[frame="1 80"]قصيدة لعقوب الحميداني يرد على قصيدة الشيخ الفارس المعروف فيحان بن زريبان التي مطلعها
(يا عقوب واقلبي تزايد غليله .. على غزالٍ مارموه التفافيق)
الرجل يا فيحان قلبه دليله
و رجلٍ بلا عقلٍ يتيه الطواريق
والرجل يصبر لين يبخص حصيله
و البيض خوّانات عهد المواثيق
وترى العذارى مثل وصف المليله
ومن هايفت لك هايفت للعشاشيق
ودّك ترافق كاسبين النفيله
فكّاكة التالي الى ذلهب الريق
وان شلت حملٍ ثمّ كادك مشيله
شالوه ماهو بالحكا و الملاصيق
واللي مشى لي بالنصح انثني له
و ان راح خشّه من قفاف المعاليق
ولا صفا لي صدق حق ارعوي له
و من صد صد و من قفاه المسابيق
طيرٍ على راعيه ما ينثني له
أقفى مع اللجّه لريشه تخافيق
أهل الهروج اللي قليلٍ حصيله
اللي يتلّون المقفّي مراشيق[/frame]
