيه انا وشقران يالله ضف وجهك انا برقد .
انا : أوكي أوكي بروح اتمش في المتنتدى باي.

وبينا انصرفت عن هذا المدعى بالقصيم وانا شديد الخوف خايف انه يضربني والمهم رحنا نتمشى في المنتدى الا وذيك الاصوات والزعاق واللعنه قلت بس قام بقسم في ذا المنتدى خلني اروح اشوف وش السالفه واخش القسم العام الا والجده مجمعها لها كم واحد واقعده تهزأ فيهم ومعها خيزرناه واللي يعاند أسعته فيها مساكين المهم خذيتها على جنب ودار بيني وبينها الحوار هذا :

أنا: هلا جدتي شلونك طيب انشالله .
الجده : الحمدلله ياوليدي وش بلاك مطلعني من المحاظره خلني احلق على بزاريني اعدل اسلوبه .
انا : أصبري يا بنت الحالا وش فيس بالشه ذا العالم مغير سوق وانتقادات حاده وطق وتهزيء اشوي وتحطين سجن بالمنتدى واللي يخطي تحبسينه .
الجده : شتقول انت انا قاعد اعلمهم الاصول واضبطهم عشان يترتبون هنا بالمنتدى ويصيرون عدلين .
انا : في نفسي >> انتي غيري برقعس هالي لعب فيه السمن من كثر ما تاكلينه << اوكي عدليه نو بربلم لاكن عدليهم بأدم وأحترام وبينهم وبين بعض مو علني كذا عيني عينك قدام ها العالم يا اخي والله احس اذا احد اخطا بينحاش من المنتدى عشان ما يتهزأ .
هالجدخ : ماعجبها كلامي >> أنت وش دخلك انت ها ماودك تنقلع الحين والا مردغتك بذا الخيزرانه لين تحب الخد .
انا : أوكي اوكي باي وحيلس فيهم خليه جلودهم تتقطع خخخخخخ .

المهم وانصرف عن الجده في تكمله لجولتي والقى هاك التجمع الخطير في قسم الاداره ممداني دخلت الا ريحت حريق وصراخ الامهم اشوي الا ابو حور نط بالمكرفون ويرفع الصوت ويالله يا اعضاء ننتقل للقسم المجاور بيكوز القسم هذا احترق خلو المطافي ياخذون راحتهم المهم جيته والاعضاء ينحاشون من القسم للقسم الثاني ودار بيني وبينه حوار :

انا : وش السالفه وانا اخوك تبي فزعه شي >> مسوي الزير مع وجهي
هو : والله مابه سلافه وانا اخوك لاكن ودنا نطلع الاعضاء رحله في احد الجزر القريبه من هنا
انا : والله فكره حلوه اوكي بخاويكم ودي اروح لاني زهقان كلا اسولف لحالي
هو : في نفسه >> تسولف لحالك هاه >> اوكي بس بشرط
انا : امر لو تبي ما اروح حاظرين >> كذااااااااااااااب
هو: تروح تجيب سيوف من بيتها لانها تأخرت وبنمشي حنا
انا : بوجهه شيطاني >> اوكي عيوني لك الان رايح لها

المهم ابعدت عن ابو حور بسرعه ورحت بمر الاخت سيوف بأسرع من البرق
ووقف عند باب بيتها بواري وكذا لين اطلعت ويليتها ما اطلعت المهم
هذا اللي صار بيني وبينها :

هي : أووووف
انا : صباح الخير حياك الله في سيارتي
هي : أووووف
انا : في خاطري وش السالفه >> سيوف سلامات فيكي شي
هي : مالك دخل >> بكل غرور
انا : >>مسوي يبي يغير الجو >> تبين عصير برتقال شاري اثنين
هي : لا ما اشرب مشروبات غازيه ( أنزين عصير برتقال يا عالم )
انا: اوكي على راحتك

المهم وحنا في السياره طلعت من شنطتها حليب السعوديه وقعدت تشرب اشوي قامت تصرخ ويوم قربنا من المنتدى افتحت الباب واطمرت والى الان لا ادري وش السبب ..

المهم وصلنا المنتدى بسرعه الا الاعضاء قاعدين يركبون الطياره واجيك انا طاير عشان اركب المهم ركبوني وجلست جمب ابو عبدالله الحميداني المهم بينما كانو مشتطين في دخول الاعضاء الغت الطياره وقامت الاخت حلا الحمادين بإلقاء تعليمات السلامه وربط الاحزمه طبعاً الطيار الاخ العزيز اورنس جايبينه اجنبي من يوغزلافيا المهم دار بيني وبين الاخ ابو عبدالله الحوار هذا :

انا : سلام كيفك ابوعبدالله
هو : وعليكم السلام ورحمه الله وبركاته . الحمدلله اخي ابن جمهور انا بأحسن حال وأتمنى منك ان تكون مثلي في حال طيبه
انا : >> متوهق ولا ادري وش قال >> اكيد الجو حلو وزين هههه
اخوي ابوعبدالله وين بنروح > وجهه غبي
هو: سوف نذهب إنشاء إلى الا جزيره تسمى جزيره الاحلام سوف نقضي فيها اجمل الاوقات والاحظات ولن نسى ذكر الله سبحانه وتعالى
انا : في خاطري >> وش قعدني جنبه >> أيه اكيد طال عمرك انشالله انا بنستانس وبنفله دامك جنبي

المهم بينما انا ادردش مع ابو عبدالله الا كل عضو ماسك له عضو في كرسي ويسولفون والطيرا مركي للطياره بسرعه خطيره والا واسمع صوت الانفجار الخطر في احد الاجنحه وقامت المضيفات حلا الحمادين و اميره الورد بتعليمنا التعليمات للهبوط الاطراري على احد الغابات في افريقيا طبعاً مع الذعر والخوف الشديد من الاعضاء جميعاً والطيار اورنس نزل وخلانا في الطياراه
والمضيفات اسمعهم يقولون لنا 40 دقيقه لنخلي الطياراه لانها راح تصقط الان هي واقفه في الهواء .....

المهم اليوم اكتفي للجوله إلى هذا الحد لاني مليت من كثر الكتابه واذا اعجبتكم بكملها لكم واذا ما اعجبتكم قولو لي وادرجها مع الباب بلا جوله بلا بطيخ العذر من كل عضو انذكر اسمه ترها الدعوه مزحه وضحك

أنتظروا الجزء الثاني اخوكم ابن جمهور ...

[align=center]

اقتباس:

---

أنا: هلا جدتي شلونك طيب انشالله .
الجده : الحمدلله ياوليدي وش بلاك مطلعني من المحاظره خلني احلق على بزاريني اعدل اسلوبه .
انا : أصبري يا بنت الحالا وش فيس بالشه ذا العالم مغير سوق وانتقادات حاده وطق وتهزيء اشوي وتحطين سجن بالمنتدى واللي يخطي تحبسينه .
الجده : شتقول انت انا قاعد اعلمهم الاصول واضبطهم عشان يترتبون هنا بالمنتدى ويصيرون عدلين .
انا : في نفسي >> انتي غيري برقعس هالي لعب فيه السمن من كثر ما تاكلينه << اوكي عدليه نو بربلم لاكن عدليهم بأدم وأحترام وبينهم وبين بعض مو علني كذا عيني عينك قدام ها العالم يا اخي والله احس اذا احد اخطا بينحاش من المنتدى عشان ما يتهزأ .
هالجدخ : ماعجبها كلامي >> أنت وش دخلك انت ها ماودك تنقلع الحين والا مردغتك بذا الخيزرانه لين تحب الخد .
انا : أوكي اوكي باي وحيلس فيهم خليه جلودهم تتقطع خخخخخخ .

---

ابن جمهور

تسلم على هالموضوع ياوليدي الحقيقه ينم عن ابداع قادم بقووه:thumbs_up:

على انك هزويتني فيه ياجديدتك وقلة كلمة (بأدم وأحترام وبينهم ) ادم ماعرفتها!!

احترام عرفتها ..وجميع الاعضاء على عيني وراسي حتى لو يغلطون علي مسامحين:embarassed:

بس والله ان موضوعي الهدف منه النقد باسلوم مزح بدون تجريح وتعرض للاحترم زي ماتفضلة ياغناتي..:star:

يعني تقريبا فكرته مثل فكرتك ... بس انا فكرتي من الادب الشعبي:angel: وانت فكرتك من الادب العالمي :shade:طبعا السبب يرجع لاني تعليم كتاتيب وانت تعليم عالي وجامعات هههههههههههههههههههههههههههههههههههههههههههههههههه :rose:



على العموم ..

من جد وبدون مجامله الموضوع عجبني جدااا وتراي ما ازعل ابدا

وخذ راحتك .. وزي ما اسلفت بموضوعي :embarassed:

مايستشك ياحسين كود الرديين .. والا ترى الطيب وسيعن بطانه:star:



ووودووك ورده الاعشر ورداة على هالابداع
:rose::rose::rose::rose::rose::rose::rose::rose::r ose::rose:[/align]

مررررررررره ألـــــــــــيمه ..

بثبتـــــــــــــها لكـ يــاحفــله ..

هههههههههههههههههههه جدتي أشكرك على المرور
وكم اسعدني تواجدك بالموضوع >> زين فيه تطور قمتي تطلعين من القسم العام
لا بالعكس موضوعك زي العسل وانا من اللي يحبونه لاكن نمزززح >> لاتكثر مزح انت ووجهك

خيتووو حلا ثانكيو على المرور والتثبيت احرجتوني وربي
الله يعطيك العافيه وسوري اذا اخطينا على حد
لكم خالص تحياتي ابن جمهور ..

نسيت جدتي ادم يعني ادب >> بس عندي التماس في نطق الحرفين وتشابكوا
والناتج ان جينات حرف الميم اقوى من جينات حرف الباء >>> مسوي بيرقع البدليه
لك خالص تحياتي ابن جمهور ..

[align=center]ابن جمهور


اسمحلي ياوليدي اشكر حلا الحمادين لانها ثبتت الموضوع :thumbs_up:

بجد يستااهل وكنت ناويه اقترح على الاداره يثبتونه لاني قلب وقالباً مع


هالمواضيع اللي من بنات افكار اصحابهااا:thumbs_up:


وكلنا معا نحو مستقبل زاهر لمنتدى الحمااادين:embarassed: <<<وش عندها السينتوره جدتهم[/align]

هلابس يالغلا مره اخرى
وكم تزيدين الموضوع شرفاً بالمشراكه فيه
وأشكر حلا مره اخرى على التثبيت
وأشكرك لدعم الشباب اللي توه طالع >> واحد مسوي محترم
خخخخخخخخخخخخخخخخخخخخ
الله يعطيك العافيه على المرور
لك خالص تحياتي اخوك ابن جمهور ...