[ يـــاويـــن رحــتـــوا مــاعليـكــم حســيــفــه ]

[align=center]أعز نفسي لين تاقف على الجال

مالي ومال أهل النفوس الضعيفه

ماهمني غلطات جاهل وجهال

إن جت من الجاهل قديحة وليفه

تركتها عاقل ويدرون عقال

العقل ميزه والجهاله كسيفه

العلم له معنى وللكيف فنجال

ياوين رحتو ماعليكم حسيفه

هذا كلام الصدق والصدق ينقال

ونفسي عن الهفوات دايم عفيفه

أنا عريب الجد والعم والخال

أشرب لجم البير واترك غريفه

من شجرة فيها الدفي دايم ضلال

ربيع قلبي في زماني وريفه

والمرجله هقوات واهداف وأمال

وبيت الردى ينهد محدن يضيفه

بيتن بليا ساس لابد ينزال

والمنزل العالي براس المنيفه

ياما لبسنا من جديدات وسمال

وياما غدا ماقلت ماله خليفه

دنياك هاذي كل يوم لها أحوال

بين الرجا والياس دايم مخيفه

هذا مثل والناس كم تضرب أمثال

ولاكل من هام المراجل بكيفه

ومن لاعرف ما قلت ما قيل وش قال

يكفيك عن كثر الكلام تعريفه

وصلات ربي عد ماهل همال

وعداد ماهبت ذعاذيع صيفه

على نبين خصه الله بالارسال
اللي رفع دين العروبة بسيفه







[/align]

دمت ودام ابداعك

||{صح لسان شاعرها ..
وتسلم يد ناقلها ..

لا عدمنآ جديدك ..
دمت بحفظ الله --||

[align=center]صح لسانك قصيد جزله من رجال جزل

دمت وننتضر منك المزيد[/align]

[align=center][glow=000033]دائماً مبدع يا بقايا انسان ..



دائما يشدني احسااسك الرائع ..

دمت ودام ابداعك [/glow][/align]

[align=center]قصيده جزله ومليئه بالنبل واخلاق الرجال
صح لسانك ودام ابداعك بقايا انسان[/align]

أشكر جميع من مر وصح لســـــــــــان شاعرها 000000000 تحيااااااااااتي

أجيزك وجيز القصيده وفالك التوفيق وبيض الله وجحك